Work 1 · Passage 37
Plato
Greek
τί δέ, ἦν δʼ ἐγώ, ὦ Θρασύμαχε; τὰς ἄλλας ἀρχὰς οὐκ ἐννοεῖς ὅτι οὐδεὶς ἐθέλει ἄρχειν ἑκών, ἀλλὰ μισθὸν αἰτοῦσιν, ὡς οὐχὶ αὐτοῖσιν ὠφελίαν ἐσομένην ἐκ τοῦ ἄρχειν ἀλλὰ τοῖς ἀρχομένοις; ἐπεὶ τοσόνδε εἰπέ· οὐχὶ ἑκάστην μέντοι φαμὲν ἑκάστοτε τῶν τεχνῶν τούτῳ ἑτέραν εἶναι, τῷ ἑτέραν τὴν δύναμιν ἔχειν; καί, ὦ μακάριε, μὴ παρὰ δόξαν ἀποκρίνου, ἵνα τι καὶ περαίνωμεν. ἀλλὰ τούτῳ, ἔφη, ἑτέρα. οὐκοῦν καὶ ὠφελίαν ἑκάστη τούτων ἰδίαν τινὰ ἡμῖν παρέχεται ἀλλʼ οὐ κοινήν, οἷον ἰατρικὴ μὲν ὑγίειαν, κυβερνητικὴ δὲ σωτηρίαν ἐν τῷ πλεῖν, καὶ αἱ ἄλλαι οὕτω; πάνυ γε. οὐκοῦν καὶ μισθωτικὴ μισθόν; αὕτη γὰρ αὐτῆς ἡ δύναμις· ἢ τὴν ἰατρικὴν σὺ καὶ τὴν κυβερνητικὴν τὴν αὐτὴν καλεῖς; ἢ ἐάνπερ βούλῃ ἀκριβῶς διορίζειν, ὥσπερ ὑπέθου, οὐδέν τι μᾶλλον, ἐάν τις κυβερνῶν ὑγιὴς γίγνηται διὰ τὸ συμφέρον αὐτῷ πλεῖν ἐν τῇ θαλάττῃ, ἕνεκα τούτου καλεῖς μᾶλλον αὐτὴν ἰατρικήν; οὐ δῆτα, ἔφη. οὐδέ γʼ, οἶμαι, τὴν μισθωτικήν, ἐὰν ὑγιαίνῃ τις μισθαρνῶν. οὐ δῆτα. τί δέ; τὴν ἰατρικὴν μισθαρνητικήν, ἐὰν ἰώμενός τις μισθαρνῇ; οὐκ ἔφη. οὐκοῦν τήν γε ὠφελίαν ἑκάστης τῆς τέχνης ἰδίαν ὡμολογήσαμεν εἶναι; ἔστω, ἔφη. ἥντινα ἄρα ὠφελίαν κοινῇ ὠφελοῦνται πάντες οἱ δημιουργοί, δῆλον ὅτι κοινῇ τινι τῷ αὐτῷ προσχρώμενοι ἀπʼ ἐκείνου ὠφελοῦνται. ἔοικεν, ἔφη. φαμὲν δέ γε τὸ μισθὸν ἀρνυμένους ὠφελεῖσθαι τοὺς δημιουργοὺς ἀπὸ τοῦ προσχρῆσθαι τῇ μισθωτικῇ τέχνῃ γίγνεσθαι αὐτοῖς. συνέφη μόγις. οὐκ ἄρα ἀπὸ τῆς αὑτοῦ τέχνης ἑκάστῳ αὕτη ἡ ὠφελία ἐστίν, ἡ τοῦ μισθοῦ λῆψις, ἀλλʼ, εἰ δεῖ ἀκριβῶς σκοπεῖσθαι, ἡ μὲν ἰατρικὴ ὑγίειαν ποιεῖ, ἡ δὲ μισθαρνητικὴ μισθόν, καὶ ἡ μὲν οἰκοδομικὴ οἰκίαν, ἡ δὲ μισθαρνητικὴ αὐτῇ ἑπομένη μισθόν, καὶ αἱ ἄλλαι πᾶσαι οὕτως τὸ αὑτῆς ἑκάστη ἔργον ἐργάζεται καὶ ὠφελεῖ ἐκεῖνο ἐφʼ ᾧ τέτακται. ἐὰν δὲ μὴ μισθὸς αὐτῇ προσγίγνηται, ἔσθʼ ὅτι ὠφελεῖται ὁ δημιουργὸς ἀπὸ τῆς τέχνης
Transliteration
ti de, ēn dʼ egō, ō THrasymache; tas allas archas ouk ennoeis hoti oudeis ethelei archein hekōn, alla misthon aitousin, hōs ouchi autoisin ōphelian esomenēn ek tou archein alla tois archomenois; epei tosonde eipe ouchi hekastēn mentoi phamen hekastote tōn technōn toutō heteran einai, tō heteran tēn dynamin echein; kai, ō makarie, mē para doxan apokrinou, hina ti kai perainōmen. alla toutō, ephē, hetera. oukoyn kai ōphelian hekastē toutōn idian tina hēmin parechetai allʼ ou koinēn, hoion iatrikē men hygieian, kybernētikē de sōtērian en tō plein, kai hai allai houtō; pany ge. oukoyn kai misthōtikē misthon; hautē gar autēs hē dynamis ē tēn iatrikēn sy kai tēn kybernētikēn tēn autēn kaleis; ē eanper boulē akribōs diorizein, hōsper hypethou, ouden ti mallon, ean tis kybernōn hygiēs gignētai dia to sympheron autō plein en tē thalattē, heneka toutoy kaleis mallon autēn iatrikēn; ou dēta, ephē. oude gʼ, oimai, tēn misthōtikēn, ean hygiainē tis mistharnōn. ou dēta. ti de; tēn iatrikēn mistharnētikēn, ean iōmenos tis mistharnē; ouk ephē. oukoyn tēn ge ōphelian hekastēs tēs technēs idian hōmologēsamen einai; estō, ephē. hēntina ara ōphelian koinē ōphelountai pantes hoi dēmiourgoi, dēlon hoti koinē tini tō autō proschrōmenoi apʼ ekeinou ōphelountai. eoiken, ephē. phamen de ge to misthon arnymenous ōpheleisthai tous dēmiourgoys apo tou proschrēsthai tē misthōtikē technē gignesthai autois. synephē mogis. ouk ara apo tēs hautou technēs hekastō hautē hē ōphelia estin, hē tou misthou lēpsis, allʼ, ei dei akribōs skopeisthai, hē men iatrikē hygieian poiei, hē de mistharnētikē misthon, kai hē men oikodomikē oikian, hē de mistharnētikē autē hepomenē misthon, kai hai allai pasai houtōs to hautēs hekastē ergon ergazetai kai ōphelei ekeino ephʼ hō tetaktai. ean de mē misthos autē prosgignētai, esthʼ hoti ōpheleitai ho dēmiourgos apo tēs technēs
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 346 part 1; transliteration: greek-transliteration (build)