Languages

Work 2 · Passage 55

Work 2 · Passage 55

Plato

Greek

· τὸν δὲ λόγον τὸν περὶ τοῦ Ἔρωτος, ὅν ποτʼ ἤκουσα γυναικὸς Μαντινικῆς Διοτίμας, ἣ ταῦτά τε σοφὴ ἦν καὶ ἄλλα πολλά—καὶ Ἀθηναίοις ποτὲ θυσαμένοις πρὸ τοῦ λοιμοῦ δέκα ἔτη ἀναβολὴν ἐποίησε τῆς νόσου, ἣ δὴ καὶ ἐμὲ τὰ ἐρωτικὰ ἐδίδαξεν—ὃν οὖν ἐκείνη ἔλεγε λόγον, πειράσομαι ὑμῖν διελθεῖν ἐκ τῶν ὡμολογημένων ἐμοὶ καὶ Ἀγάθωνι, αὐτὸς ἐπʼ ἐμαυτοῦ, ὅπως ἂν δύνωμαι. δεῖ δή, ὦ Ἀγάθων, ὥσπερ σὺ διηγήσω, διελθεῖν αὐτὸν πρῶτον, τίς ἐστιν ὁ Ἔρως καὶ ποῖός τις, ἔπειτα τὰ ἔργα αὐτοῦ. δοκεῖ οὖν μοι ῥᾷστον εἶναι οὕτω διελθεῖν, ὥς ποτέ με ἡ ξένη ἀνακρίνουσα διῄει. σχεδὸν γάρ τι καὶ ἐγὼ πρὸς αὐτὴν ἕτερα τοιαῦτα ἔλεγον οἷάπερ νῦν πρὸς ἐμὲ Ἀγάθων, ὡς εἴη ὁ Ἔρως μέγας θεός, εἴη δὲ τῶν καλῶν· ἤλεγχε δή με τούτοις τοῖς λόγοις οἷσπερ ἐγὼ τοῦτον, ὡς οὔτε καλὸς εἴη κατὰ τὸν ἐμὸν λόγον οὔτε ἀγαθός. καὶ ἐγώ, πῶς λέγεις, ἔφην, ὦ Διοτίμα; αἰσχρὸς ἄρα ὁ Ἔρως ἐστὶ καὶ κακός; καὶ ἥ, οὐκ εὐφημήσεις; ἔφη· ἢ οἴει, ὅτι ἂν μὴ καλὸν ᾖ, ἀναγκαῖον αὐτὸ εἶναι αἰσχρόν;

Transliteration

ton de logon ton peri tou Erōtos, hon potʼ ēkousa gynaikos Mantinikēs Diotimas, hē tauta te sophē ēn kai alla polla—kai Athēnaiois pote thysamenois pro tou loimou deka etē anabolēn epoiēse tēs nosou, hē dē kai eme ta erōtika hedidaxen—on oun ekeinē elege logon, peirasomai hymin dielthein ek tōn hōmologēmenōn emoi kai Agathōni, autos epʼ emautou, hopōs an dynōmai. dei dē, ō Agathōn, hōsper sy diēgēsō, dielthein auton prōton, tis estin ho Erōs kai poios tis, epeita ta erga autou. dokei oun moi rhaston einai houtō dielthein, hōs pote me hē xenē anakrinousa diēei. schedon gar ti kai egō pros autēn hetera toiauta elegon hoiaper nyn pros eme Agathōn, hōs eiē ho Erōs megas theos, eiē de tōn kalōn ēlenche dē me toutois tois logois hoisper egō touton, hōs oute kalos eiē kata ton emon logon oute agathos. kai egō, pōs legeis, ephēn, ō Diotima; aischros ara ho Erōs esti kai kakos; kai hē, ouk euphēmēseis; ephē ē oiei, hoti an mē kalon ē, anankaion auto einai aischron;

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 201 part 2; transliteration: greek-transliteration (build)

Share X Facebook