Work 2 · Passage 41
Plato
Greek
τὸν οὖν Σωκράτη εἰπεῖν καλῶς γὰρ αὐτὸς ἠγώνισαι, ὦ Ἐρυξίμαχε· εἰ δὲ γένοιο οὗ νῦν ἐγώ εἰμι, μᾶλλον δὲ ἴσως οὗ ἔσομαι ἐπειδὰν καὶ Ἀγάθων εἴπῃ εὖ, καὶ μάλʼ ἂν φοβοῖο καὶ ἐν παντὶ εἴης ὥσπερ ἐγὼ νῦν. φαρμάττειν βούλει με, ὦ Σώκρατες, εἰπεῖν τὸν Ἀγάθωνα, ἵνα θορυβηθῶ διὰ τὸ οἴεσθαι τὸ θέατρον προσδοκίαν μεγάλην ἔχειν ὡς εὖ ἐροῦντος ἐμοῦ. ἐπιλήσμων μεντἂν εἴην, ὦ Ἀγάθων, εἰπεῖν τὸν Σωκράτη, εἰ ἰδὼν τὴν σὴν ἀνδρείαν καὶ μεγαλοφροσύνην ἀναβαίνοντος ἐπὶ τὸν ὀκρίβαντα μετὰ τῶν ὑποκριτῶν, καὶ βλέψαντος ἐναντία τοσούτῳ θεάτρῳ, μέλλοντος ἐπιδείξεσθαι σαυτοῦ λόγους, καὶ οὐδʼ ὁπωστιοῦν ἐκπλαγέντος, νῦν οἰηθείην σε θορυβήσεσθαι ἕνεκα ἡμῶν ὀλίγων ἀνθρώπων. τί δέ, ὦ Σώκρατες; τὸν Ἀγάθωνα φάναι, οὐ δήπου με οὕτω θεάτρου μεστὸν ἡγῇ ὥστε καὶ ἀγνοεῖν ὅτι νοῦν ἔχοντι ὀλίγοι ἔμφρονες πολλῶν ἀφρόνων φοβερώτεροι; οὐ μεντἂν καλῶς ποιοίην, φάναι, ὦ Ἀγάθων, περὶ σοῦ τι ἐγὼ ἄγροικον δοξάζων· ἀλλʼ εὖ οἶδα ὅτι εἴ τισιν ἐντύχοις οὓς ἡγοῖο σοφούς, μᾶλλον ἂν αὐτῶν φροντίζοις ἢ τῶν πολλῶν. ἀλλὰ μὴ οὐχ οὗτοι ἡμεῖς ὦμεν—ἡμεῖς μὲν γὰρ καὶ ἐκεῖ παρῆμεν καὶ ἦμεν τῶν πολλῶν—εἰ δὲ ἄλλοις ἐντύχοις σοφοῖς, τάχʼ ἂν αἰσχύνοιο αὐτούς, εἴ τι ἴσως οἴοιο αἰσχρὸν ὂν ποιεῖν· ἢ πῶς λέγεις; ἀληθῆ λέγεις, φάναι. τοὺς δὲ πολλοὺς οὐκ ἂν αἰσχύνοιο εἴ τι οἴοιο αἰσχρὸν ποιεῖν; καὶ τὸν Φαῖδρον ἔφη ὑπολαβόντα εἰπεῖν ὦ φίλε Ἀγάθων, ἐὰν ἀποκρίνῃ Σωκράτει, οὐδὲν ἔτι διοίσει αὐτῷ ὁπῃοῦν τῶν ἐνθάδε ὁτιοῦν γίγνεσθαι, ἐὰν μόνον ἔχῃ ὅτῳ διαλέγηται, ἄλλως τε καὶ καλῷ. ἐγὼ δὲ ἡδέως μὲν ἀκούω Σωκράτους διαλεγομένου, ἀναγκαῖον δέ μοι ἐπιμεληθῆναι τοῦ ἐγκωμίου τῷ Ἔρωτι καὶ ἀποδέξασθαι παρʼ ἑνὸς ἑκάστου ὑμῶν τὸν λόγον· ἀποδοὺς οὖν ἑκάτερος τῷ θεῷ οὕτως ἤδη διαλεγέσθω. ἀλλὰ καλῶς λέγεις, ὦ Φαῖδρε, φάναι τὸν Ἀγάθωνα, καὶ οὐδέν με κωλύει λέγειν· Σωκράτει γὰρ καὶ αὖθις ἔσται πολλάκις διαλέγεσθαι.
Transliteration
ton oun Sōkratē eipein kalōs gar autos ēgōnisai, ō Eryximache ei de genoio hou nyn egō eimi, mallon de isōs hou esomai epeidan kai Agathōn eipē eu, kai malʼ an phoboio kai en panti eiēs hōsper egō nyn. pharmattein boulei me, ō Sōkrates, eipein ton Agathōna, hina thorybēthō dia to oiesthai to theatron prosdokian megalēn echein hōs eu erountos emou. epilēsmōn mentan eiēn, ō Agathōn, eipein ton Sōkratē, ei idōn tēn sēn andreian kai megalophrosynēn anabainontos epi ton okribanta meta tōn hypokritōn, kai blepsantos enantia tosoutō theatrō, mellontos epideixesthai sautou logous, kai oudʼ hopōstioun ekplagentos, nyn oiētheiēn se thorybēsesthai heneka hēmōn oligōn anthrōpōn. ti de, ō Sōkrates; ton Agathōna phanai, ou dēpou me houtō theatrou meston hēgē hōste kai agnoein hoti noun echonti oligoi emphrones pollōn aphronōn phoberōteroi; ou mentan kalōs poioiēn, phanai, ō Agathōn, peri sou ti egō agroikon doxazōn allʼ eu oida hoti ei tisin entychois hous hēgoio sophous, mallon an autōn phrontizois ē tōn pollōn. alla mē ouch houtoi hēmeis hōmen—ēmeis men gar kai ekei parēmen kai ēmen tōn pollōn—ei de allois entychois sophois, tachʼ an aischynoio autous, ei ti isōs oioio aischron on poiein ē pōs legeis; alēthē legeis, phanai. tous de pollous ouk an aischynoio ei ti oioio aischron poiein; kai ton PHaidron ephē hypolabonta eipein ō phile Agathōn, ean apokrinē Sōkratei, ouden eti dioisei autō hopēoun tōn enthade hotioun gignesthai, ean monon echē hotō dialegētai, allōs te kai kalō. egō de hēdeōs men akouō Sōkratous dialegomenou, anankaion de moi epimelēthēnai tou enkōmiou tō Erōti kai apodexasthai parʼ henos hekastou hymōn ton logon apodous oun hekateros tō theō houtōs ēdē dialegesthō. alla kalōs legeis, ō PHaidre, phanai ton Agathōna, kai ouden me kōlyei legein Sōkratei gar kai authis estai pollakis dialegesthai.
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 194; transliteration: greek-transliteration (build)