Languages

Work 2 · Passage 86

Work 2 · Passage 86

Plato

Greek

· πάνυ ἀνόητον ἡγοῦμαι εἶναι σοὶ μὴ οὐ καὶ τοῦτο χαρίζεσθαι καὶ εἴ τι ἄλλο ἢ τῆς οὐσίας τῆς ἐμῆς δέοιο ἢ τῶν φίλων τῶν ἐμῶν. ἐμοὶ μὲν γὰρ οὐδέν ἐστι πρεσβύτερον τοῦ ὡς ὅτι βέλτιστον ἐμὲ γενέσθαι, τούτου δὲ οἶμαί μοι συλλήπτορα οὐδένα κυριώτερον εἶναι σοῦ. ἐγὼ δὴ τοιούτῳ ἀνδρὶ πολὺ μᾶλλον ἂν μὴ χαριζόμενος αἰσχυνοίμην τοὺς φρονίμους, ἢ χαριζόμενος τούς τε πολλοὺς καὶ ἄφρονας. καὶ οὗτος ἀκούσας μάλα εἰρωνικῶς καὶ σφόδρα ἑαυτοῦ τε καὶ εἰωθότως ἔλεξεν ὦ φίλε Ἀλκιβιάδη, κινδυνεύεις τῷ ὄντι οὐ φαῦλος εἶναι, εἴπερ ἀληθῆ τυγχάνει ὄντα ἃ λέγεις περὶ ἐμοῦ, καί τις ἔστʼ ἐν ἐμοὶ δύναμις διʼ ἧς ἂν σὺ γένοιο ἀμείνων· ἀμήχανόν τοι κάλλος ὁρῴης ἂν ἐν ἐμοὶ καὶ τῆς παρὰ σοὶ εὐμορφίας πάμπολυ διαφέρον.

Transliteration

pany anoēton hēgoumai einai soi mē ou kai touto charizesthai kai ei ti allo ē tēs ousias tēs emēs deoio ē tōn philōn tōn emōn. emoi men gar ouden esti presbyteron tou hōs hoti beltiston eme genesthai, toutoy de oimai moi syllēptora oudena kyriōteron einai sou. egō dē toioutō andri poly mallon an mē charizomenos aischynoimēn tous phronimous, ē charizomenos tous te pollous kai aphronas. kai houtos akousas mala eirōnikōs kai sphodra heautou te kai eiōthotōs elexen ō phile Alkibiadē, kindyneueis tō onti ou phaulos einai, eiper alēthē tynchanei onta ha legeis peri emou, kai tis estʼ en emoi dynamis diʼ hēs an sy genoio ameinōn amēchanon toi kallos horōēs an en emoi kai tēs para soi eumorphias pampoly diapheron.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 218 part 2; transliteration: greek-transliteration (build)

Share X Facebook