Languages

Work 2 · Passage 52

Work 2 · Passage 52

Plato

Greek

τοῦτο μὲν τοίνυν, εἰπεῖν τὸν Σωκράτη, φύλαξον παρὰ σαυτῷ μεμνημένος ὅτου· τοσόνδε δὲ εἰπέ, πότερον ὁ Ἔρως ἐκείνου οὗ ἔστιν ἔρως, ἐπιθυμεῖ αὐτοῦ ἢ οὔ; πάνυ γε, φάναι. πότερον ἔχων αὐτὸ οὗ ἐπιθυμεῖ τε καὶ ἐρᾷ, εἶτα ἐπιθυμεῖ τε καὶ ἐρᾷ, ἢ οὐκ ἔχων; οὐκ ἔχων, ὡς τὸ εἰκός γε, φάναι. σκόπει δή, εἰπεῖν τὸν Σωκράτη, ἀντὶ τοῦ εἰκότος εἰ ἀνάγκη οὕτως, τὸ ἐπιθυμοῦν ἐπιθυμεῖν οὗ ἐνδεές ἐστιν, ἢ μὴ ἐπιθυμεῖν, ἐὰν μὴ ἐνδεὲς ᾖ; ἐμοὶ μὲν γὰρ θαυμαστῶς δοκεῖ, ὦ Ἀγάθων, ὡς ἀνάγκη εἶναι· σοὶ δὲ πῶς; κἀμοί, φάναι, δοκεῖ. καλῶς λέγεις. ἆρʼ οὖν βούλοιτʼ ἄν τις μέγας ὢν μέγας εἶναι, ἢ ἰσχυρὸς ὢν ἰσχυρός; ἀδύνατον ἐκ τῶν ὡμολογημένων. οὐ γάρ που ἐνδεὴς ἂν εἴη τούτων ὅ γε ὤν. ἀληθῆ λέγεις. εἰ γὰρ καὶ ἰσχυρὸς ὢν βούλοιτο ἰσχυρὸς εἶναι, φάναι τὸν Σωκράτη, καὶ ταχὺς ὢν ταχύς, καὶ ὑγιὴς ὢν ὑγιής—ἴσως γὰρ ἄν τις ταῦτα οἰηθείη καὶ πάντα τὰ τοιαῦτα τοὺς ὄντας τε τοιούτους καὶ ἔχοντας ταῦτα τούτων ἅπερ ἔχουσι καὶ ἐπιθυμεῖν, ἵνʼ οὖν μὴ ἐξαπατηθῶμεν, τούτου ἕνεκα λέγω— τούτοις γάρ, ὦ Ἀγάθων, εἰ ἐννοεῖς, ἔχειν μὲν ἕκαστα τούτων ἐν τῷ παρόντι ἀνάγκη ἃ ἔχουσιν, ἐάντε βούλωνται ἐάντε μή, καὶ τούτου γε δήπου τίς ἂν ἐπιθυμήσειεν; ἀλλʼ ὅταν τις λέγῃ ὅτι ἐγὼ ὑγιαίνων βούλομαι καὶ ὑγιαίνειν, καὶ πλουτῶν βούλομαι καὶ πλουτεῖν, καὶ ἐπιθυμῶ αὐτῶν τούτων ἃ ἔχω, εἴποιμεν ἂν αὐτῷ ὅτι σύ, ὦ ἄνθρωπε, πλοῦτον κεκτημένος καὶ ὑγίειαν καὶ ἰσχὺν βούλει καὶ εἰς τὸν ἔπειτα χρόνον ταῦτα κεκτῆσθαι, ἐπεὶ ἐν τῷ γε νῦν παρόντι, εἴτε βούλει εἴτε μή, ἔχεις

Transliteration

touto men toinyn, eipein ton Sōkratē, phylaxon para sautō memnēmenos hotou tosonde de eipe, poteron ho Erōs ekeinou hou estin erōs, epithymei autou ē ou; pany ge, phanai. poteron echōn auto hou epithymei te kai era, eita epithymei te kai era, ē ouk echōn; ouk echōn, hōs to eikos ge, phanai. skopei dē, eipein ton Sōkratē, anti tou eikotos ei anankē houtōs, to epithymoun epithymein hou endees estin, ē mē epithymein, ean mē endees ē; emoi men gar thaumastōs dokei, ō Agathōn, hōs anankē einai soi de pōs; kamoi, phanai, dokei. kalōs legeis. arʼ oun bouloitʼ an tis megas ōn megas einai, ē ischyros ōn ischyros; adynaton ek tōn hōmologēmenōn. ou gar pou endeēs an eiē toutōn ho ge ōn. alēthē legeis. ei gar kai ischyros ōn bouloito ischyros einai, phanai ton Sōkratē, kai tachys ōn tachys, kai hygiēs ōn hygiēs—isōs gar an tis tauta oiētheiē kai panta ta toiauta tous ontas te toioutoys kai echontas tauta toutōn haper echousi kai epithymein, hinʼ oun mē exapatēthōmen, toutoy heneka legō— toutois gar, ō Agathōn, ei ennoeis, echein men hekasta toutōn en tō paronti anankē ha echousin, eante boulōntai eante mē, kai toutoy ge dēpou tis an epithymēseien; allʼ hotan tis legē hoti egō hygiainōn boulomai kai hygiainein, kai ploutōn boulomai kai ploutein, kai epithymō autōn toutōn ha echō, eipoimen an autō hoti sy, ō anthrōpe, plouton kektēmenos kai hygieian kai ischyn boulei kai eis ton epeita chronon tauta kektēsthai, epei en tō ge nyn paronti, eite boulei eite mē, echeis

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 200 part 1; transliteration: greek-transliteration (build)

Share X Facebook