Languages

Work 2 · Passage 83

Work 2 · Passage 83

Plato

Greek

σπουδάσαντος δὲ αὐτοῦ καὶ ἀνοιχθέντος οὐκ οἶδα εἴ τις ἑώρακεν τὰ ἐντὸς ἀγάλματα· ἀλλʼ ἐγὼ ἤδη ποτʼ εἶδον, καί μοι ἔδοξεν οὕτω θεῖα καὶ χρυσᾶ εἶναι καὶ πάγκαλα καὶ θαυμαστά, ὥστε ποιητέον εἶναι ἔμβραχυ ὅτι κελεύοι Σωκράτης. ἡγούμενος δὲ αὐτὸν ἐσπουδακέναι ἐπὶ τῇ ἐμῇ ὥρᾳ ἕρμαιον ἡγησάμην εἶναι καὶ εὐτύχημα ἐμὸν θαυμαστόν, ὡς ὑπάρχον μοι χαρισαμένῳ Σωκράτει πάντʼ ἀκοῦσαι ὅσαπερ οὗτος ᾔδει· ἐφρόνουν γὰρ δὴ ἐπὶ τῇ ὥρᾳ θαυμάσιον ὅσον. ταῦτα οὖν διανοηθείς, πρὸ τοῦ οὐκ εἰωθὼς ἄνευ ἀκολούθου μόνος μετʼ αὐτοῦ γίγνεσθαι, τότε ἀποπέμπων τὸν ἀκόλουθον μόνος συνεγιγνόμην—δεῖ γὰρ πρὸς ὑμᾶς πάντα τἀληθῆ εἰπεῖν· ἀλλὰ προσέχετε τὸν νοῦν, καὶ εἰ ψεύδομαι, Σώκρατες, ἐξέλεγχε—συνεγιγνόμην γάρ, ὦ ἄνδρες, μόνος μόνῳ, καὶ ᾤμην αὐτίκα διαλέξεσθαι αὐτόν μοι ἅπερ ἂν ἐραστὴς παιδικοῖς ἐν ἐρημίᾳ διαλεχθείη, καὶ ἔχαιρον. τούτων δʼ οὐ μάλα ἐγίγνετο οὐδέν, ἀλλʼ ὥσπερ εἰώθει διαλεχθεὶς ἄν μοι καὶ συνημερεύσας ᾤχετο ἀπιών. μετὰ ταῦτα συγγυμνάζεσθαι προυκαλούμην αὐτὸν καὶ συνεγυμναζόμην, ὥς τι ἐνταῦθα περανῶν. συνεγυμνάζετο οὖν μοι καὶ προσεπάλαιεν πολλάκις οὐδενὸς παρόντος· καὶ τί δεῖ λέγειν; οὐδὲν γάρ μοι πλέον ἦν. ἐπειδὴ δὲ οὐδαμῇ ταύτῃ ἥνυτον, ἔδοξέ μοι ἐπιθετέον εἶναι τῷ ἀνδρὶ κατὰ τὸ καρτερὸν καὶ οὐκ ἀνετέον, ἐπειδήπερ ἐνεκεχειρήκη, ἀλλὰ ἰστέον ἤδη τί ἐστι τὸ πρᾶγμα. προκαλοῦμαι δὴ αὐτὸν πρὸς τὸ συνδειπνεῖν, ἀτεχνῶς ὥσπερ ἐραστὴς παιδικοῖς ἐπιβουλεύων. καί μοι οὐδὲ τοῦτο ταχὺ ὑπήκουσεν, ὅμως δʼ οὖν χρόνῳ ἐπείσθη. ἐπειδὴ δὲ ἀφίκετο τὸ πρῶτον, δειπνήσας ἀπιέναι ἐβούλετο. καὶ τότε μὲν αἰσχυνόμενος ἀφῆκα αὐτόν

Transliteration

spoudasantos de autou kai anoichthentos ouk oida ei tis heōraken ta entos agalmata allʼ egō ēdē potʼ eidon, kai moi edoxen houtō theia kai chrysa einai kai pankala kai thaumasta, hōste poiēteon einai embrachy hoti keleuoi Sōkratēs. hēgoumenos de auton espoudakenai epi tē emē hōra hermaion hēgēsamēn einai kai eutychēma emon thaumaston, hōs hyparchon moi charisamenō Sōkratei pantʼ akousai hosaper houtos ēdei ephronoun gar dē epi tē hōra thaumasion hoson. tauta oun dianoētheis, pro tou ouk eiōthōs aneu akolouthoy monos metʼ autou gignesthai, tote apopempōn ton akolouthon monos synegignomēn—dei gar pros hymas panta talēthē eipein alla prosechete ton noun, kai ei pseudomai, Sōkrates, exelenche—synegignomēn gar, ō andres, monos monō, kai ōmēn autika dialexesthai auton moi haper an erastēs paidikois en erēmia dialechtheiē, kai echairon. toutōn dʼ ou mala egigneto ouden, allʼ hōsper eiōthei dialechtheis an moi kai synēmereusas ōcheto apiōn. meta tauta syngymnazesthai proukaloymēn auton kai synegymnazomēn, hōs ti entautha peranōn. synegymnazeto oun moi kai prosepalaien pollakis oudenos parontos kai ti dei legein; ouden gar moi pleon ēn. epeidē de oudamē tautē hēnyton, edoxe moi epitheteon einai tō andri kata to karteron kai ouk aneteon, epeidēper enekecheirēkē, alla isteon ēdē ti esti to pragma. prokaloumai dē auton pros to syndeipnein, atechnōs hōsper erastēs paidikois epibouleuōn. kai moi oude touto tachy hypēkousen, homōs dʼ oun chronō epeisthē. epeidē de aphiketo to prōton, deipnēsas apienai ebouleto. kai tote men aischynomenos aphēka auton

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 217 part 1; transliteration: greek-transliteration (build)

Share X Facebook