Work 2 · Passage 81
Plato
Greek
· ἐπειδὰν δὲ σοῦ τις ἀκούῃ ἢ τῶν σῶν λόγων ἄλλου λέγοντος, κἂν πάνυ φαῦλος ᾖ ὁ λέγων, ἐάντε γυνὴ ἀκούῃ ἐάντε ἀνὴρ ἐάντε μειράκιον, ἐκπεπληγμένοι ἐσμὲν καὶ κατεχόμεθα. ἐγὼ γοῦν, ὦ ἄνδρες, εἰ μὴ ἔμελλον κομιδῇ δόξειν μεθύειν, εἶπον ὀμόσας ἂν ὑμῖν οἷα δὴ πέπονθα αὐτὸς ὑπὸ τῶν τούτου λόγων καὶ πάσχω ἔτι καὶ νυνί. ὅταν γὰρ ἀκούω, πολύ μοι μᾶλλον ἢ τῶν κορυβαντιώντων ἥ τε καρδία πηδᾷ καὶ δάκρυα ἐκχεῖται ὑπὸ τῶν λόγων τῶν τούτου, ὁρῶ δὲ καὶ ἄλλους παμπόλλους τὰ αὐτὰ πάσχοντας· Περικλέους δὲ ἀκούων καὶ ἄλλων ἀγαθῶν ῥητόρων εὖ μὲν ἡγούμην λέγειν, τοιοῦτον δʼ οὐδὲν ἔπασχον, οὐδʼ ἐτεθορύβητό μου ἡ ψυχὴ οὐδʼ ἠγανάκτει ὡς ἀνδραποδωδῶς διακειμένου, ἀλλʼ ὑπὸ τουτουῒ τοῦ Μαρσύου πολλάκις δὴ οὕτω διετέθην ὥστε μοι δόξαι μὴ βιωτὸν εἶναι ἔχοντι ὡς ἔχω.
Transliteration
epeidan de sou tis akouē ē tōn sōn logōn allou legontos, kan pany phaulos ē ho legōn, eante gynē akouē eante anēr eante meirakion, ekpeplēgmenoi esmen kai katechometha. egō goun, ō andres, ei mē emellon komidē doxein methyein, eipon omosas an hymin hoia dē pepontha autos hypo tōn toutoy logōn kai paschō eti kai nyni. hotan gar akouō, poly moi mallon ē tōn korybantiōntōn hē te kardia pēda kai dakrya ekcheitai hypo tōn logōn tōn toutoy, horō de kai allous pampollous ta auta paschontas Perikleous de akouōn kai allōn agathōn rhētorōn eu men hēgoumēn legein, toiouton dʼ ouden epaschon, oudʼ etethorybēto mou hē psychē oudʼ ēganaktei hōs andrapodōdōs diakeimenou, allʼ hypo toutoyi tou Marsyou pollakis dē houtō dietethēn hōste moi doxai mē biōton einai echonti hōs echō.
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 215 part 2; transliteration: greek-transliteration (build)