Work 2 · Passage 25
Plato
Greek
εἰπεῖν δὴ τὸν Ἐρυξίμαχον, δοκεῖ τοίνυν μοι ἀναγκαῖον εἶναι, ἐπειδὴ Παυσανίας ὁρμήσας ἐπὶ τὸν λόγον καλῶς οὐχ ἱκανῶς ἀπετέλεσε, δεῖν ἐμὲ πειρᾶσθαι τέλος ἐπιθεῖναι τῷ λόγῳ. τὸ μὲν γὰρ διπλοῦν εἶναι τὸν ἔρωτα δοκεῖ μοι καλῶς διελέσθαι· ὅτι δὲ οὐ μόνον ἐστὶν ἐπὶ ταῖς ψυχαῖς τῶν ἀνθρώπων πρὸς τοὺς καλοὺς ἀλλὰ καὶ πρὸς ἄλλα πολλὰ καὶ ἐν τοῖς ἄλλοις, τοῖς τε σώμασι τῶν πάντων ζῴων καὶ τοῖς ἐν τῇ γῇ φυομένοις καὶ ὡς ἔπος εἰπεῖν ἐν πᾶσι τοῖς οὖσι, καθεωρακέναι μοι δοκῶ ἐκ τῆς ἰατρικῆς, τῆς ἡμετέρας τέχνης, ὡς μέγας καὶ θαυμαστὸς καὶ ἐπὶ πᾶν ὁ θεὸς τείνει καὶ κατʼ ἀνθρώπινα καὶ κατὰ θεῖα πράγματα. ἄρξομαι δὲ ἀπὸ τῆς ἰατρικῆς λέγων, ἵνα καὶ πρεσβεύωμεν τὴν τέχνην. ἡ γὰρ φύσις τῶν σωμάτων τὸν διπλοῦν ἔρωτα τοῦτον ἔχει· τὸ γὰρ ὑγιὲς τοῦ σώματος καὶ τὸ νοσοῦν ὁμολογουμένως ἕτερόν τε καὶ ἀνόμοιόν ἐστι, τὸ δὲ ἀνόμοιον ἀνομοίων ἐπιθυμεῖ καὶ ἐρᾷ. ἄλλος μὲν οὖν ὁ ἐπὶ τῷ ὑγιεινῷ ἔρως, ἄλλος δὲ ὁ ἐπὶ τῷ νοσώδει. ἔστιν δή, ὥσπερ ἄρτι Παυσανίας ἔλεγεν τοῖς μὲν ἀγαθοῖς καλὸν χαρίζεσθαι τῶν ἀνθρώπων, τοῖς δʼ ἀκολάστοις αἰσχρόν, οὕτω καὶ ἐν αὐτοῖς τοῖς σώμασιν τοῖς μὲν ἀγαθοῖς ἑκάστου τοῦ σώματος καὶ ὑγιεινοῖς καλὸν χαρίζεσθαι καὶ δεῖ, καὶ τοῦτό ἐστιν ᾧ ὄνομα τὸ ἰατρικόν, τοῖς δὲ κακοῖς καὶ νοσώδεσιν αἰσχρόν τε καὶ δεῖ ἀχαριστεῖν, εἰ μέλλει τις τεχνικὸς εἶναι. ἔστι γὰρ ἰατρική, ὡς ἐν κεφαλαίῳ εἰπεῖν, ἐπιστήμη τῶν τοῦ σώματος ἐρωτικῶν πρὸς πλησμονὴν καὶ κένωσιν, καὶ ὁ διαγιγνώσκων ἐν τούτοις τὸν καλόν τε καὶ αἰσχρὸν ἔρωτα, οὗτός ἐστιν ὁ ἰατρικώτατος, καὶ ὁ μεταβάλλειν ποιῶν, ὥστε ἀντὶ τοῦ ἑτέρου ἔρωτος τὸν ἕτερον κτᾶσθαι, καὶ οἷς μὴ ἔνεστιν ἔρως, δεῖ δʼ ἐγγενέσθαι, ἐπιστάμενος ἐμποιῆσαι καὶ ἐνόντα ἐξελεῖν, ἀγαθὸς ἂν εἴη δημιουργός. δεῖ γὰρ δὴ τὰ ἔχθιστα ὄντα ἐν τῷ σώματι φίλα οἷόν τʼ εἶναι ποιεῖν καὶ ἐρᾶν ἀλλήλων
Transliteration
eipein dē ton Eryximachon, dokei toinyn moi anankaion einai, epeidē Pausanias hormēsas epi ton logon kalōs ouch hikanōs apetelese, dein eme peirasthai telos epitheinai tō logō. to men gar diploun einai ton erōta dokei moi kalōs dielesthai hoti de ou monon estin epi tais psychais tōn anthrōpōn pros tous kalous alla kai pros alla polla kai en tois allois, tois te sōmasi tōn pantōn zōōn kai tois en tē gē phyomenois kai hōs epos eipein en pasi tois ousi, katheōrakenai moi dokō ek tēs iatrikēs, tēs hēmeteras technēs, hōs megas kai thaumastos kai epi pan ho theos teinei kai katʼ anthrōpina kai kata theia pragmata. arxomai de apo tēs iatrikēs legōn, hina kai presbeuōmen tēn technēn. hē gar physis tōn sōmatōn ton diploun erōta touton echei to gar hygies tou sōmatos kai to nosoun homologoumenōs heteron te kai anomoion esti, to de anomoion anomoiōn epithymei kai era. allos men oun ho epi tō hygieinō erōs, allos de ho epi tō nosōdei. estin dē, hōsper arti Pausanias elegen tois men agathois kalon charizesthai tōn anthrōpōn, tois dʼ akolastois aischron, houtō kai en autois tois sōmasin tois men agathois hekastou tou sōmatos kai hygieinois kalon charizesthai kai dei, kai touto estin hō onoma to iatrikon, tois de kakois kai nosōdesin aischron te kai dei acharistein, ei mellei tis technikos einai. esti gar iatrikē, hōs en kephalaiō eipein, epistēmē tōn tou sōmatos erōtikōn pros plēsmonēn kai kenōsin, kai ho diagignōskōn en toutois ton kalon te kai aischron erōta, houtos estin ho iatrikōtatos, kai ho metaballein poiōn, hōste anti tou heterou erōtos ton heteron ktasthai, kai hois mē enestin erōs, dei dʼ engenesthai, epistamenos empoiēsai kai enonta exelein, agathos an eiē dēmiourgos. dei gar dē ta echthista onta en tō sōmati phila hoion tʼ einai poiein kai eran allēlōn
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 186 part 1; transliteration: greek-transliteration (build)