Languages

Work 1 · Passage 31

Work 1 · Passage 31

Plato

Greek

· ἐπειδὴ δὲ ὡμολόγησεν, ἄλλο τι οὖν, ἦν δʼ ἐγώ, οὐδὲ ἰατρὸς οὐδείς, καθʼ ὅσον ἰατρός, τὸ τῷ ἰατρῷ συμφέρον σκοπεῖ οὐδʼ ἐπιτάττει, ἀλλὰ τὸ τῷ κάμνοντι; ὡμολόγηται γὰρ ὁ ἀκριβὴς ἰατρὸς σωμάτων εἶναι ἄρχων ἀλλʼ οὐ χρηματιστής. ἢ οὐχ ὡμολόγηται; συνέφη. οὐκοῦν καὶ ὁ κυβερνήτης ὁ ἀκριβὴς ναυτῶν εἶναι ἄρχων ἀλλʼ οὐ ναύτης; ὡμολόγηται. οὐκ ἄρα ὅ γε τοιοῦτος κυβερνήτης τε καὶ ἄρχων τὸ τῷ κυβερνήτῃ συμφέρον σκέψεταί τε καὶ προστάξει, ἀλλὰ τὸ τῷ ναύτῃ τε καὶ ἀρχομένῳ. συνέφησε μόγις. οὐκοῦν, ἦν δʼ ἐγώ, ὦ Θρασύμαχε, οὐδὲ ἄλλος οὐδεὶς ἐν οὐδεμιᾷ ἀρχῇ, καθʼ ὅσον ἄρχων ἐστίν, τὸ αὑτῷ συμφέρον σκοπεῖ οὐδʼ ἐπιτάττει, ἀλλὰ τὸ τῷ ἀρχομένῳ καὶ ᾧ ἂν αὐτὸς δημιουργῇ, καὶ πρὸς ἐκεῖνο βλέπων καὶ τὸ ἐκείνῳ συμφέρον καὶ πρέπον, καὶ λέγει ἃ λέγει καὶ ποιεῖ ἃ ποιεῖ ἅπαντα.

Transliteration

epeidē de hōmologēsen, allo ti oun, ēn dʼ egō, oude iatros oudeis, kathʼ hoson iatros, to tō iatrō sympheron skopei oudʼ epitattei, alla to tō kamnonti; hōmologētai gar ho akribēs iatros sōmatōn einai archōn allʼ ou chrēmatistēs. ē ouch hōmologētai; synephē. oukoyn kai ho kybernētēs ho akribēs nautōn einai archōn allʼ ou nautēs; hōmologētai. ouk ara ho ge toioutos kybernētēs te kai archōn to tō kybernētē sympheron skepsetai te kai prostaxei, alla to tō nautē te kai archomenō. synephēse mogis. oukoyn, ēn dʼ egō, ō THrasymache, oude allos oudeis en oudemia archē, kathʼ hoson archōn estin, to hautō sympheron skopei oudʼ epitattei, alla to tō archomenō kai hō an autos dēmiourgē, kai pros ekeino blepōn kai to ekeinō sympheron kai prepon, kai legei ha legei kai poiei ha poiei hapanta.

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 342 part 2; transliteration: greek-transliteration (build)

Share X Facebook