Work 2 · Passage 77
Plato
Greek
· νῦν δέ μοι, Ἀγάθων, φάναι, μετάδος τῶν ταινιῶν, ἵνα ἀναδήσω καὶ τὴν τούτου ταυτηνὶ τὴν θαυμαστὴν κεφαλήν, καὶ μή μοι μέμφηται ὅτι σὲ μὲν ἀνέδησα, αὐτὸν δὲ νικῶντα ἐν λόγοις πάντας ἀνθρώπους, οὐ μόνον πρῴην ὥσπερ σύ, ἀλλʼ ἀεί, ἔπειτα οὐκ ἀνέδησα. καὶ ἅμʼ αὐτὸν λαβόντα τῶν ταινιῶν ἀναδεῖν τὸν Σωκράτη καὶ κατακλίνεσθαι. ἐπειδὴ δὲ κατεκλίνη, εἰπεῖν· εἶεν δή, ἄνδρες· δοκεῖτε γάρ μοι νήφειν. οὐκ ἐπιτρεπτέον οὖν ὑμῖν, ἀλλὰ ποτέον· ὡμολόγηται γὰρ ταῦθʼ ἡμῖν. ἄρχοντα οὖν αἱροῦμαι τῆς πόσεως, ἕως ἂν ὑμεῖς ἱκανῶς πίητε, ἐμαυτόν. ἀλλὰ φερέτω, Ἀγάθων, εἴ τι ἔστιν ἔκπωμα μέγα.
Transliteration
nyn de moi, Agathōn, phanai, metados tōn tainiōn, hina anadēsō kai tēn toutoy tautēni tēn thaumastēn kephalēn, kai mē moi memphētai hoti se men anedēsa, auton de nikōnta en logois pantas anthrōpous, ou monon prōēn hōsper sy, allʼ aei, epeita ouk anedēsa. kai hamʼ auton labonta tōn tainiōn anadein ton Sōkratē kai kataklinesthai. epeidē de kateklinē, eipein eien dē, andres dokeite gar moi nēphein. ouk epitrepteon oun hymin, alla poteon hōmologētai gar tauthʼ hēmin. archonta oun hairoumai tēs poseōs, heōs an hymeis hikanōs piēte, emauton. alla pheretō, Agathōn, ei ti estin ekpōma mega.
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 213 part 2; transliteration: greek-transliteration (build)