Languages

Work 1 · Passage 32

Work 1 · Passage 32

Plato

Greek

ἐπειδὴ οὖν ἐνταῦθα ἦμεν τοῦ λόγου καὶ πᾶσι καταφανὲς ἦν ὅτι ὁ τοῦ δικαίου λόγος εἰς τοὐναντίον περιειστήκει, ὁ Θρασύμαχος ἀντὶ τοῦ ἀποκρίνεσθαι, εἰπέ μοι, ἔφη, ὦ Σώκρατες, τίτθη σοι ἔστιν; τί δέ; ἦν δʼ ἐγώ· οὐκ ἀποκρίνεσθαι χρῆν μᾶλλον ἢ τοιαῦτα ἐρωτᾶν; ὅτι τοί σε, ἔφη, κορυζῶντα περιορᾷ καὶ οὐκ ἀπομύττει δεόμενον, ὅς γε αὐτῇ οὐδὲ πρόβατα οὐδὲ ποιμένα γιγνώσκεις. ὅτι δὴ τί μάλιστα; ἦν δʼ ἐγώ. ὅτι οἴει τοὺς ποιμένας ἢ τοὺς βουκόλους τὸ τῶν προβάτων ἢ τὸ τῶν βοῶν ἀγαθὸν σκοπεῖν καὶ παχύνειν αὐτοὺς καὶ θεραπεύειν πρὸς ἄλλο τι βλέποντας ἢ τὸ τῶν δεσποτῶν ἀγαθὸν καὶ τὸ αὑτῶν, καὶ δὴ καὶ τοὺς ἐν ταῖς πόλεσιν ἄρχοντας, οἳ ὡς ἀληθῶς ἄρχουσιν, ἄλλως πως ἡγῇ διανοεῖσθαι πρὸς τοὺς ἀρχομένους ἢ ὥσπερ ἄν τις πρὸς πρόβατα διατεθείη, καὶ ἄλλο τι σκοπεῖν αὐτοὺς διὰ νυκτὸς καὶ ἡμέρας ἢ τοῦτο, ὅθεν αὐτοὶ ὠφελήσονται. καὶ οὕτω πόρρω εἶ περί τε τοῦ δικαίου καὶ δικαιοσύνης καὶ ἀδίκου τε καὶ ἀδικίας, ὥστε ἀγνοεῖς ὅτι ἡ μὲν δικαιοσύνη καὶ τὸ δίκαιον ἀλλότριον ἀγαθὸν τῷ ὄντι, τοῦ κρείττονός τε καὶ ἄρχοντος συμφέρον, οἰκεία δὲ τοῦ πειθομένου τε καὶ ὑπηρετοῦντος βλάβη, ἡ δὲ ἀδικία τοὐναντίον, καὶ ἄρχει τῶν ὡς ἀληθῶς εὐηθικῶν τε καὶ δικαίων, οἱ δʼ ἀρχόμενοι ποιοῦσιν τὸ ἐκείνου συμφέρον κρείττονος ὄντος, καὶ εὐδαίμονα ἐκεῖνον ποιοῦσιν ὑπηρετοῦντες αὐτῷ, ἑαυτοὺς δὲ οὐδʼ ὁπωστιοῦν. σκοπεῖσθαι δέ, ὦ εὐηθέστατε Σώκρατες, οὑτωσὶ χρή, ὅτι δίκαιος ἀνὴρ ἀδίκου πανταχοῦ ἔλαττον ἔχει. πρῶτον μὲν ἐν τοῖς πρὸς ἀλλήλους συμβολαίοις, ὅπου ἂν ὁ τοιοῦτος τῷ τοιούτῳ κοινωνήσῃ, οὐδαμοῦ ἂν εὕροις ἐν τῇ διαλύσει τῆς κοινωνίας πλέον ἔχοντα τὸν δίκαιον τοῦ ἀδίκου ἀλλʼ ἔλαττον

Transliteration

epeidē oun entautha ēmen tou logou kai pasi kataphanes ēn hoti ho tou dikaiou logos eis tounantion perieistēkei, ho THrasymachos anti tou apokrinesthai, eipe moi, ephē, ō Sōkrates, titthē soi estin; ti de; ēn dʼ egō ouk apokrinesthai chrēn mallon ē toiauta erōtan; hoti toi se, ephē, koryzōnta periora kai ouk apomyttei deomenon, hos ge autē oude probata oude poimena gignōskeis. hoti dē ti malista; ēn dʼ egō. hoti oiei tous poimenas ē tous boukoloys to tōn probatōn ē to tōn boōn agathon skopein kai pachynein autous kai therapeuein pros allo ti blepontas ē to tōn despotōn agathon kai to hautōn, kai dē kai tous en tais polesin archontas, hoi hōs alēthōs archousin, allōs pōs hēgē dianoeisthai pros tous archomenous ē hōsper an tis pros probata diatetheiē, kai allo ti skopein autous dia nyktos kai hēmeras ē touto, hothen autoi ōphelēsontai. kai houtō porrhō ei peri te tou dikaiou kai dikaiosynēs kai adikou te kai adikias, hōste agnoeis hoti hē men dikaiosynē kai to dikaion allotrion agathon tō onti, tou kreittonos te kai archontos sympheron, oikeia de tou peithomenou te kai hypēretountos blabē, hē de adikia tounantion, kai archei tōn hōs alēthōs euēthikōn te kai dikaiōn, hoi dʼ archomenoi poiousin to ekeinou sympheron kreittonos ontos, kai eudaimona ekeinon poiousin hypēretountes autō, heautous de oudʼ hopōstioun. skopeisthai de, ō euēthestate Sōkrates, houtōsi chrē, hoti dikaios anēr adikou pantachou elatton echei. prōton men en tois pros allēlous symbolaiois, hopou an ho toioutos tō toioutō koinōnēsē, oudamoy an heurois en tē dialysei tēs koinōnias pleon echonta ton dikaion tou adikou allʼ elatton

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 343 part 1; transliteration: greek-transliteration (build)

Share X Facebook