Work 2 · Passage 31
Plato
Greek
ἐκδεξάμενον οὖν ἔφη εἰπεῖν τὸν Ἀριστοφάνη ὅτι καὶ μάλʼ ἐπαύσατο, οὐ μέντοι πρίν γε τὸν πταρμὸν προσενεχθῆναι αὐτῇ, ὥστε με θαυμάζειν εἰ τὸ κόσμιον τοῦ σώματος ἐπιθυμεῖ τοιούτων ψόφων καὶ γαργαλισμῶν, οἷον καὶ ὁ πταρμός ἐστιν· πάνυ γὰρ εὐθὺς ἐπαύσατο, ἐπειδὴ αὐτῷ τὸν πταρμὸν προσήνεγκα. καὶ τὸν Ἐρυξίμαχον, ὠγαθέ, φάναι, Ἀριστόφανες, ὅρα τί ποιεῖς. γελωτοποιεῖς μέλλων λέγειν, καὶ φύλακά με τοῦ λόγου ἀναγκάζεις γίγνεσθαι τοῦ σεαυτοῦ, ἐάν τι γελοῖον εἴπῃς, ἐξόν σοι ἐν εἰρήνῃ λέγειν. καὶ τὸν Ἀριστοφάνη γελάσαντα εἰπεῖν εὖ λέγεις, ὦ Ἐρυξίμαχε, καί μοι ἔστω ἄρρητα τὰ εἰρημένα. ἀλλὰ μή με φύλαττε, ὡς ἐγὼ φοβοῦμαι περὶ τῶν μελλόντων ῥηθήσεσθαι, οὔ τι μὴ γελοῖα εἴπω — τοῦτο μὲν γὰρ ἂν κέρδος εἴη καὶ τῆς ἡμετέρας μούσης ἐπιχώριον — ἀλλὰ μὴ καταγέλαστα. βαλών γε, φάναι, ὦ Ἀριστόφανες, οἴει ἐκφεύξεσθαι· ἀλλὰ πρόσεχε τὸν νοῦν καὶ οὕτως λέγε ὡς δώσων λόγον. ἴσως μέντοι, ἂν δόξῃ μοι, ἀφήσω σε. καὶ μήν, ὦ Ἐρυξίμαχε, εἰπεῖν τὸν Ἀριστοφάνη, ἄλλῃ γέ πῃ ἐν νῷ ἔχω λέγειν ἢ ᾗ σύ τε καὶ Παυσανίας εἰπέτην. ἐμοὶ γὰρ δοκοῦσιν ἅνθρωποι παντάπασι τὴν τοῦ ἔρωτος δύναμιν οὐκ ᾐσθῆσθαι, ἐπεὶ αἰσθανόμενοί γε μέγιστʼ ἂν αὐτοῦ ἱερὰ κατασκευάσαι καὶ βωμούς, καὶ θυσίας ἂν ποιεῖν μεγίστας, οὐχ ὥσπερ νῦν τούτων οὐδὲν γίγνεται περὶ αὐτόν, δέον πάντων μάλιστα γίγνεσθαι. ἔστι γὰρ θεῶν φιλανθρωπότατος, ἐπίκουρός τε ὢν τῶν ἀνθρώπων καὶ ἰατρὸς τούτων ὧν ἰαθέντων μεγίστη εὐδαιμονία ἂν τῷ ἀνθρωπείῳ γένει εἴη. ἐγὼ οὖν πειράσομαι ὑμῖν εἰσηγήσασθαι τὴν δύναμιν αὐτοῦ, ὑμεῖς δὲ τῶν ἄλλων διδάσκαλοι ἔσεσθε. δεῖ δὲ πρῶτον ὑμᾶς μαθεῖν τὴν ἀνθρωπίνην φύσιν καὶ τὰ παθήματα αὐτῆς. ἡ γὰρ πάλαι ἡμῶν φύσις οὐχ αὑτὴ ἦν ἥπερ νῦν, ἀλλʼ ἀλλοία. πρῶτον μὲν γὰρ τρία ἦν τὰ γένη τὰ τῶν ἀνθρώπων, οὐχ ὥσπερ νῦν δύο, ἄρρεν καὶ θῆλυ, ἀλλὰ καὶ τρίτον προσῆν κοινὸν ὂν ἀμφοτέρων τούτων, οὗ νῦν ὄνομα λοιπόν, αὐτὸ δὲ ἠφάνισται
Transliteration
ekdexamenon oun ephē eipein ton Aristophanē hoti kai malʼ epausato, ou mentoi prin ge ton ptarmon prosenechthēnai autē, hōste me thaumazein ei to kosmion tou sōmatos epithymei toioutōn psophōn kai gargalismōn, hoion kai ho ptarmos estin pany gar euthys epausato, epeidē autō ton ptarmon prosēnenka. kai ton Eryximachon, ōgathe, phanai, Aristophanes, hora ti poieis. gelōtopoieis mellōn legein, kai phylaka me tou logou anankazeis gignesthai tou seautou, ean ti geloion eipēs, exon soi en eirēnē legein. kai ton Aristophanē gelasanta eipein eu legeis, ō Eryximache, kai moi estō arrhēta ta eirēmena. alla mē me phylatte, hōs egō phoboumai peri tōn mellontōn rhēthēsesthai, ou ti mē geloia eipō — touto men gar an kerdos eiē kai tēs hēmeteras mousēs epichōrion — alla mē katagelasta. balōn ge, phanai, ō Aristophanes, oiei ekpheuxesthai alla proseche ton noun kai houtōs lege hōs dōsōn logon. isōs mentoi, an doxē moi, aphēsō se. kai mēn, ō Eryximache, eipein ton Aristophanē, allē ge pē en nō echō legein ē hē sy te kai Pausanias eipetēn. emoi gar dokousin hanthrōpoi pantapasi tēn tou erōtos dynamin ouk ēsthēsthai, epei aisthanomenoi ge megistʼ an autou hiera kataskeuasai kai bōmous, kai thysias an poiein megistas, ouch hōsper nyn toutōn ouden gignetai peri auton, deon pantōn malista gignesthai. esti gar theōn philanthrōpotatos, epikouros te ōn tōn anthrōpōn kai iatros toutōn hōn iathentōn megistē eudaimonia an tō anthrōpeiō genei eiē. egō oun peirasomai hymin eisēgēsasthai tēn dynamin autou, hymeis de tōn allōn didaskaloi esesthe. dei de prōton hymas mathein tēn anthrōpinēn physin kai ta pathēmata autēs. hē gar palai hēmōn physis ouch hautē ēn hēper nyn, allʼ alloia. prōton men gar tria ēn ta genē ta tōn anthrōpōn, ouch hōsper nyn dyo, arrhen kai thēly, alla kai triton prosēn koinon on amphoterōn toutōn, hou nyn onoma loipon, auto de ēphanistai
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 189 part 1; transliteration: greek-transliteration (build)