Work 2 · Passage 76
Plato
Greek
ἆρα καταγελάσεσθέ μου ὡς μεθύοντος; ἐγὼ δέ, κἂν ὑμεῖς γελᾶτε, ὅμως εὖ οἶδʼ ὅτι ἀληθῆ λέγω. ἀλλά μοι λέγετε αὐτόθεν, ἐπὶ ῥητοῖς εἰσίω ἢ μή; συμπίεσθε ἢ οὔ; πάντας οὖν ἀναθορυβῆσαι καὶ κελεύειν εἰσιέναι καὶ κατακλίνεσθαι, καὶ τὸν Ἀγάθωνα καλεῖν αὐτόν. καὶ τὸν ἰέναι ἀγόμενον ὑπὸ τῶν ἀνθρώπων, καὶ περιαιρούμενον ἅμα τὰς ταινίας ὡς ἀναδήσοντα, ἐπίπροσθε τῶν ὀφθαλμῶν ἔχοντα οὐ κατιδεῖν τὸν Σωκράτη, ἀλλὰ καθίζεσθαι παρὰ τὸν Ἀγάθωνα ἐν μέσῳ Σωκράτους τε καὶ ἐκείνου· παραχωρῆσαι γὰρ τὸν Σωκράτη ὡς ἐκεῖνον κατιδεῖν. παρακαθεζόμενον δὲ αὐτὸν ἀσπάζεσθαί τε τὸν Ἀγάθωνα καὶ ἀναδεῖν. εἰπεῖν οὖν τὸν Ἀγάθωνα Ὑπολύετε, παῖδες, Ἀλκιβιάδην, ἵνα ἐκ τρίτων κατακέηται. πάνυ γε, εἰπεῖν τὸν Ἀλκιβιάδην· ἀλλὰ τίς ἡμῖν ὅδε τρίτος συμπότης; καὶ ἅμα μεταστρεφόμενον αὐτὸν ὁρᾶν τὸν Σωκράτη, ἰδόντα δὲ ἀναπηδῆσαι καὶ εἰπεῖν ὦ Ἡράκλεις, τουτὶ τί ἦν; Σωκράτης οὗτος; ἐλλοχῶν αὖ με ἐνταῦθα κατέκεισο, ὥσπερ εἰώθεις ἐξαίφνης ἀναφαίνεσθαι ὅπου ἐγὼ ᾤμην ἥκιστά σε ἔσεσθαι. καὶ νῦν τί ἥκεις; καὶ τί αὖ ἐνταῦθα κατεκλίνης; ὡς οὐ παρὰ Ἀριστοφάνει οὐδὲ εἴ τις ἄλλος γελοῖος ἔστι τε καὶ βούλεται, ἀλλὰ διεμηχανήσω ὅπως παρὰ τῷ καλλίστῳ τῶν ἔνδον κατακείσῃ. καὶ τὸν Σωκράτη, Ἀγάθων, φάναι, ὅρα εἴ μοι ἐπαμύνεις· ὡς ἐμοὶ ὁ τούτου ἔρως τοῦ ἀνθρώπου οὐ φαῦλον πρᾶγμα γέγονεν. ἀπʼ ἐκείνου γὰρ τοῦ χρόνου, ἀφʼ οὗ τούτου ἠράσθην, οὐκέτι ἔξεστίν μοι οὔτε προσβλέψαι οὔτε διαλεχθῆναι καλῷ οὐδʼ ἑνί, ἢ οὑτοσὶ ζηλοτυπῶν με καὶ φθονῶν θαυμαστὰ ἐργάζεται καὶ λοιδορεῖταί τε καὶ τὼ χεῖρε μόγις ἀπέχεται. ὅρα οὖν μή τι καὶ νῦν ἐργάσηται, ἀλλὰ διάλλαξον ἡμᾶς, ἢ ἐὰν ἐπιχειρῇ βιάζεσθαι, ἐπάμυνε, ὡς ἐγὼ τὴν τούτου μανίαν τε καὶ φιλεραστίαν πάνυ ὀρρωδῶ. ἀλλʼ οὐκ ἔστι, φάναι τὸν Ἀλκιβιάδην, ἐμοὶ καὶ σοὶ διαλλαγή. ἀλλὰ τούτων μὲν εἰς αὖθίς σε τιμωρήσομαι
Transliteration
ara katagelasesthe mou hōs methyontos; egō de, kan hymeis gelate, homōs eu oidʼ hoti alēthē legō. alla moi legete autothen, epi rhētois eisiō ē mē; sympiesthe ē ou; pantas oun anathorybēsai kai keleuein eisienai kai kataklinesthai, kai ton Agathōna kalein auton. kai ton ienai agomenon hypo tōn anthrōpōn, kai periairoumenon hama tas tainias hōs anadēsonta, epiprosthe tōn ophthalmōn echonta ou katidein ton Sōkratē, alla kathizesthai para ton Agathōna en mesō Sōkratous te kai ekeinou parachōrēsai gar ton Sōkratē hōs ekeinon katidein. parakathezomenon de auton aspazesthai te ton Agathōna kai anadein. eipein oun ton Agathōna hYpolyete, paides, Alkibiadēn, hina ek tritōn katakeētai. pany ge, eipein ton Alkibiadēn alla tis hēmin hode tritos sympotēs; kai hama metastrephomenon auton horan ton Sōkratē, idonta de anapēdēsai kai eipein ō hĒrakleis, touti ti ēn; Sōkratēs houtos; ellochōn au me entautha katekeiso, hōsper eiōtheis exaiphnēs anaphainesthai hopou egō ōmēn hēkista se esesthai. kai nyn ti hēkeis; kai ti au entautha kateklinēs; hōs ou para Aristophanei oude ei tis allos geloios esti te kai bouletai, alla diemēchanēsō hopōs para tō kallistō tōn endon katakeisē. kai ton Sōkratē, Agathōn, phanai, hora ei moi epamyneis hōs emoi ho toutoy erōs tou anthrōpou ou phaulon pragma gegonen. apʼ ekeinou gar tou chronou, aphʼ hou toutoy ērasthēn, ouketi exestin moi oute prosblepsai oute dialechthēnai kalō oudʼ heni, ē houtosi zēlotypōn me kai phthonōn thaumasta ergazetai kai loidoreitai te kai tō cheire mogis apechetai. hora oun mē ti kai nyn ergasētai, alla diallaxon hēmas, ē ean epicheirē biazesthai, epamyne, hōs egō tēn toutoy manian te kai philerastian pany orrhōdō. allʼ ouk esti, phanai ton Alkibiadēn, emoi kai soi diallagē. alla toutōn men eis authis se timōrēsomai
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 213 part 1; transliteration: greek-transliteration (build)