Languages

Work 2 · Passage 29

Work 2 · Passage 29

Plato

Greek

καὶ ἐν μουσικῇ δὴ καὶ ἐν ἰατρικῇ καὶ ἐν τοῖς ἄλλοις πᾶσι καὶ τοῖς ἀνθρωπείοις καὶ τοῖς θείοις, καθʼ ὅσον παρείκει, φυλακτέον ἑκάτερον τὸν ἔρωτα· ἔνεστον γάρ. ἐπεὶ καὶ ἡ τῶν ὡρῶν τοῦ ἐνιαυτοῦ σύστασις μεστή ἐστιν ἀμφοτέρων τούτων, καὶ ἐπειδὰν μὲν πρὸς ἄλληλα τοῦ κοσμίου τύχῃ ἔρωτος ἃ νυνδὴ ἐγὼ ἔλεγον, τά τε θερμὰ καὶ τὰ ψυχρὰ καὶ ξηρὰ καὶ ὑγρά, καὶ ἁρμονίαν καὶ κρᾶσιν λάβῃ σώφρονα, ἥκει φέροντα εὐετηρίαν τε καὶ ὑγίειαν ἀνθρώποις καὶ τοῖς ἄλλοις ζῴοις τε καὶ φυτοῖς, καὶ οὐδὲν ἠδίκησεν· ὅταν δὲ ὁ μετὰ τῆς ὕβρεως Ἔρως ἐγκρατέστερος περὶ τὰς τοῦ ἐνιαυτοῦ ὥρας γένηται, διέφθειρέν τε πολλὰ καὶ ἠδίκησεν. οἵ τε γὰρ λοιμοὶ φιλοῦσι γίγνεσθαι ἐκ τῶν τοιούτων καὶ ἄλλα ἀνόμοια πολλὰ νοσήματα καὶ τοῖς θηρίοις καὶ τοῖς φυτοῖς· καὶ γὰρ πάχναι καὶ χάλαζαι καὶ ἐρυσῖβαι ἐκ πλεονεξίας καὶ ἀκοσμίας περὶ ἄλληλα τῶν τοιούτων γίγνεται ἐρωτικῶν, ὧν ἐπιστήμη περὶ ἄστρων τε φορὰς καὶ ἐνιαυτῶν ὥρας ἀστρονομία καλεῖται. ἔτι τοίνυν καὶ αἱ θυσίαι πᾶσαι καὶ οἷς μαντικὴ ἐπιστατεῖ—ταῦτα δʼ ἐστὶν ἡ περὶ θεούς τε καὶ ἀνθρώπους πρὸς ἀλλήλους κοινωνία—οὐ περὶ ἄλλο τί ἐστιν ἢ περὶ Ἔρωτος φυλακήν τε καὶ ἴασιν. πᾶσα γὰρ ἀσέβεια φιλεῖ γίγνεσθαι ἐὰν μή τις τῷ κοσμίῳ Ἔρωτι χαρίζηται μηδὲ τιμᾷ τε αὐτὸν καὶ πρεσβεύῃ ἐν παντὶ ἔργῳ, ἀλλὰ τὸν ἕτερον, καὶ περὶ γονέας καὶ ζῶντας καὶ τετελευτηκότας καὶ περὶ θεούς

Transliteration

kai en mousikē dē kai en iatrikē kai en tois allois pasi kai tois anthrōpeiois kai tois theiois, kathʼ hoson pareikei, phylakteon hekateron ton erōta eneston gar. epei kai hē tōn hōrōn tou eniautou systasis mestē estin amphoterōn toutōn, kai epeidan men pros allēla tou kosmiou tychē erōtos ha nyndē egō elegon, ta te therma kai ta psychra kai xēra kai hygra, kai harmonian kai krasin labē sōphrona, hēkei pheronta euetērian te kai hygieian anthrōpois kai tois allois zōois te kai phytois, kai ouden ēdikēsen hotan de ho meta tēs hybreōs Erōs enkratesteros peri tas tou eniautou hōras genētai, diephtheiren te polla kai ēdikēsen. hoi te gar loimoi philousi gignesthai ek tōn toioutōn kai alla anomoia polla nosēmata kai tois thēriois kai tois phytois kai gar pachnai kai chalazai kai erysibai ek pleonexias kai akosmias peri allēla tōn toioutōn gignetai erōtikōn, hōn epistēmē peri astrōn te phoras kai eniautōn hōras astronomia kaleitai. eti toinyn kai hai thysiai pasai kai hois mantikē epistatei—tauta dʼ estin hē peri theous te kai anthrōpous pros allēlous koinōnia—ou peri allo ti estin ē peri Erōtos phylakēn te kai iasin. pasa gar asebeia philei gignesthai ean mē tis tō kosmiō Erōti charizētai mēde tima te auton kai presbeuē en panti ergō, alla ton heteron, kai peri goneas kai zōntas kai teteleutēkotas kai peri theous

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 188 part 1; transliteration: greek-transliteration (build)

Share X Facebook