Languages

Work 1 · Passage 50

Work 1 · Passage 50

Plato

Greek

τί δέ; μαχαίρᾳ ἂν ἀμπέλου κλῆμα ἀποτέμοις καὶ σμίλῃ καὶ ἄλλοις πολλοῖς; πῶς γὰρ οὔ; ἀλλʼ οὐδενί γʼ ἂν οἶμαι οὕτω καλῶς ὡς δρεπάνῳ τῷ ἐπὶ τούτῳ ἐργασθέντι. ἀληθῆ. ἆρʼ οὖν οὐ τοῦτο τούτου ἔργον θήσομεν; θήσομεν μὲν οὖν. νῦν δὴ οἶμαι ἄμεινον ἂν μάθοις ὃ ἄρτι ἠρώτων, πυνθανόμενος εἰ οὐ τοῦτο ἑκάστου εἴη ἔργον ὃ ἂν ἢ μόνον τι ἢ κάλλιστα τῶν ἄλλων ἀπεργάζηται. ἀλλά, ἔφη, μανθάνω τε καί μοι δοκεῖ τοῦτο ἑκάστου πράγματος ἔργον εἶναι. εἶεν, ἦν δʼ ἐγώ. οὐκοῦν καὶ ἀρετὴ δοκεῖ σοι εἶναι ἑκάστῳ ᾧπερ καὶ ἔργον τι προστέτακται; ἴωμεν δὲ ἐπὶ τὰ αὐτὰ πάλιν· ὀφθαλμῶν, φαμέν, ἔστι τι ἔργον; ἔστιν. ἆρʼ οὖν καὶ ἀρετὴ ὀφθαλμῶν ἔστιν; καὶ ἀρετή. τί δέ; ὤτων ἦν τι ἔργον; ναί. οὐκοῦν καὶ ἀρετή; καὶ ἀρετή. τί δὲ πάντων πέρι τῶν ἄλλων; οὐχ οὕτω; οὕτω. ἔχε δή· ἆρʼ ἄν ποτε ὄμματα τὸ αὑτῶν ἔργον καλῶς ἀπεργάσαιντο μὴ ἔχοντα τὴν αὑτῶν οἰκείαν ἀρετήν, ἀλλʼ ἀντὶ τῆς ἀρετῆς κακίαν; καὶ πῶς ἄν; ἔφη· τυφλότητα γὰρ ἴσως λέγεις ἀντὶ τῆς ὄψεως. ἥτις, ἦν δʼ ἐγώ, αὐτῶν ἡ ἀρετή· οὐ γάρ πω τοῦτο ἐρωτῶ, ἀλλʼ εἰ τῇ οἰκείᾳ μὲν ἀρετῇ τὸ αὑτῶν ἔργον εὖ ἐργάσεται τὰ ἐργαζόμενα, κακίᾳ δὲ κακῶς. ἀληθές, ἔφη, τοῦτό γε λέγεις. οὐκοῦν καὶ ὦτα στερόμενα τῆς αὑτῶν ἀρετῆς κακῶς τὸ αὑτῶν ἔργον ἀπεργάσεται; πάνυ γε. τίθεμεν οὖν καὶ τἆλλα πάντα εἰς τὸν αὐτὸν λόγον; ἔμοιγε δοκεῖ. ἴθι δή, μετὰ ταῦτα τόδε σκέψαι. ψυχῆς ἔστιν τι ἔργον ὃ ἄλλῳ τῶν ὄντων οὐδʼ ἂν ἑνὶ πράξαις, οἷον τὸ τοιόνδε

Transliteration

ti de; machaira an ampelou klēma apotemois kai smilē kai allois pollois; pōs gar ou; allʼ oudeni gʼ an oimai houtō kalōs hōs drepanō tō epi toutō ergasthenti. alēthē. arʼ oun ou touto toutoy ergon thēsomen; thēsomen men oun. nyn dē oimai ameinon an mathois ho arti ērōtōn, pynthanomenos ei ou touto hekastou eiē ergon ho an ē monon ti ē kallista tōn allōn apergazētai. alla, ephē, manthanō te kai moi dokei touto hekastou pragmatos ergon einai. eien, ēn dʼ egō. oukoyn kai aretē dokei soi einai hekastō hōper kai ergon ti prostetaktai; iōmen de epi ta auta palin ophthalmōn, phamen, esti ti ergon; estin. arʼ oun kai aretē ophthalmōn estin; kai aretē. ti de; ōtōn ēn ti ergon; nai. oukoyn kai aretē; kai aretē. ti de pantōn peri tōn allōn; ouch houtō; houtō. eche dē arʼ an pote ommata to hautōn ergon kalōs apergasainto mē echonta tēn hautōn oikeian aretēn, allʼ anti tēs aretēs kakian; kai pōs an; ephē typhlotēta gar isōs legeis anti tēs opseōs. hētis, ēn dʼ egō, autōn hē aretē ou gar pō touto erōtō, allʼ ei tē oikeia men aretē to hautōn ergon eu ergasetai ta ergazomena, kakia de kakōs. alēthes, ephē, touto ge legeis. oukoyn kai ōta steromena tēs hautōn aretēs kakōs to hautōn ergon apergasetai; pany ge. tithemen oun kai talla panta eis ton auton logon; emoige dokei. ithi dē, meta tauta tode skepsai. psychēs estin ti ergon ho allō tōn ontōn oudʼ an heni praxais, hoion to toionde

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 353 part 1; transliteration: greek-transliteration (build)

Share X Facebook