Work 1 · Passage 51
Plato
Greek
· τὸ ἐπιμελεῖσθαι καὶ ἄρχειν καὶ βουλεύεσθαι καὶ τὰ τοιαῦτα πάντα, ἔσθʼ ὅτῳ ἄλλῳ ἢ ψυχῇ δικαίως ἂν αὐτὰ ἀποδοῖμεν καὶ φαῖμεν ἴδια ἐκείνης εἶναι; οὐδενὶ ἄλλῳ. τί δʼ αὖ τὸ ζῆν; οὐ ψυχῆς φήσομεν ἔργον εἶναι; μάλιστά γʼ, ἔφη. οὐκοῦν καὶ ἀρετήν φαμέν τινα ψυχῆς εἶναι; φαμέν. ἆρʼ οὖν ποτε, ὦ Θρασύμαχε, ψυχὴ τὰ αὑτῆς ἔργα εὖ ἀπεργάσεται στερομένη τῆς οἰκείας ἀρετῆς, ἢ ἀδύνατον; ἀδύνατον. ἀνάγκη ἄρα κακῇ ψυχῇ κακῶς ἄρχειν καὶ ἐπιμελεῖσθαι, τῇ δὲ ἀγαθῇ πάντα ταῦτα εὖ πράττειν. ἀνάγκη. οὐκοῦν ἀρετήν γε συνεχωρήσαμεν ψυχῆς εἶναι δικαιοσύνην, κακίαν δὲ ἀδικίαν; συνεχωρήσαμεν γάρ. ἡ μὲν ἄρα δικαία ψυχὴ καὶ ὁ δίκαιος ἀνὴρ εὖ βιώσεται, κακῶς δὲ ὁ ἄδικος. φαίνεται, ἔφη, κατὰ τὸν σὸν λόγον.
Transliteration
to epimeleisthai kai archein kai bouleuesthai kai ta toiauta panta, esthʼ hotō allō ē psychē dikaiōs an auta apodoimen kai phaimen idia ekeinēs einai; oudeni allō. ti dʼ au to zēn; ou psychēs phēsomen ergon einai; malista gʼ, ephē. oukoyn kai aretēn phamen tina psychēs einai; phamen. arʼ oun pote, ō THrasymache, psychē ta hautēs erga eu apergasetai steromenē tēs oikeias aretēs, ē adynaton; adynaton. anankē ara kakē psychē kakōs archein kai epimeleisthai, tē de agathē panta tauta eu prattein. anankē. oukoyn aretēn ge synechōrēsamen psychēs einai dikaiosynēn, kakian de adikian; synechōrēsamen gar. hē men ara dikaia psychē kai ho dikaios anēr eu biōsetai, kakōs de ho adikos. phainetai, ephē, kata ton son logon.
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 353 part 2; transliteration: greek-transliteration (build)