Languages

Work 2 · Passage 80

Work 2 · Passage 80

Plato

Greek

ἐάν τι μὴ ἀληθὲς λέγω, μεταξὺ ἐπιλαβοῦ, ἂν βούλῃ, καὶ εἰπὲ ὅτι τοῦτο ψεύδομαι· ἑκὼν γὰρ εἶναι οὐδὲν ψεύσομαι. ἐὰν μέντοι ἀναμιμνῃσκόμενος ἄλλο ἄλλοθεν λέγω, μηδὲν θαυμάσῃς· οὐ γάρ τι ῥᾴδιον τὴν σὴν ἀτοπίαν ὧδʼ ἔχοντι εὐπόρως καὶ ἐφεξῆς καταριθμῆσαι. Σωκράτη δʼ ἐγὼ ἐπαινεῖν, ὦ ἄνδρες, οὕτως ἐπιχειρήσω, διʼ εἰκόνων. οὗτος μὲν οὖν ἴσως οἰήσεται ἐπὶ τὰ γελοιότερα, ἔσται δʼ ἡ εἰκὼν τοῦ ἀληθοῦς ἕνεκα, οὐ τοῦ γελοίου. φημὶ γὰρ δὴ ὁμοιότατον αὐτὸν εἶναι τοῖς σιληνοῖς τούτοις τοῖς ἐν τοῖς ἑρμογλυφείοις καθημένοις, οὕστινας ἐργάζονται οἱ δημιουργοὶ σύριγγας ἢ αὐλοὺς ἔχοντας, οἳ διχάδε διοιχθέντες φαίνονται ἔνδοθεν ἀγάλματα ἔχοντες θεῶν. καὶ φημὶ αὖ ἐοικέναι αὐτὸν τῷ σατύρῳ τῷ Μαρσύᾳ. ὅτι μὲν οὖν τό γε εἶδος ὅμοιος εἶ τούτοις, ὦ Σώκρατες, οὐδʼ αὐτὸς ἄν που ἀμφισβητήσαις· ὡς δὲ καὶ τἆλλα ἔοικας, μετὰ τοῦτο ἄκουε. ὑβριστὴς εἶ· ἢ οὔ; ἐὰν γὰρ μὴ ὁμολογῇς, μάρτυρας παρέξομαι. ἀλλʼ οὐκ αὐλητής; πολύ γε θαυμασιώτερος ἐκείνου. ὁ μέν γε διʼ ὀργάνων ἐκήλει τοὺς ἀνθρώπους τῇ ἀπὸ τοῦ στόματος δυνάμει, καὶ ἔτι νυνὶ ὃς ἂν τὰ ἐκείνου αὐλῇ—ἃ γὰρ Ὄλυμπος ηὔλει, Μαρσύου λέγω, τούτου διδάξαντος—τὰ οὖν ἐκείνου ἐάντε ἀγαθὸς αὐλητὴς αὐλῇ ἐάντε φαύλη αὐλητρίς, μόνα κατέχεσθαι ποιεῖ καὶ δηλοῖ τοὺς τῶν θεῶν τε καὶ τελετῶν δεομένους διὰ τὸ θεῖα εἶναι. σὺ δʼ ἐκείνου τοσοῦτον μόνον διαφέρεις, ὅτι ἄνευ ὀργάνων ψιλοῖς λόγοις ταὐτὸν τοῦτο ποιεῖς. ἡμεῖς γοῦν ὅταν μέν του ἄλλου ἀκούωμεν λέγοντος καὶ πάνυ ἀγαθοῦ ῥήτορος ἄλλους λόγους, οὐδὲν μέλει ὡς ἔπος εἰπεῖν οὐδενί

Transliteration

ean ti mē alēthes legō, metaxy epilabou, an boulē, kai eipe hoti touto pseudomai hekōn gar einai ouden pseusomai. ean mentoi anamimnēskomenos allo allothen legō, mēden thaumasēs ou gar ti rhadion tēn sēn atopian hōdʼ echonti euporōs kai ephexēs katarithmēsai. Sōkratē dʼ egō epainein, ō andres, houtōs epicheirēsō, diʼ eikonōn. houtos men oun isōs oiēsetai epi ta geloiotera, estai dʼ hē eikōn tou alēthous heneka, ou tou geloiou. phēmi gar dē homoiotaton auton einai tois silēnois toutois tois en tois hermoglypheiois kathēmenois, houstinas ergazontai hoi dēmiourgoi syringas ē aulous echontas, hoi dichade dioichthentes phainontai endothen agalmata echontes theōn. kai phēmi au eoikenai auton tō satyrō tō Marsya. hoti men oun to ge eidos homoios ei toutois, ō Sōkrates, oudʼ autos an pou amphisbētēsais hōs de kai talla eoikas, meta touto akoue. hybristēs ei ē ou; ean gar mē homologēs, martyras parexomai. allʼ ouk aulētēs; poly ge thaumasiōteros ekeinou. ho men ge diʼ organōn ekēlei tous anthrōpous tē apo tou stomatos dynamei, kai eti nyni hos an ta ekeinou haulē—a gar Olympos ēulei, Marsyou legō, toutoy didaxantos—ta oun ekeinou eante agathos aulētēs aulē eante phaulē aulētris, mona katechesthai poiei kai dēloi tous tōn theōn te kai teletōn deomenous dia to theia einai. sy dʼ ekeinou tosouton monon diaphereis, hoti aneu organōn psilois logois tauton touto poieis. hēmeis goun hotan men tou allou akouōmen legontos kai pany agathou rhētoros allous logous, ouden melei hōs epos eipein oudeni

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 215 part 1; transliteration: greek-transliteration (build)

Share X Facebook