Work 1 · Passage 36
Plato
Greek
ἀλλʼ, ὠγαθέ, προθυμοῦ καὶ ἡμῖν ἐνδείξασθαι—οὔτοι κακῶς σοι κείσεται ὅτι ἂν ἡμᾶς τοσούσδε ὄντας εὐεργετήσῃς—ἐγὼ γὰρ δή σοι λέγω τό γʼ ἐμόν, ὅτι οὐ πείθομαι οὐδʼ οἶμαι ἀδικίαν δικαιοσύνης κερδαλεώτερον εἶναι, οὐδʼ ἐὰν ἐᾷ τις αὐτὴν καὶ μὴ διακωλύῃ πράττειν ἃ βούλεται. ἀλλʼ, ὠγαθέ, ἔστω μὲν ἄδικος, δυνάσθω δὲ ἀδικεῖν ἢ τῷ λανθάνειν ἢ τῷ διαμάχεσθαι, ὅμως ἐμέ γε οὐ πείθει ὡς ἔστι τῆς δικαιοσύνης κερδαλεώτερον. ταῦτʼ οὖν καὶ ἕτερος ἴσως τις ἡμῶν πέπονθεν, οὐ μόνος ἐγώ· πεῖσον οὖν, ὦ μακάριε, ἱκανῶς ἡμᾶς ὅτι οὐκ ὀρθῶς βουλευόμεθα δικαιοσύνην ἀδικίας περὶ πλείονος ποιούμενοι. καὶ πῶς, ἔφη, σὲ πείσω; εἰ γὰρ οἷς νυνδὴ ἔλεγον μὴ πέπεισαι, τί σοι ἔτι ποιήσω; ἢ εἰς τὴν ψυχὴν φέρων ἐνθῶ τὸν λόγον; μὰ Δίʼ, ἦν δʼ ἐγώ, μὴ σύ γε· ἀλλὰ πρῶτον μέν, ἃ ἂν εἴπῃς, ἔμμενε τούτοις, ἢ ἐὰν μετατιθῇ, φανερῶς μετατίθεσο καὶ ἡμᾶς μὴ ἐξαπάτα. νῦν δὲ ὁρᾷς, ὦ Θρασύμαχε—ἔτι γὰρ τὰ ἔμπροσθεν ἐπισκεψώμεθα—ὅτι τὸν ὡς ἀληθῶς ἰατρὸν τὸ πρῶτον ὁριζόμενος τὸν ὡς ἀληθῶς ποιμένα οὐκέτι ᾤου δεῖν ὕστερον ἀκριβῶς φυλάξαι, ἀλλὰ πιαίνειν οἴει αὐτὸν τὰ πρόβατα, καθʼ ὅσον ποιμήν ἐστιν, οὐ πρὸς τὸ τῶν προβάτων βέλτιστον βλέποντα ἀλλʼ, ὥσπερ δαιτυμόνα τινὰ καὶ μέλλοντα ἑστιάσεσθαι, πρὸς τὴν εὐωχίαν, ἢ αὖ πρὸς τὸ ἀποδόσθαι, ὥσπερ χρηματιστὴν ἀλλʼ οὐ ποιμένα. τῇ δὲ ποιμενικῇ οὐ δήπου ἄλλου του μέλει ἢ ἐφʼ ᾧ τέτακται, ὅπως τούτῳ τὸ βέλτιστον ἐκποριεῖ—ἐπεὶ τά γε αὑτῆς ὥστʼ εἶναι βελτίστη ἱκανῶς δήπου ἐκπεπόρισται, ἕως γʼ ἂν μηδὲν ἐνδέῃ τοῦ ποιμενικὴ εἶναι—οὕτω δὲ ᾤμην ἔγωγε νυνδὴ ἀναγκαῖον εἶναι ἡμῖν ὁμολογεῖν πᾶσαν ἀρχήν, καθʼ ὅσον ἀρχή, μηδενὶ ἄλλῳ τὸ βέλτιστον σκοπεῖσθαι ἢ ἐκείνῳ, τῷ ἀρχομένῳ τε καὶ θεραπευομένῳ, ἔν τε πολιτικῇ καὶ ἰδιωτικῇ ἀρχῇ. σὺ δὲ τοὺς ἄρχοντας ἐν ταῖς πόλεσιν, τοὺς ὡς ἀληθῶς ἄρχοντας, ἑκόντας οἴει ἄρχειν; μὰ Δίʼ οὔκ, ἔφη, ἀλλʼ εὖ οἶδα.
Transliteration
allʼ, ōgathe, prothymou kai hēmin endeixasthai—outoi kakōs soi keisetai hoti an hēmas tosousde ontas euergetēsēs—egō gar dē soi legō to gʼ emon, hoti ou peithomai oudʼ oimai adikian dikaiosynēs kerdaleōteron einai, oudʼ ean ea tis autēn kai mē diakōlyē prattein ha bouletai. allʼ, ōgathe, estō men adikos, dynasthō de adikein ē tō lanthanein ē tō diamachesthai, homōs eme ge ou peithei hōs esti tēs dikaiosynēs kerdaleōteron. tautʼ oun kai heteros isōs tis hēmōn peponthen, ou monos egō peison oun, ō makarie, hikanōs hēmas hoti ouk orthōs bouleuometha dikaiosynēn adikias peri pleionos poioumenoi. kai pōs, ephē, se peisō; ei gar hois nyndē elegon mē pepeisai, ti soi eti poiēsō; ē eis tēn psychēn pherōn enthō ton logon; ma Diʼ, ēn dʼ egō, mē sy ge alla prōton men, ha an eipēs, emmene toutois, ē ean metatithē, phanerōs metatitheso kai hēmas mē exapata. nyn de horas, ō THrasymache—eti gar ta emprosthen hepiskepsōmetha—oti ton hōs alēthōs iatron to prōton horizomenos ton hōs alēthōs poimena ouketi ōou dein hysteron akribōs phylaxai, alla piainein oiei auton ta probata, kathʼ hoson poimēn estin, ou pros to tōn probatōn beltiston bleponta allʼ, hōsper daitymona tina kai mellonta hestiasesthai, pros tēn euōchian, ē au pros to apodosthai, hōsper chrēmatistēn allʼ ou poimena. tē de poimenikē ou dēpou allou tou melei ē ephʼ hō tetaktai, hopōs toutō to beltiston ekporiei—epei ta ge hautēs hōstʼ einai beltistē hikanōs dēpou ekpeporistai, heōs gʼ an mēden endeē tou poimenikē heinai—outō de ōmēn egōge nyndē anankaion einai hēmin homologein pasan archēn, kathʼ hoson archē, mēdeni allō to beltiston skopeisthai ē ekeinō, tō archomenō te kai therapeuomenō, en te politikē kai idiōtikē archē. sy de tous archontas en tais polesin, tous hōs alēthōs archontas, hekontas oiei archein; ma Diʼ ouk, ephē, allʼ eu oida.
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 345; transliteration: greek-transliteration (build)