Languages

Work 1 · Passage 43

Work 1 · Passage 43

Plato

Greek

· ὁ δίκαιος τοῦ μὲν ὁμοίου οὐ πλεονεκτεῖ, τοῦ δὲ ἀνομοίου, ὁ δὲ ἄδικος τοῦ τε ὁμοίου καὶ τοῦ ἀνομοίου; ἄριστα, ἔφη, εἴρηκας. ἔστιν δέ γε, ἔφην, φρόνιμός τε καὶ ἀγαθὸς ὁ ἄδικος, ὁ δὲ δίκαιος οὐδέτερα; καὶ τοῦτʼ, ἔφη, εὖ. οὐκοῦν, ἦν δʼ ἐγώ, καὶ ἔοικε τῷ φρονίμῳ καὶ τῷ ἀγαθῷ ὁ ἄδικος, ὁ δὲ δίκαιος οὐκ ἔοικεν; πῶς γὰρ οὐ μέλλει, ἔφη, ὁ τοιοῦτος ὢν καὶ ἐοικέναι τοῖς τοιούτοις, ὁ δὲ μὴ ἐοικέναι; καλῶς. τοιοῦτος ἄρα ἐστὶν ἑκάτερος αὐτῶν οἷσπερ ἔοικεν; ἀλλὰ τί μέλλει; ἔφη. εἶεν, ὦ Θρασύμαχε· μουσικὸν δέ τινα λέγεις, ἕτερον δὲ ἄμουσον; ἔγωγε. πότερον φρόνιμον καὶ πότερον ἄφρονα; τὸν μὲν μουσικὸν δήπου φρόνιμον, τὸν δὲ ἄμουσον ἄφρονα. οὐκοῦν καὶ ἅπερ φρόνιμον, ἀγαθόν, ἃ δὲ ἄφρονα, κακόν; ναί. τί δὲ ἰατρικόν; οὐχ οὕτως; οὕτως. δοκεῖ ἂν οὖν τίς σοι, ὦ ἄριστε, μουσικὸς ἀνὴρ ἁρμοττόμενος λύραν ἐθέλειν μουσικοῦ ἀνδρὸς ἐν τῇ ἐπιτάσει καὶ ἀνέσει τῶν χορδῶν πλεονεκτεῖν ἢ ἀξιοῦν πλέον ἔχειν; οὐκ ἔμοιγε. τί δέ; ἀμούσου; ἀνάγκη, ἔφη.

Transliteration

ho dikaios tou men homoiou ou pleonektei, tou de anomoiou, ho de adikos tou te homoiou kai tou anomoiou; arista, ephē, eirēkas. estin de ge, ephēn, phronimos te kai agathos ho adikos, ho de dikaios oudetera; kai toutʼ, ephē, eu. oukoyn, ēn dʼ egō, kai eoike tō phronimō kai tō agathō ho adikos, ho de dikaios ouk eoiken; pōs gar ou mellei, ephē, ho toioutos ōn kai eoikenai tois toioutois, ho de mē eoikenai; kalōs. toioutos ara estin hekateros autōn hoisper eoiken; alla ti mellei; ephē. eien, ō THrasymache mousikon de tina legeis, heteron de amouson; egōge. poteron phronimon kai poteron aphrona; ton men mousikon dēpou phronimon, ton de amouson aphrona. oukoyn kai haper phronimon, agathon, ha de aphrona, kakon; nai. ti de iatrikon; ouch houtōs; houtōs. dokei an oun tis soi, ō ariste, mousikos anēr harmottomenos lyran ethelein mousikoy andros en tē epitasei kai anesei tōn chordōn pleonektein ē axioun pleon echein; ouk emoige. ti de; amousoy; anankē, ephē.

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 349 part 2; transliteration: greek-transliteration (build)

Share X Facebook