Languages

Work 2 · Passage 78

Work 2 · Passage 78

Plato

Greek

μᾶλλον δὲ οὐδὲν δεῖ, ἀλλὰ φέρε, παῖ, φάναι, τὸν ψυκτῆρα ἐκεῖνον, ἰδόντα αὐτὸν πλέον ἢ ὀκτὼ κοτύλας χωροῦντα. τοῦτον ἐμπλησάμενον πρῶτον μὲν αὐτὸν ἐκπιεῖν, ἔπειτα τῷ Σωκράτει κελεύειν ἐγχεῖν καὶ ἅμα εἰπεῖν· πρὸς μὲν Σωκράτη, ὦ ἄνδρες, τὸ σόφισμά μοι οὐδέν· ὁπόσον γὰρ ἂν κελεύῃ τις, τοσοῦτον ἐκπιὼν οὐδὲν μᾶλλον μή ποτε μεθυσθῇ. τὸν μὲν οὖν Σωκράτη ἐγχέαντος τοῦ παιδὸς πίνειν· τὸν δʼ Ἐρυξίμαχον πῶς οὖν, φάναι, ὦ Ἀλκιβιάδη, ποιοῦμεν; οὕτως οὔτε τι λέγομεν ἐπὶ τῇ κύλικι οὔτε τι ᾁδομεν, ἀλλʼ ἀτεχνῶς ὥσπερ οἱ διψῶντες πιόμεθα; τὸν οὖν Ἀλκιβιάδην εἰπεῖν ὦ Ἐρυξίμαχε, βέλτιστε βελτίστου πατρὸς καὶ σωφρονεστάτου, χαῖρε. καὶ γὰρ σύ, φάναι τὸν Ἐρυξίμαχον· ἀλλὰ τί ποιῶμεν; ὅτι ἂν σὺ κελεύῃς. δεῖ γάρ σοι πείθεσθαι· ἰητρὸς γὰρ ἀνὴρ πολλῶν ἀντάξιος ἄλλων· Hom. Il. 11.514 ἐπίταττε οὖν ὅτι βούλει. ἄκουσον δή, εἰπεῖν τὸν Ἐρυξίμαχον. ἡμῖν πρὶν σὲ εἰσελθεῖν ἔδοξε χρῆναι ἐπὶ δεξιὰ ἕκαστον ἐν μέρει λόγον περὶ Ἔρωτος εἰπεῖν ὡς δύναιτο κάλλιστον, καὶ ἐγκωμιάσαι. οἱ μὲν οὖν ἄλλοι πάντες ἡμεῖς εἰρήκαμεν· σὺ δʼ ἐπειδὴ οὐκ εἴρηκας καὶ ἐκπέπωκας, δίκαιος εἶ εἰπεῖν, εἰπὼν δὲ ἐπιτάξαι Σωκράτει ὅτι ἂν βούλῃ, καὶ τοῦτον τῷ ἐπὶ δεξιὰ καὶ οὕτω τοὺς ἄλλους. ἀλλά, φάναι, ὦ Ἐρυξίμαχε, τὸν Ἀλκιβιάδην, καλῶς μὲν λέγεις, μεθύοντα δὲ ἄνδρα παρὰ νηφόντων λόγους παραβάλλειν μὴ οὐκ ἐξ ἴσου ᾖ. καὶ ἅμα, ὦ μακάριε, πείθει τί σε Σωκράτης ὧν ἄρτι εἶπεν; ἢ οἶσθα ὅτι τοὐναντίον ἐστὶ πᾶν ἢ ὃ ἔλεγεν; οὗτος γάρ, ἐάν τινα ἐγὼ ἐπαινέσω τούτου παρόντος ἢ θεὸν ἢ ἄνθρωπον ἄλλον ἢ τοῦτον, οὐκ ἀφέξεταί μου τὼ χεῖρε. οὐκ εὐφημήσεις; φάναι τὸν Σωκράτη. μὰ τὸν Ποσειδῶ, εἰπεῖν τὸν Ἀλκιβιάδην, μηδὲν λέγε πρὸς ταῦτα, ὡς ἐγὼ οὐδʼ ἂν ἕνα ἄλλον ἐπαινέσαιμι σοῦ παρόντος. ἀλλʼ οὕτω ποίει, φάναι τὸν Ἐρυξίμαχον, εἰ βούλει· Σωκράτη ἐπαίνεσον. πῶς λέγεις; εἰπεῖν τὸν Ἀλκιβιάδην

Transliteration

mallon de ouden dei, alla phere, pai, phanai, ton psyktēra ekeinon, idonta auton pleon ē oktō kotylas chōrounta. touton emplēsamenon prōton men auton ekpiein, epeita tō Sōkratei keleuein enchein kai hama eipein pros men Sōkratē, ō andres, to sophisma moi ouden hoposon gar an keleuē tis, tosouton ekpiōn ouden mallon mē pote methysthē. ton men oun Sōkratē encheantos tou paidos pinein ton dʼ Eryximachon pōs oun, phanai, ō Alkibiadē, poioumen; houtōs oute ti legomen epi tē kyliki oute ti hadomen, allʼ atechnōs hōsper hoi dipsōntes piometha; ton oun Alkibiadēn eipein ō Eryximache, beltiste beltistou patros kai sōphronestatou, chaire. kai gar sy, phanai ton Eryximachon alla ti poiōmen; hoti an sy keleuēs. dei gar soi peithesthai iētros gar anēr pollōn antaxios allōn Hom. Il. 11.514 epitatte oun hoti boulei. akouson dē, eipein ton Eryximachon. hēmin prin se eiselthein edoxe chrēnai epi dexia hekaston en merei logon peri Erōtos eipein hōs dynaito kalliston, kai enkōmiasai. hoi men oun alloi pantes hēmeis eirēkamen sy dʼ epeidē ouk eirēkas kai ekpepōkas, dikaios ei eipein, eipōn de epitaxai Sōkratei hoti an boulē, kai touton tō epi dexia kai houtō tous allous. alla, phanai, ō Eryximache, ton Alkibiadēn, kalōs men legeis, methyonta de andra para nēphontōn logous paraballein mē ouk ex isou ē. kai hama, ō makarie, peithei ti se Sōkratēs hōn arti eipen; ē oistha hoti tounantion esti pan ē ho elegen; houtos gar, ean tina egō epainesō toutoy parontos ē theon ē anthrōpon allon ē touton, ouk aphexetai mou tō cheire. ouk euphēmēseis; phanai ton Sōkratē. ma ton Poseidō, eipein ton Alkibiadēn, mēden lege pros tauta, hōs egō oudʼ an hena allon epainesaimi sou parontos. allʼ houtō poiei, phanai ton Eryximachon, ei boulei Sōkratē epaineson. pōs legeis; eipein ton Alkibiadēn

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 214 part 1; transliteration: greek-transliteration (build)

Share X Facebook