Languages

Work 1 · Passage 41

Work 1 · Passage 41

Plato

Greek

ἤκουσας, ἦν δʼ ἐγώ, ὅσα ἄρτι Θρασύμαχος ἀγαθὰ διῆλθεν τῷ τοῦ ἀδίκου; ἤκουσα, ἔφη, ἀλλʼ οὐ πείθομαι. βούλει οὖν αὐτὸν πείθωμεν, ἂν δυνώμεθά πῃ ἐξευρεῖν, ὡς οὐκ ἀληθῆ λέγει; πῶς γὰρ οὐ βούλομαι; ἦ δʼ ὅς. ἂν μὲν τοίνυν, ἦν δʼ ἐγώ, ἀντικατατείναντες λέγωμεν αὐτῷ λόγον παρὰ λόγον, ὅσα αὖ ἀγαθὰ ἔχει τὸ δίκαιον εἶναι, καὶ αὖθις οὗτος, καὶ ἄλλον ἡμεῖς, ἀριθμεῖν δεήσει τἀγαθὰ καὶ μετρεῖν ὅσα ἑκάτεροι ἐν ἑκατέρῳ λέγομεν, καὶ ἤδη δικαστῶν τινων τῶν διακρινούντων δεησόμεθα· ἂν δὲ ὥσπερ ἄρτι ἀνομολογούμενοι πρὸς ἀλλήλους σκοπῶμεν, ἅμα αὐτοί τε δικασταὶ καὶ ῥήτορες ἐσόμεθα. πάνυ μὲν οὖν, ἔφη. ὁποτέρως οὖν σοι, ἦν δʼ ἐγώ, ἀρέσκει. οὕτως, ἔφη. ἴθι δή, ἦν δʼ ἐγώ, ὦ Θρασύμαχε, ἀπόκριναι ἡμῖν ἐξ ἀρχῆς. τὴν τελέαν ἀδικίαν τελέας οὔσης δικαιοσύνης λυσιτελεστέραν φῂς εἶναι; πάνυ μὲν οὖν καὶ φημί, ἔφη, καὶ διʼ ἅ, εἴρηκα. φέρε δή, τὸ τοιόνδε περὶ αὐτῶν πῶς λέγεις; τὸ μέν που ἀρετὴν αὐτοῖν καλεῖς, τὸ δὲ κακίαν; πῶς γὰρ οὔ; οὐκοῦν τὴν μὲν δικαιοσύνην ἀρετήν, τὴν δὲ ἀδικίαν κακίαν; εἰκός γʼ, ἔφη, ὦ ἥδιστε, ἐπειδή γε καὶ λέγω ἀδικίαν μὲν λυσιτελεῖν, δικαιοσύνην δʼ οὔ. ἀλλὰ τί μήν; τοὐναντίον, ἦ δʼ ὅς. ἦ τὴν δικαιοσύνην κακίαν; οὔκ, ἀλλὰ πάνυ γενναίαν εὐήθειαν. τὴν ἀδικίαν ἄρα κακοήθειαν καλεῖς; οὔκ, ἀλλʼ εὐβουλίαν, ἔφη. ἦ καὶ φρόνιμοί σοι, ὦ Θρασύμαχε, δοκοῦσιν εἶναι καὶ ἀγαθοὶ οἱ ἄδικοι; οἵ γε τελέως, ἔφη, οἷοί τε ἀδικεῖν, πόλεις τε καὶ ἔθνη δυνάμενοι ἀνθρώπων ὑφʼ ἑαυτοὺς ποιεῖσθαι· σὺ δὲ οἴει με ἴσως τοὺς τὰ βαλλάντια ἀποτέμνοντας λέγειν. λυσιτελεῖ μὲν οὖν, ἦ δʼ ὅς, καὶ τὰ τοιαῦτα, ἐάνπερ λανθάνῃ· ἔστι δὲ οὐκ ἄξια λόγου, ἀλλʼ ἃ νυνδὴ ἔλεγον. τοῦτο μέν, ἔφην, οὐκ ἀγνοῶ ὃ βούλει λέγειν, ἀλλὰ τόδε ἐθαύμασα, εἰ ἐν ἀρετῆς καὶ σοφίας τιθεῖς μέρει τὴν ἀδικίαν, τὴν δὲ δικαιοσύνην ἐν τοῖς ἐναντίοις. ἀλλὰ πάνυ οὕτω τίθημι. τοῦτο, ἦν δʼ ἐγώ, ἤδη στερεώτερον, ὦ ἑταῖρε, καὶ οὐκέτι ῥᾴδιον ἔχειν ὅτι τις εἴπῃ.

Transliteration

ēkousas, ēn dʼ egō, hosa arti THrasymachos agatha diēlthen tō tou adikou; ēkousa, ephē, allʼ ou peithomai. boulei oun auton peithōmen, an dynōmetha pē exeurein, hōs ouk alēthē legei; pōs gar ou boulomai; ē dʼ hos. an men toinyn, ēn dʼ egō, antikatateinantes legōmen autō logon para logon, hosa au agatha echei to dikaion einai, kai authis houtos, kai allon hēmeis, arithmein deēsei tagatha kai metrein hosa hekateroi en hekaterō legomen, kai ēdē dikastōn tinōn tōn diakrinountōn deēsometha an de hōsper arti anomologoumenoi pros allēlous skopōmen, hama autoi te dikastai kai rhētores esometha. pany men oun, ephē. hopoterōs oun soi, ēn dʼ egō, areskei. houtōs, ephē. ithi dē, ēn dʼ egō, ō THrasymache, apokrinai hēmin ex archēs. tēn telean adikian teleas ousēs dikaiosynēs lysitelesteran phēs einai; pany men oun kai phēmi, ephē, kai diʼ ha, eirēka. phere dē, to toionde peri autōn pōs legeis; to men pou aretēn autoin kaleis, to de kakian; pōs gar ou; oukoyn tēn men dikaiosynēn aretēn, tēn de adikian kakian; eikos gʼ, ephē, ō hēdiste, epeidē ge kai legō adikian men lysitelein, dikaiosynēn dʼ ou. alla ti mēn; tounantion, ē dʼ hos. ē tēn dikaiosynēn kakian; ouk, alla pany gennaian euētheian. tēn adikian ara kakoētheian kaleis; ouk, allʼ euboulian, ephē. ē kai phronimoi soi, ō THrasymache, dokousin einai kai agathoi hoi adikoi; hoi ge teleōs, ephē, hoioi te adikein, poleis te kai ethnē dynamenoi anthrōpōn hyphʼ heautous poieisthai sy de oiei me isōs tous ta ballantia apotemnontas legein. lysitelei men oun, ē dʼ hos, kai ta toiauta, eanper lanthanē esti de ouk axia logou, allʼ ha nyndē elegon. touto men, ephēn, ouk agnoō ho boulei legein, alla tode ethaumasa, ei en aretēs kai sophias titheis merei tēn adikian, tēn de dikaiosynēn en tois enantiois. alla pany houtō tithēmi. touto, ēn dʼ egō, ēdē stereōteron, ō hetaire, kai ouketi rhadion echein hoti tis eipē.

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 348; transliteration: greek-transliteration (build)

Share X Facebook