Languages

Work 2 · Passage 30

Work 2 · Passage 30

Plato

Greek

· ἃ δὴ προστέτακται τῇ μαντικῇ ἐπισκοπεῖν τοὺς ἐρῶντας καὶ ἰατρεύειν, καὶ ἔστιν αὖ ἡ μαντικὴ φιλίας θεῶν καὶ ἀνθρώπων δημιουργὸς τῷ ἐπίστασθαι τὰ κατὰ ἀνθρώπους ἐρωτικά, ὅσα τείνει πρὸς θέμιν καὶ εὐσέβειαν. οὕτω πολλὴν καὶ μεγάλην, μᾶλλον δὲ πᾶσαν δύναμιν ἔχει συλλήβδην μὲν ὁ πᾶς Ἔρως, ὁ δὲ περὶ τἀγαθὰ μετὰ σωφροσύνης καὶ δικαιοσύνης ἀποτελούμενος καὶ παρʼ ἡμῖν καὶ παρὰ θεοῖς, οὗτος τὴν μεγίστην δύναμιν ἔχει καὶ πᾶσαν ἡμῖν εὐδαιμονίαν παρασκευάζει καὶ ἀλλήλοις δυναμένους ὁμιλεῖν καὶ φίλους εἶναι καὶ τοῖς κρείττοσιν ἡμῶν θεοῖς. ἴσως μὲν οὖν καὶ ἐγὼ τὸν ἔρωτα ἐπαινῶν πολλὰ παραλείπω, οὐ μέντοι ἑκών γε. ἀλλʼ εἴ τι ἐξέλιπον, σὸν ἔργον, ὦ Ἀριστόφανες, ἀναπληρῶσαι· ἢ εἴ πως ἄλλως ἐν νῷ ἔχεις ἐγκωμιάζειν τὸν θεόν, ἐγκωμίαζε, ἐπειδὴ καὶ τῆς λυγγὸς πέπαυσαι.

Transliteration

ha dē prostetaktai tē mantikē episkopein tous erōntas kai iatreuein, kai estin au hē mantikē philias theōn kai anthrōpōn dēmiourgos tō epistasthai ta kata anthrōpous erōtika, hosa teinei pros themin kai eusebeian. houtō pollēn kai megalēn, mallon de pasan dynamin echei syllēbdēn men ho pas Erōs, ho de peri tagatha meta sōphrosynēs kai dikaiosynēs apoteloumenos kai parʼ hēmin kai para theois, houtos tēn megistēn dynamin echei kai pasan hēmin eudaimonian paraskeuazei kai allēlois dynamenous homilein kai philous einai kai tois kreittosin hēmōn theois. isōs men oun kai egō ton erōta epainōn polla paraleipō, ou mentoi hekōn ge. allʼ ei ti exelipon, son ergon, ō Aristophanes, anaplērōsai ē ei pōs allōs en nō echeis enkōmiazein ton theon, enkōmiaze, epeidē kai tēs lyngos pepausai.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 188 part 2; transliteration: greek-transliteration (build)

Share X Facebook