Languages

Work 2 · Passage 14

Work 2 · Passage 14

Plato

Greek

ἐρῶν γὰρ ἀνὴρ ὑπὸ παιδικῶν ὀφθῆναι ἢ λιπὼν τάξιν ἢ ὅπλα ἀποβαλὼν ἧττον ἂν δήπου δέξαιτο ἢ ὑπὸ πάντων τῶν ἄλλων, καὶ πρὸ τούτου τεθνάναι ἂν πολλάκις ἕλοιτο. καὶ μὴν ἐγκαταλιπεῖν γε τὰ παιδικὰ ἢ μὴ βοηθῆσαι κινδυνεύοντι— οὐδεὶς οὕτω κακὸς ὅντινα οὐκ ἂν αὐτὸς ὁ Ἔρως ἔνθεον ποιήσειε πρὸς ἀρετήν, ὥστε ὅμοιον εἶναι τῷ ἀρίστῳ φύσει· καὶ ἀτεχνῶς, ὃ ἔφη Ὅμηρος, μένος ἐμπνεῦσαι Hom. Il. 10.482; Hom. Il. 15.262 ἐνίοις τῶν ἡρώων τὸν θεόν, τοῦτο ὁ Ἔρως τοῖς ἐρῶσι παρέχει γιγνόμενον παρʼ αὑτοῦ.καὶ μὴν ὑπεραποθνῄσκειν γε μόνοι ἐθέλουσιν οἱ ἐρῶντες, οὐ μόνον ὅτι ἄνδρες, ἀλλὰ καὶ αἱ γυναῖκες. τούτου δὲ καὶ ἡ Πελίου θυγάτηρ Ἄλκηστις ἱκανὴν μαρτυρίαν παρέχεται ὑπὲρ τοῦδε τοῦ λόγου εἰς τοὺς Ἕλληνας, ἐθελήσασα μόνη ὑπὲρ τοῦ αὑτῆς ἀνδρὸς ἀποθανεῖν, ὄντων αὐτῷ πατρός τε καὶ μητρός, οὓς ἐκείνη τοσοῦτον ὑπερεβάλετο τῇ φιλίᾳ διὰ τὸν ἔρωτα, ὥστε ἀποδεῖξαι αὐτοὺς ἀλλοτρίους ὄντας τῷ ὑεῖ καὶ ὀνόματι μόνον προσήκοντας, καὶ τοῦτʼ ἐργασαμένη τὸ ἔργον οὕτω καλὸν ἔδοξεν ἐργάσασθαι οὐ μόνον ἀνθρώποις ἀλλὰ καὶ θεοῖς, ὥστε πολλῶν πολλὰ καὶ καλὰ ἐργασαμένων εὐαριθμήτοις δή τισιν ἔδοσαν τοῦτο γέρας οἱ θεοί, ἐξ Ἅιδου ἀνεῖναι πάλιν τὴν ψυχήν, ἀλλὰ τὴν ἐκείνης ἀνεῖσαν ἀγασθέντες τῷ ἔργῳ

Transliteration

erōn gar anēr hypo paidikōn ophthēnai ē lipōn taxin ē hopla apobalōn hētton an dēpou dexaito ē hypo pantōn tōn allōn, kai pro toutoy tethnanai an pollakis heloito. kai mēn enkatalipein ge ta paidika ē mē boēthēsai kindyneuonti— oudeis houtō kakos hontina ouk an autos ho Erōs entheon poiēseie pros aretēn, hōste homoion einai tō aristō physei kai atechnōs, ho ephē hOmēros, menos empneusai Hom. Il. 10.482; Hom. Il. 15.262 eniois tōn hērōōn ton theon, touto ho Erōs tois erōsi parechei gignomenon parʼ hautou.kai mēn hyperapothnēskein ge monoi ethelousin hoi erōntes, ou monon hoti andres, alla kai hai gynaikes. toutoy de kai hē Peliou thygatēr Alkēstis hikanēn martyrian parechetai hyper toude tou logou eis tous hEllēnas, ethelēsasa monē hyper tou hautēs andros apothanein, ontōn autō patros te kai mētros, hous ekeinē tosouton hyperebaleto tē philia dia ton erōta, hōste apodeixai autous allotrious ontas tō hyei kai onomati monon prosēkontas, kai toutʼ ergasamenē to ergon houtō kalon edoxen ergasasthai ou monon anthrōpois alla kai theois, hōste pollōn polla kai kala ergasamenōn euarithmētois dē tisin edosan touto geras hoi theoi, ex hAidou aneinai palin tēn psychēn, alla tēn ekeinēs aneisan agasthentes tō ergō

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 179 part 1; transliteration: greek-transliteration (build)

Share X Facebook