Work 2 · Passage 38
Plato
Greek
· ἆρά γε τοῦδε ἐπιθυμεῖτε, ἐν τῷ αὐτῷ γενέσθαι ὅτι μάλιστα ἀλλήλοις, ὥστε καὶ νύκτα καὶ ἡμέραν μὴ ἀπολείπεσθαι ἀλλήλων; εἰ γὰρ τούτου ἐπιθυμεῖτε, θέλω ὑμᾶς συντῆξαι καὶ συμφυσῆσαι εἰς τὸ αὐτό, ὥστε δύʼ ὄντας ἕνα γεγονέναι καὶ ἕως τʼ ἂν ζῆτε, ὡς ἕνα ὄντα, κοινῇ ἀμφοτέρους ζῆν, καὶ ἐπειδὰν ἀποθάνητε, ἐκεῖ αὖ ἐν Ἅιδου ἀντὶ δυοῖν ἕνα εἶναι κοινῇ τεθνεῶτε· ἀλλʼ ὁρᾶτε εἰ τούτου ἐρᾶτε καὶ ἐξαρκεῖ ὑμῖν ἂν τούτου τύχητε· ταῦτʼ ἀκούσας ἴσμεν ὅτι οὐδʼ ἂν εἷς ἐξαρνηθείη οὐδʼ ἄλλο τι ἂν φανείη βουλόμενος, ἀλλʼ ἀτεχνῶς οἴοιτʼ ἂν ἀκηκοέναι τοῦτο ὃ πάλαι ἄρα ἐπεθύμει, συνελθὼν καὶ συντακεὶς τῷ ἐρωμένῳ ἐκ δυοῖν εἷς γενέσθαι.
Transliteration
ara ge toude epithymeite, en tō autō genesthai hoti malista allēlois, hōste kai nykta kai hēmeran mē apoleipesthai allēlōn; ei gar toutoy epithymeite, thelō hymas syntēxai kai symphysēsai eis to auto, hōste dyʼ ontas hena gegonenai kai heōs tʼ an zēte, hōs hena onta, koinē amphoterous zēn, kai epeidan apothanēte, ekei au en hAidou anti dyoin hena einai koinē tethneōte allʼ horate ei toutoy erate kai exarkei hymin an toutoy tychēte tautʼ akousas ismen hoti oudʼ an heis exarnētheiē oudʼ allo ti an phaneiē boulomenos, allʼ atechnōs oioitʼ an akēkoenai touto ho palai ara epethymei, synelthōn kai syntakeis tō erōmenō ek dyoin heis genesthai.
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 192 part 2; transliteration: greek-transliteration (build)