Languages

Work 2 · Passage 39

Work 2 · Passage 39

Plato

Greek

τοῦτο γάρ ἐστι τὸ αἴτιον, ὅτι ἡ ἀρχαία φύσις ἡμῶν ἦν αὕτη καὶ ἦμεν ὅλοι· τοῦ ὅλου οὖν τῇ ἐπιθυμίᾳ καὶ διώξει ἔρως ὄνομα. καὶ πρὸ τοῦ, ὥσπερ λέγω, ἓν ἦμεν, νυνὶ δὲ διὰ τὴν ἀδικίαν διῳκίσθημεν ὑπὸ τοῦ θεοῦ, καθάπερ Ἀρκάδες ὑπὸ Λακεδαιμονίων· φόβος οὖν ἔστιν, ἐὰν μὴ κόσμιοι ὦμεν πρὸς τοὺς θεούς, ὅπως μὴ καὶ αὖθις διασχισθησόμεθα, καὶ περίιμεν ἔχοντες ὥσπερ οἱ ἐν ταῖς στήλαις καταγραφὴν ἐκτετυπωμένοι, διαπεπρισμένοι κατὰ τὰς ῥῖνας, γεγονότες ὥσπερ λίσπαι. ἀλλὰ τούτων ἕνεκα πάντʼ ἄνδρα χρὴ ἅπαντα παρακελεύεσθαι εὐσεβεῖν περὶ θεούς, ἵνα τὰ μὲν ἐκφύγωμεν, τῶν δὲ τύχωμεν, ὡς ὁ Ἔρως ἡμῖν ἡγεμὼν καὶ στρατηγός. ᾧ μηδεὶς ἐναντία πραττέτω— πράττει δʼ ἐναντία ὅστις θεοῖς ἀπεχθάνεται—φίλοι γὰρ γενόμενοι καὶ διαλλαγέντες τῷ θεῷ ἐξευρήσομέν τε καὶ ἐντευξόμεθα τοῖς παιδικοῖς τοῖς ἡμετέροις αὐτῶν, ὃ τῶν νῦν ὀλίγοι ποιοῦσι. καὶ μή μοι ὑπολάβῃ Ἐρυξίμαχος, κωμῳδῶν τὸν λόγον, ὡς Παυσανίαν καὶ Ἀγάθωνα λέγω—ἴσως μὲν γὰρ καὶ οὗτοι τούτων τυγχάνουσιν ὄντες καί εἰσιν ἀμφότεροι τὴν φύσιν ἄρρενες—λέγω δὲ οὖν ἔγωγε καθʼ ἁπάντων καὶ ἀνδρῶν καὶ γυναικῶν, ὅτι οὕτως ἂν ἡμῶν τὸ γένος εὔδαιμον γένοιτο, εἰ ἐκτελέσαιμεν τὸν ἔρωτα καὶ τῶν παιδικῶν τῶν αὑτοῦ ἕκαστος τύχοι εἰς τὴν ἀρχαίαν ἀπελθὼν φύσιν. εἰ δὲ τοῦτο ἄριστον, ἀναγκαῖον καὶ τῶν νῦν παρόντων τὸ τούτου ἐγγυτάτω ἄριστον εἶναι· τοῦτο δʼ ἐστὶ παιδικῶν τυχεῖν κατὰ νοῦν αὐτῷ πεφυκότων· οὗ δὴ τὸν αἴτιον θεὸν ὑμνοῦντες δικαίως ἂν ὑμνοῖμεν ἔρωτα, ὃς ἔν τε τῷ παρόντι ἡμᾶς πλεῖστα ὀνίνησιν εἰς τὸ οἰκεῖον ἄγων, καὶ εἰς τὸ ἔπειτα ἐλπίδας μεγίστας παρέχεται, ἡμῶν παρεχομένων πρὸς θεοὺς εὐσέβειαν, καταστήσας ἡμᾶς εἰς τὴν ἀρχαίαν φύσιν καὶ ἰασάμενος μακαρίους καὶ εὐδαίμονας ποιῆσαι. οὗτος, ἔφη, ὦ Ἐρυξίμαχε, ὁ ἐμὸς λόγος ἐστὶ περὶ Ἔρωτος, ἀλλοῖος ἢ ὁ σός. ὥσπερ οὖν ἐδεήθην σου, μὴ κωμῳδήσῃς αὐτόν, ἵνα καὶ τῶν λοιπῶν ἀκούσωμεν τί ἕκαστος ἐρεῖ, μᾶλλον δὲ τί ἑκάτερος

Transliteration

touto gar esti to aition, hoti hē archaia physis hēmōn ēn hautē kai ēmen holoi tou holou oun tē epithymia kai diōxei erōs onoma. kai pro tou, hōsper legō, hen ēmen, nyni de dia tēn adikian diōkisthēmen hypo tou theou, kathaper Arkades hypo Lakedaimoniōn phobos oun estin, ean mē kosmioi ōmen pros tous theous, hopōs mē kai authis diaschisthēsometha, kai periimen echontes hōsper hoi en tais stēlais katagraphēn ektetypōmenoi, diapeprismenoi kata tas rhinas, gegonotes hōsper lispai. alla toutōn heneka pantʼ andra chrē hapanta parakeleuesthai eusebein peri theous, hina ta men ekphygōmen, tōn de tychōmen, hōs ho Erōs hēmin hēgemōn kai stratēgos. hō mēdeis enantia prattetō— prattei dʼ enantia hostis theois apechthanetai—philoi gar genomenoi kai diallagentes tō theō exeurēsomen te kai enteuxometha tois paidikois tois hēmeterois autōn, ho tōn nyn oligoi poiousi. kai mē moi hypolabē Eryximachos, kōmōdōn ton logon, hōs Pausanian kai Agathōna legō—isōs men gar kai houtoi toutōn tynchanousin ontes kai eisin amphoteroi tēn physin arrhenes—legō de oun egōge kathʼ hapantōn kai andrōn kai gynaikōn, hoti houtōs an hēmōn to genos eudaimon genoito, ei ektelesaimen ton erōta kai tōn paidikōn tōn hautou hekastos tychoi eis tēn archaian apelthōn physin. ei de touto ariston, anankaion kai tōn nyn parontōn to toutoy engytatō ariston einai touto dʼ esti paidikōn tychein kata noun autō pephykotōn hou dē ton aition theon hymnountes dikaiōs an hymnoimen erōta, hos en te tō paronti hēmas pleista oninēsin eis to oikeion agōn, kai eis to epeita elpidas megistas parechetai, hēmōn parechomenōn pros theous eusebeian, katastēsas hēmas eis tēn archaian physin kai iasamenos makarious kai eudaimonas poiēsai. houtos, ephē, ō Eryximache, ho emos logos esti peri Erōtos, alloios ē ho sos. hōsper oun edeēthēn sou, mē kōmōdēsēs auton, hina kai tōn loipōn akousōmen ti hekastos erei, mallon de ti hekateros

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 193 part 1; transliteration: greek-transliteration (build)

Share X Facebook