Languages

Work 2 · Passage 69

Work 2 · Passage 69

Plato

Greek

οἱ μὲν οὖν ἐγκύμονες, ἔφη, κατὰ τὰ σώματα ὄντες πρὸς τὰς γυναῖκας μᾶλλον τρέπονται καὶ ταύτῃ ἐρωτικοί εἰσιν, διὰ παιδογονίας ἀθανασίαν καὶ μνήμην καὶ εὐδαιμονίαν, ὡς οἴονται, αὑτοῖς εἰς τὸν ἔπειτα χρόνον πάντα ποριζόμενοι· οἱ δὲ κατὰ τὴν ψυχήν—εἰσὶ γὰρ οὖν, ἔφη, οἳ ἐν ταῖς ψυχαῖς κυοῦσιν ἔτι μᾶλλον ἢ ἐν τοῖς σώμασιν, ἃ ψυχῇ προσήκει καὶ κυῆσαι καὶ τεκεῖν· τί οὖν προσήκει; φρόνησίν τε καὶ τὴν ἄλλην ἀρετήν—ὧν δή εἰσι καὶ οἱ ποιηταὶ πάντες γεννήτορες καὶ τῶν δημιουργῶν ὅσοι λέγονται εὑρετικοὶ εἶναι· πολὺ δὲ μεγίστη, ἔφη, καὶ καλλίστη τῆς φρονήσεως ἡ περὶ τὰ τῶν πόλεών τε καὶ οἰκήσεων διακόσμησις, ᾗ δὴ ὄνομά ἐστι σωφροσύνη τε καὶ δικαιοσύνη—τούτων δʼ αὖ ὅταν τις ἐκ νέου ἐγκύμων ᾖ τὴν ψυχήν, ᾔθεος ὢν καὶ ἡκούσης τῆς ἡλικίας, τίκτειν τε καὶ γεννᾶν ἤδη ἐπιθυμῇ, ζητεῖ δὴ οἶμαι καὶ οὗτος περιιὼν τὸ καλὸν ἐν ᾧ ἂν γεννήσειεν· ἐν τῷ γὰρ αἰσχρῷ οὐδέποτε γεννήσει. τά τε οὖν σώματα τὰ καλὰ μᾶλλον ἢ τὰ αἰσχρὰ ἀσπάζεται ἅτε κυῶν, καὶ ἂν ἐντύχῃ ψυχῇ καλῇ καὶ γενναίᾳ καὶ εὐφυεῖ, πάνυ δὴ ἀσπάζεται τὸ συναμφότερον, καὶ πρὸς τοῦτον τὸν ἄνθρωπον εὐθὺς εὐπορεῖ λόγων περὶ ἀρετῆς καὶ περὶ οἷον χρὴ εἶναι τὸν ἄνδρα τὸν ἀγαθὸν καὶ ἃ ἐπιτηδεύειν, καὶ ἐπιχειρεῖ παιδεύειν. ἁπτόμενος γὰρ οἶμαι τοῦ καλοῦ καὶ ὁμιλῶν αὐτῷ, ἃ πάλαι ἐκύει τίκτει καὶ γεννᾷ, καὶ παρὼν καὶ ἀπὼν μεμνημένος, καὶ τὸ γεννηθὲν συνεκτρέφει κοινῇ μετʼ ἐκείνου, ὥστε πολὺ μείζω κοινωνίαν τῆς τῶν παίδων πρὸς ἀλλήλους οἱ τοιοῦτοι ἴσχουσι καὶ φιλίαν βεβαιοτέραν, ἅτε καλλιόνων καὶ ἀθανατωτέρων παίδων κεκοινωνηκότες. καὶ πᾶς ἂν δέξαιτο ἑαυτῷ τοιούτους παῖδας μᾶλλον γεγονέναι ἢ τοὺς ἀνθρωπίνους, καὶ εἰς Ὅμηρον ἀποβλέψας καὶ Ἡσίοδον καὶ τοὺς ἄλλους ποιητὰς τοὺς ἀγαθοὺς ζηλῶν, οἷα ἔκγονα ἑαυτῶν καταλείπουσιν, ἃ ἐκείνοις ἀθάνατον κλέος καὶ μνήμην παρέχεται αὐτὰ τοιαῦτα ὄντα

Transliteration

hoi men oun enkymones, ephē, kata ta sōmata ontes pros tas gynaikas mallon trepontai kai tautē erōtikoi eisin, dia paidogonias athanasian kai mnēmēn kai eudaimonian, hōs oiontai, hautois eis ton epeita chronon panta porizomenoi hoi de kata tēn psychēn—eisi gar oun, ephē, hoi en tais psychais kyousin eti mallon ē en tois sōmasin, ha psychē prosēkei kai kyēsai kai tekein ti oun prosēkei; phronēsin te kai tēn allēn haretēn—ōn dē eisi kai hoi poiētai pantes gennētores kai tōn dēmiourgōn hosoi legontai heuretikoi einai poly de megistē, ephē, kai kallistē tēs phronēseōs hē peri ta tōn poleōn te kai oikēseōn diakosmēsis, hē dē onoma esti sōphrosynē te kai dikaiosynē—toutōn dʼ au hotan tis ek neou enkymōn ē tēn psychēn, ētheos ōn kai hēkousēs tēs hēlikias, tiktein te kai gennan ēdē epithymē, zētei dē oimai kai houtos periiōn to kalon en hō an gennēseien en tō gar aischrō oudepote gennēsei. ta te oun sōmata ta kala mallon ē ta aischra aspazetai hate kyōn, kai an entychē psychē kalē kai gennaia kai euphyei, pany dē aspazetai to synamphoteron, kai pros touton ton anthrōpon euthys euporei logōn peri aretēs kai peri hoion chrē einai ton andra ton agathon kai ha epitēdeuein, kai epicheirei paideuein. haptomenos gar oimai tou kalou kai homilōn autō, ha palai ekyei tiktei kai genna, kai parōn kai apōn memnēmenos, kai to gennēthen synektrephei koinē metʼ ekeinou, hōste poly meizō koinōnian tēs tōn paidōn pros allēlous hoi toioutoi ischousi kai philian bebaioteran, hate kallionōn kai athanatōterōn paidōn kekoinōnēkotes. kai pas an dexaito heautō toioutoys paidas mallon gegonenai ē tous anthrōpinous, kai eis hOmēron apoblepsas kai hĒsiodon kai tous allous poiētas tous agathous zēlōn, hoia ekgona heautōn kataleipousin, ha ekeinois athanaton kleos kai mnēmēn parechetai auta toiauta onta

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 209 part 1; transliteration: greek-transliteration (build)

Share X Facebook