Work 1 · Passage 44
Plato
Greek
τί δὲ ἰατρικός; ἐν τῇ ἐδωδῇ ἢ πόσει ἐθέλειν ἄν τι ἰατρικοῦ πλεονεκτεῖν ἢ ἀνδρὸς ἢ πράγματος; οὐ δῆτα. μὴ ἰατρικοῦ δέ; ναί. περὶ πάσης δὴ ὅρα ἐπιστήμης τε καὶ ἀνεπιστημοσύνης εἴ τίς σοι δοκεῖ ἐπιστήμων ὁστισοῦν πλείω ἂν ἐθέλειν αἱρεῖσθαι ἢ ὅσα ἄλλος ἐπιστήμων ἢ πράττειν ἢ λέγειν, καὶ οὐ ταὐτὰ τῷ ὁμοίῳ ἑαυτῷ εἰς τὴν αὐτὴν πρᾶξιν. ἀλλʼ ἴσως, ἔφη, ἀνάγκη τοῦτό γε οὕτως ἔχειν. τί δὲ ὁ ἀνεπιστήμων; οὐχὶ ὁμοίως μὲν ἐπιστήμονος πλεονεκτήσειεν ἄν, ὁμοίως δὲ ἀνεπιστήμονος; ἴσως. ὁ δὲ ἐπιστήμων σοφός; φημί. ὁ δὲ σοφὸς ἀγαθός; φημί. ὁ ἄρα ἀγαθός τε καὶ σοφὸς τοῦ μὲν ὁμοίου οὐκ ἐθελήσει πλεονεκτεῖν, τοῦ δὲ ἀνομοίου τε καὶ ἐναντίου. ἔοικεν, ἔφη. ὁ δὲ κακός τε καὶ ἀμαθὴς τοῦ τε ὁμοίου καὶ τοῦ ἐναντίου. φαίνεται. οὐκοῦν, ὦ Θρασύμαχε, ἦν δʼ ἐγώ, ὁ ἄδικος ἡμῖν τοῦ ἀνομοίου τε καὶ ὁμοίου πλεονεκτεῖ; ἢ οὐχ οὕτως ἔλεγες; ἔγωγε, ἔφη. ὁ δέ γε δίκαιος τοῦ μὲν ὁμοίου οὐ πλεονεκτήσει, τοῦ δὲ ἀνομοίου; ναί. ἔοικεν ἄρα, ἦν δʼ ἐγώ, ὁ μὲν δίκαιος τῷ σοφῷ καὶ ἀγαθῷ, ὁ δὲ ἄδικος τῷ κακῷ καὶ ἀμαθεῖ. κινδυνεύει. ἀλλὰ μὴν ὡμολογοῦμεν, ᾧ γε ὅμοιος ἑκάτερος εἴη, τοιοῦτον καὶ ἑκάτερον εἶναι. ὡμολογοῦμεν γάρ. ὁ μὲν ἄρα δίκαιος ἡμῖν ἀναπέφανται ὢν ἀγαθός τε καὶ σοφός, ὁ δὲ ἄδικος ἀμαθής τε καὶ κακός. ὁ δὴ Θρασύμαχος ὡμολόγησε μὲν πάντα ταῦτα, οὐχ ὡς ἐγὼ νῦν ῥᾳδίως λέγω, ἀλλʼ ἑλκόμενος καὶ μόγις, μετὰ ἱδρῶτος θαυμαστοῦ ὅσου, ἅτε καὶ θέρους ὄντος—τότε καὶ εἶδον ἐγώ, πρότερον δὲ οὔπω, Θρασύμαχον ἐρυθριῶντα— ἐπειδὴ δὲ οὖν διωμολογησάμεθα τὴν δικαιοσύνην ἀρετὴν εἶναι καὶ σοφίαν, τὴν δὲ ἀδικίαν κακίαν τε καὶ ἀμαθίαν, εἶεν, ἦν δʼ ἐγώ, τοῦτο μὲν ἡμῖν οὕτω κείσθω, ἔφαμεν δὲ δὴ καὶ ἰσχυρὸν εἶναι τὴν ἀδικίαν. ἢ οὐ μέμνησαι, ὦ Θρασύμαχε; μέμνημαι, ἔφη
Transliteration
ti de iatrikos; en tē edōdē ē posei ethelein an ti iatrikou pleonektein ē andros ē pragmatos; ou dēta. mē iatrikou de; nai. peri pasēs dē hora epistēmēs te kai anepistēmosynēs ei tis soi dokei epistēmōn hostisoun pleiō an ethelein haireisthai ē hosa allos epistēmōn ē prattein ē legein, kai ou tauta tō homoiō heautō eis tēn autēn praxin. allʼ isōs, ephē, anankē touto ge houtōs echein. ti de ho anepistēmōn; ouchi homoiōs men epistēmonos pleonektēseien an, homoiōs de anepistēmonos; isōs. ho de epistēmōn sophos; phēmi. ho de sophos agathos; phēmi. ho ara agathos te kai sophos tou men homoiou ouk ethelēsei pleonektein, tou de anomoiou te kai enantiou. eoiken, ephē. ho de kakos te kai amathēs tou te homoiou kai tou enantiou. phainetai. oukoyn, ō THrasymache, ēn dʼ egō, ho adikos hēmin tou anomoiou te kai homoiou pleonektei; ē ouch houtōs eleges; egōge, ephē. ho de ge dikaios tou men homoiou ou pleonektēsei, tou de anomoiou; nai. eoiken ara, ēn dʼ egō, ho men dikaios tō sophō kai agathō, ho de adikos tō kakō kai amathei. kindyneuei. alla mēn hōmologoumen, hō ge homoios hekateros eiē, toiouton kai hekateron einai. hōmologoumen gar. ho men ara dikaios hēmin anapephantai ōn agathos te kai sophos, ho de adikos amathēs te kai kakos. ho dē THrasymachos hōmologēse men panta tauta, ouch hōs egō nyn rhadiōs legō, allʼ helkomenos kai mogis, meta hidrōtos thaumastou hosou, hate kai therous ontos—tote kai eidon egō, proteron de oupō, THrasymachon erythriōnta— epeidē de oun diōmologēsametha tēn dikaiosynēn aretēn einai kai sophian, tēn de adikian kakian te kai amathian, eien, ēn dʼ egō, touto men hēmin houtō keisthō, ephamen de dē kai ischyron einai tēn adikian. ē ou memnēsai, ō THrasymache; memnēmai, ephē
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 350 part 1; transliteration: greek-transliteration (build)