Languages

Work 2 · Passage 53

Work 2 · Passage 53

Plato

Greek

· σκόπει οὖν, ὅταν τοῦτο λέγῃς, ὅτι ἐπιθυμῶ τῶν παρόντων, εἰ ἄλλο τι λέγεις ἢ τόδε, ὅτι βούλομαι τὰ νῦν παρόντα καὶ εἰς τὸν ἔπειτα χρόνον παρεῖναι. ἄλλο τι ὁμολογοῖ ἄν; Συμφάναι ἔφη τὸν Ἀγάθωνα. εἰπεῖν δὴ τὸν Σωκράτη, οὐκοῦν τοῦτό γʼ ἐστὶν ἐκείνου ἐρᾶν, ὃ οὔπω ἕτοιμον αὐτῷ ἐστιν οὐδὲ ἔχει, τὸ εἰς τὸν ἔπειτα χρόνον ταῦτα εἶναι αὐτῷ σῳζόμενα καὶ παρόντα; πάνυ γε, φάναι. καὶ οὗτος ἄρα καὶ ἄλλος πᾶς ὁ ἐπιθυμῶν τοῦ μὴ ἑτοίμου ἐπιθυμεῖ καὶ τοῦ μὴ παρόντος, καὶ ὃ μὴ ἔχει καὶ ὃ μὴ ἔστιν αὐτὸς καὶ οὗ ἐνδεής ἐστι, τοιαῦτʼ ἄττα ἐστὶν ὧν ἡ ἐπιθυμία τε καὶ ὁ ἔρως ἐστίν; πάνυ γʼ, εἰπεῖν. ἴθι δή, φάναι τὸν Σωκράτη, ἀνομολογησώμεθα τὰ εἰρημένα. ἄλλο τι ἔστιν ὁ Ἔρως πρῶτον μὲν τινῶν, ἔπειτα τούτων ὧν ἂν ἔνδεια παρῇ αὐτῷ;

Transliteration

skopei oun, hotan touto legēs, hoti epithymō tōn parontōn, ei allo ti legeis ē tode, hoti boulomai ta nyn paronta kai eis ton epeita chronon pareinai. allo ti homologoi an; Symphanai ephē ton Agathōna. eipein dē ton Sōkratē, oukoyn touto gʼ estin ekeinou eran, ho oupō hetoimon autō estin oude echei, to eis ton epeita chronon tauta einai autō sōzomena kai paronta; pany ge, phanai. kai houtos ara kai allos pas ho epithymōn tou mē hetoimou epithymei kai tou mē parontos, kai ho mē echei kai ho mē estin autos kai hou endeēs esti, toiautʼ atta estin hōn hē epithymia te kai ho erōs estin; pany gʼ, eipein. ithi dē, phanai ton Sōkratē, anomologēsōmetha ta eirēmena. allo ti estin ho Erōs prōton men tinōn, epeita toutōn hōn an endeia parē autō;

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 200 part 2; transliteration: greek-transliteration (build)

Share X Facebook