Work 1 · Passage 52
Plato
Greek
ἀλλὰ μὴν ὅ γε εὖ ζῶν μακάριός τε καὶ εὐδαίμων, ὁ δὲ μὴ τἀναντία. πῶς γὰρ οὔ; ὁ μὲν δίκαιος ἄρα εὐδαίμων, ὁ δʼ ἄδικος ἄθλιος. ἔστω, ἔφη. ἀλλὰ μὴν ἄθλιόν γε εἶναι οὐ λυσιτελεῖ, εὐδαίμονα δέ. πῶς γὰρ οὔ; οὐδέποτʼ ἄρα, ὦ μακάριε Θρασύμαχε, λυσιτελέστερον ἀδικία δικαιοσύνης. ταῦτα δή σοι, ἔφη, ὦ Σώκρατες, εἱστιάσθω ἐν τοῖς Βενδιδίοις. ὑπὸ σοῦ γε, ἦν δʼ ἐγώ, ὦ Θρασύμαχε, ἐπειδή μοι πρᾷος ἐγένου καὶ χαλεπαίνων ἐπαύσω. οὐ μέντοι καλῶς γε εἱστίαμαι, διʼ ἐμαυτὸν ἀλλʼ οὐ διὰ σέ· ἀλλʼ ὥσπερ οἱ λίχνοι τοῦ ἀεὶ παραφερομένου ἀπογεύονται ἁρπάζοντες, πρὶν τοῦ προτέρου μετρίως ἀπολαῦσαι, καὶ ἐγώ μοι δοκῶ οὕτω, πρὶν ὃ τὸ πρῶτον ἐσκοποῦμεν εὑρεῖν, τὸ δίκαιον ὅτι ποτʼ ἐστίν, ἀφέμενος ἐκείνου ὁρμῆσαι ἐπὶ τὸ σκέψασθαι περὶ αὐτοῦ εἴτε κακία ἐστὶν καὶ ἀμαθία, εἴτε σοφία καὶ ἀρετή, καὶ ἐμπεσόντος αὖ ὕστερον λόγου, ὅτι λυσιτελέστερον ἡ ἀδικία τῆς δικαιοσύνης, οὐκ ἀπεσχόμην τὸ μὴ οὐκ ἐπὶ τοῦτο ἐλθεῖν ἀπʼ ἐκείνου, ὥστε μοι νυνὶ γέγονεν ἐκ τοῦ διαλόγου μηδὲν εἰδέναι· ὁπότε γὰρ τὸ δίκαιον μὴ οἶδα ὅ ἐστιν, σχολῇ εἴσομαι εἴτε ἀρετή τις οὖσα τυγχάνει εἴτε καὶ οὔ, καὶ πότερον ὁ ἔχων αὐτὸ οὐκ εὐδαίμων ἐστὶν ἢ εὐδαίμων.
Transliteration
alla mēn ho ge eu zōn makarios te kai eudaimōn, ho de mē tanantia. pōs gar ou; ho men dikaios ara eudaimōn, ho dʼ adikos athlios. estō, ephē. alla mēn athlion ge einai ou lysitelei, eudaimona de. pōs gar ou; oudepotʼ ara, ō makarie THrasymache, lysitelesteron adikia dikaiosynēs. tauta dē soi, ephē, ō Sōkrates, heistiasthō en tois Bendidiois. hypo sou ge, ēn dʼ egō, ō THrasymache, epeidē moi praos egenou kai chalepainōn epausō. ou mentoi kalōs ge heistiamai, diʼ emauton allʼ ou dia se allʼ hōsper hoi lichnoi tou aei parapheromenou apogeuontai harpazontes, prin tou proterou metriōs apolausai, kai egō moi dokō houtō, prin ho to prōton eskopoumen heurein, to dikaion hoti potʼ estin, aphemenos ekeinou hormēsai epi to skepsasthai peri autou eite kakia estin kai amathia, eite sophia kai aretē, kai empesontos au hysteron logou, hoti lysitelesteron hē adikia tēs dikaiosynēs, ouk apeschomēn to mē ouk epi touto elthein apʼ ekeinou, hōste moi nyni gegonen ek tou dialogou mēden eidenai hopote gar to dikaion mē oida ho estin, scholē eisomai eite aretē tis ousa tynchanei eite kai ou, kai poteron ho echōn auto ouk eudaimōn estin ē eudaimōn.
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 354; transliteration: greek-transliteration (build)