Work 2 · Passage 82
Plato
Greek
καὶ ταῦτα, ὦ Σώκρατες, οὐκ ἐρεῖς ὡς οὐκ ἀληθῆ. καὶ ἔτι γε νῦν σύνοιδʼ ἐμαυτῷ ὅτι εἰ ἐθέλοιμι παρέχειν τὰ ὦτα, οὐκ ἂν καρτερήσαιμι ἀλλὰ ταὐτὰ ἂν πάσχοιμι. ἀναγκάζει γάρ με ὁμολογεῖν ὅτι πολλοῦ ἐνδεὴς ὢν αὐτὸς ἔτι ἐμαυτοῦ μὲν ἀμελῶ, τὰ δʼ Ἀθηναίων πράττω. βίᾳ οὖν ὥσπερ ἀπὸ τῶν Σειρήνων ἐπισχόμενος τὰ ὦτα οἴχομαι φεύγων, ἵνα μὴ αὐτοῦ καθήμενος παρὰ τούτῳ καταγηράσω. πέπονθα δὲ πρὸς τοῦτον μόνον ἀνθρώπων, ὃ οὐκ ἄν τις οἴοιτο ἐν ἐμοὶ ἐνεῖναι, τὸ αἰσχύνεσθαι ὁντινοῦν· ἐγὼ δὲ τοῦτον μόνον αἰσχύνομαι. σύνοιδα γὰρ ἐμαυτῷ ἀντιλέγειν μὲν οὐ δυναμένῳ ὡς οὐ δεῖ ποιεῖν ἃ οὗτος κελεύει, ἐπειδὰν δὲ ἀπέλθω, ἡττημένῳ τῆς τιμῆς τῆς ὑπὸ τῶν πολλῶν. δραπετεύω οὖν αὐτὸν καὶ φεύγω, καὶ ὅταν ἴδω, αἰσχύνομαι τὰ ὡμολογημένα. καὶ πολλάκις μὲν ἡδέως ἂν ἴδοιμι αὐτὸν μὴ ὄντα ἐν ἀνθρώποις· εἰ δʼ αὖ τοῦτο γένοιτο, εὖ οἶδα ὅτι πολὺ μεῖζον ἂν ἀχθοίμην, ὥστε οὐκ ἔχω ὅτι χρήσωμαι τούτῳ τῷ ἀνθρώπῳ. καὶ ὑπὸ μὲν δὴ τῶν αὐλημάτων καὶ ἐγὼ καὶ ἄλλοι πολλοὶ τοιαῦτα πεπόνθασιν ὑπὸ τοῦδε τοῦ σατύρου· ἄλλα δὲ ἐμοῦ ἀκούσατε ὡς ὅμοιός τʼ ἐστὶν οἷς ἐγὼ ᾔκασα αὐτὸν καὶ τὴν δύναμιν ὡς θαυμασίαν ἔχει. εὖ γὰρ ἴστε ὅτι οὐδεὶς ὑμῶν τοῦτον γιγνώσκει· ἀλλὰ ἐγὼ δηλώσω, ἐπείπερ ἠρξάμην. ὁρᾶτε γὰρ ὅτι Σωκράτης ἐρωτικῶς διάκειται τῶν καλῶν καὶ ἀεὶ περὶ τούτους ἐστὶ καὶ ἐκπέπληκται, καὶ αὖ ἀγνοεῖ πάντα καὶ οὐδὲν οἶδεν. ὡς τὸ σχῆμα αὐτοῦ τοῦτο οὐ σιληνῶδες; σφόδρα γε. τοῦτο γὰρ οὗτος ἔξωθεν περιβέβληται, ὥσπερ ὁ γεγλυμμένος σιληνός· ἔνδοθεν δὲ ἀνοιχθεὶς πόσης οἴεσθε γέμει, ὦ ἄνδρες συμπόται, σωφροσύνης; ἴστε ὅτι οὔτε εἴ τις καλός ἐστι μέλει αὐτῷ οὐδέν, ἀλλὰ καταφρονεῖ τοσοῦτον ὅσον οὐδʼ ἂν εἷς οἰηθείη, οὔτʼ εἴ τις πλούσιος, οὔτʼ εἰ ἄλλην τινὰ τιμὴν ἔχων τῶν ὑπὸ πλήθους μακαριζομένων· ἡγεῖται δὲ πάντα ταῦτα τὰ κτήματα οὐδενὸς ἄξια καὶ ἡμᾶς οὐδὲν εἶναι—λέγω ὑμῖν—εἰρωνευόμενος δὲ καὶ παίζων πάντα τὸν βίον πρὸς τοὺς ἀνθρώπους διατελεῖ.
Transliteration
kai tauta, ō Sōkrates, ouk ereis hōs ouk alēthē. kai eti ge nyn synoidʼ emautō hoti ei etheloimi parechein ta ōta, ouk an karterēsaimi alla tauta an paschoimi. anankazei gar me homologein hoti pollou endeēs ōn autos eti emautou men amelō, ta dʼ Athēnaiōn prattō. bia oun hōsper apo tōn Seirēnōn epischomenos ta ōta oichomai pheugōn, hina mē autou kathēmenos para toutō katagērasō. pepontha de pros touton monon anthrōpōn, ho ouk an tis oioito en emoi eneinai, to aischynesthai hontinoun egō de touton monon aischynomai. synoida gar emautō antilegein men ou dynamenō hōs ou dei poiein ha houtos keleuei, epeidan de apelthō, hēttēmenō tēs timēs tēs hypo tōn pollōn. drapeteuō oun auton kai pheugō, kai hotan idō, aischynomai ta hōmologēmena. kai pollakis men hēdeōs an idoimi auton mē onta en anthrōpois ei dʼ au touto genoito, eu oida hoti poly meizon an achthoimēn, hōste ouk echō hoti chrēsōmai toutō tō anthrōpō. kai hypo men dē tōn aulēmatōn kai egō kai alloi polloi toiauta peponthasin hypo toude tou satyrou alla de emou akousate hōs homoios tʼ estin hois egō ēkasa auton kai tēn dynamin hōs thaumasian echei. eu gar iste hoti oudeis hymōn touton gignōskei alla egō dēlōsō, epeiper ērxamēn. horate gar hoti Sōkratēs erōtikōs diakeitai tōn kalōn kai aei peri toutoys esti kai ekpeplēktai, kai au agnoei panta kai ouden oiden. hōs to schēma autou touto ou silēnōdes; sphodra ge. touto gar houtos exōthen peribeblētai, hōsper ho geglymmenos silēnos endothen de anoichtheis posēs oiesthe gemei, ō andres sympotai, sōphrosynēs; iste hoti oute ei tis kalos esti melei autō ouden, alla kataphronei tosouton hoson oudʼ an heis oiētheiē, outʼ ei tis plousios, outʼ ei allēn tina timēn echōn tōn hypo plēthous makarizomenōn hēgeitai de panta tauta ta ktēmata oudenos axia kai hēmas ouden einai—legō hymin—eirōneuomenos de kai paizōn panta ton bion pros tous anthrōpous diatelei.
Translation coming soon for this language.
Source edition (provenance)
perseus:tlg0059.tlg011.perseus-grc2; plato:symposium; section 216; transliteration: greek-transliteration (build)