Languages

Work 2 · Passage 56

Work 2 · Passage 56

Plato

Greek

μάλιστά γε. ἦ καὶ ἂν μὴ σοφόν, ἀμαθές; ἢ οὐκ ᾔσθησαι ὅτι ἔστιν τι μεταξὺ σοφίας καὶ ἀμαθίας; τί τοῦτο; τὸ ὀρθὰ δοξάζειν καὶ ἄνευ τοῦ ἔχειν λόγον δοῦναι οὐκ οἶσθʼ, ἔφη, ὅτι οὔτε ἐπίστασθαί ἐστιν—ἄλογον γὰρ πρᾶγμα πῶς ἂν εἴη ἐπιστήμη; —οὔτε ἀμαθία—τὸ γὰρ τοῦ ὄντος τυγχάνον πῶς ἂν εἴη ἀμαθία; —ἔστι δὲ δήπου τοιοῦτον ἡ ὀρθὴ δόξα, μεταξὺ φρονήσεως καὶ ἀμαθίας. ἀληθῆ, ἦν δʼ ἐγώ, λέγεις. μὴ τοίνυν ἀνάγκαζε ὃ μὴ καλόν ἐστιν αἰσχρὸν εἶναι, μηδὲ ὃ μὴ ἀγαθόν, κακόν. οὕτω δὲ καὶ τὸν ἔρωτα ἐπειδὴ αὐτὸς ὁμολογεῖς μὴ εἶναι ἀγαθὸν μηδὲ καλόν, μηδέν τι μᾶλλον οἴου δεῖν αὐτὸν αἰσχρὸν καὶ κακὸν εἶναι, ἀλλά τι μεταξύ, ἔφη, τούτοιν. καὶ μήν, ἦν δʼ ἐγώ, ὁμολογεῖταί γε παρὰ πάντων μέγας θεὸς εἶναι. τῶν μὴ εἰδότων, ἔφη, πάντων λέγεις, ἢ καὶ τῶν εἰδότων; συμπάντων μὲν οὖν. καὶ ἣ γελάσασα καὶ πῶς ἄν, ἔφη, ὦ Σώκρατες, ὁμολογοῖτο μέγας θεὸς εἶναι παρὰ τούτων, οἵ φασιν αὐτὸν οὐδὲ θεὸν εἶναι; τίνες οὗτοι; ἦν δʼ ἐγώ. εἷς μέν, ἔφη, σύ, μία δʼ ἐγώ. κἀγὼ εἶπον, πῶς τοῦτο, ἔφην, λέγεις; καὶ ἥ, ῥᾳδίως, ἔφη. λέγε γάρ μοι, οὐ πάντας θεοὺς φῂς εὐδαίμονας εἶναι καὶ καλούς; ἢ τολμήσαις ἄν τινα μὴ φάναι καλόν τε καὶ εὐδαίμονα θεῶν εἶναι; μὰ Δίʼ οὐκ ἔγωγʼ, ἔφην. εὐδαίμονας δὲ δὴ λέγεις οὐ τοὺς τἀγαθὰ καὶ τὰ καλὰ κεκτημένους; πάνυ γε. ἀλλὰ μὴν Ἔρωτά γε ὡμολόγηκας διʼ ἔνδειαν τῶν ἀγαθῶν καὶ καλῶν ἐπιθυμεῖν αὐτῶν τούτων ὧν ἐνδεής ἐστιν. ὡμολόγηκα γάρ. πῶς ἂν οὖν θεὸς εἴη ὅ γε τῶν καλῶν καὶ ἀγαθῶν ἄμοιρος; οὐδαμῶς, ὥς γʼ ἔοικεν. ὁρᾷς οὖν, ἔφη, ὅτι καὶ σὺ ἔρωτα οὐ θεὸν νομίζεις;τί οὖν ἄν, ἔφην, εἴη ὁ Ἔρως; θνητός; ἥκιστά γε. ἀλλὰ τί μήν; ὥσπερ τὰ πρότερα, ἔφη, μεταξὺ θνητοῦ καὶ ἀθανάτου. τί οὖν, ὦ Διοτίμα; δαίμων μέγας, ὦ Σώκρατες

Transliteration

malista ge. ē kai an mē sophon, amathes; ē ouk ēsthēsai hoti estin ti metaxy sophias kai amathias; ti touto; to ortha doxazein kai aneu tou echein logon dounai ouk oisthʼ, ephē, hoti oute epistasthai estin—alogon gar pragma pōs an eiē epistēmē; —oute amathia—to gar tou ontos tynchanon pōs an eiē amathia; —esti de dēpou toiouton hē orthē doxa, metaxy phronēseōs kai amathias. alēthē, ēn dʼ egō, legeis. mē toinyn anankaze ho mē kalon estin aischron einai, mēde ho mē agathon, kakon. houtō de kai ton erōta epeidē autos homologeis mē einai agathon mēde kalon, mēden ti mallon oiou dein auton aischron kai kakon einai, alla ti metaxy, ephē, toutoin. kai mēn, ēn dʼ egō, homologeitai ge para pantōn megas theos einai. tōn mē eidotōn, ephē, pantōn legeis, ē kai tōn eidotōn; sympantōn men oun. kai hē gelasasa kai pōs an, ephē, ō Sōkrates, homologoito megas theos einai para toutōn, hoi phasin auton oude theon einai; tines houtoi; ēn dʼ egō. heis men, ephē, sy, mia dʼ egō. kagō eipon, pōs touto, ephēn, legeis; kai hē, rhadiōs, ephē. lege gar moi, ou pantas theous phēs eudaimonas einai kai kalous; ē tolmēsais an tina mē phanai kalon te kai eudaimona theōn einai; ma Diʼ ouk egōgʼ, ephēn. eudaimonas de dē legeis ou tous tagatha kai ta kala kektēmenous; pany ge. alla mēn Erōta ge hōmologēkas diʼ endeian tōn agathōn kai kalōn epithymein autōn toutōn hōn endeēs estin. hōmologēka gar. pōs an oun theos eiē ho ge tōn kalōn kai agathōn amoiros; oudamōs, hōs gʼ eoiken. horas oun, ephē, hoti kai sy erōta ou theon nomizeis;ti oun an, ephēn, eiē ho Erōs; thnētos; hēkista ge. alla ti mēn; hōsper ta protera, ephē, metaxy thnētou kai athanatou. ti oun, ō Diotima; daimōn megas, ō Sōkrates

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 202 part 1; transliteration: greek-transliteration (build)

Share X Facebook