Languages

Work 2 · Passage 15

Work 2 · Passage 15

Plato

Greek

· οὕτω καὶ θεοὶ τὴν περὶ τὸν ἔρωτα σπουδήν τε καὶ ἀρετὴν μάλιστα τιμῶσιν. Ὀρφέα δὲ τὸν Οἰάγρου ἀτελῆ ἀπέπεμψαν ἐξ Ἅιδου, φάσμα δείξαντες τῆς γυναικὸς ἐφʼ ἣν ἧκεν, αὐτὴν δὲ οὐ δόντες, ὅτι μαλθακίζεσθαι ἐδόκει, ἅτε ὢν κιθαρῳδός, καὶ οὐ τολμᾶν ἕνεκα τοῦ ἔρωτος ἀποθνῄσκειν ὥσπερ Ἄλκηστις, ἀλλὰ διαμηχανᾶσθαι ζῶν εἰσιέναι εἰς Ἅιδου. τοιγάρτοι διὰ ταῦτα δίκην αὐτῷ ἐπέθεσαν, καὶ ἐποίησαν τὸν θάνατον αὐτοῦ ὑπὸ γυναικῶν γενέσθαι, οὐχ ὥσπερ Ἀχιλλέα τὸν τῆς Θέτιδος ὑὸν ἐτίμησαν καὶ εἰς μακάρων νήσους ἀπέπεμψαν, ὅτι πεπυσμένος παρὰ τῆς μητρὸς ὡς ἀποθανοῖτο ἀποκτείνας Ἕκτορα, μὴ ποιήσας δὲ τοῦτο οἴκαδε ἐλθὼν γηραιὸς τελευτήσοι, ἐτόλμησεν ἑλέσθαι βοηθήσας τῷ ἐραστῇ Πατρόκλῳ καὶ τιμωρήσας οὐ μόνον ὑπεραποθανεῖν ἀλλὰ καὶ ἐπαποθανεῖν τετελευτηκότι· ὅθεν δὴ καὶ ὑπεραγασθέντες οἱ θεοὶ διαφερόντως αὐτὸν ἐτίμησαν, ὅτι τὸν ἐραστὴν οὕτω περὶ πολλοῦ ἐποιεῖτο.

Transliteration

houtō kai theoi tēn peri ton erōta spoudēn te kai aretēn malista timōsin. Orphea de ton Oiagrou atelē apepempsan ex hAidou, phasma deixantes tēs gynaikos ephʼ hēn hēken, autēn de ou dontes, hoti malthakizesthai edokei, hate ōn kitharōdos, kai ou tolman heneka tou erōtos apothnēskein hōsper Alkēstis, alla diamēchanasthai zōn eisienai eis hAidou. toigartoi dia tauta dikēn autō epethesan, kai epoiēsan ton thanaton autou hypo gynaikōn genesthai, ouch hōsper Achillea ton tēs THetidos hyon etimēsan kai eis makarōn nēsous apepempsan, hoti pepysmenos para tēs mētros hōs apothanoito apokteinas hEktora, mē poiēsas de touto oikade elthōn gēraios teleutēsoi, etolmēsen helesthai boēthēsas tō erastē Patroklō kai timōrēsas ou monon hyperapothanein alla kai epapothanein teteleutēkoti hothen dē kai hyperagasthentes hoi theoi diapherontōs auton etimēsan, hoti ton erastēn houtō peri pollou epoieito.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 179 part 2; transliteration: greek-transliteration (build)

Share X Facebook