Languages

Work 2 · Passage 95

Work 2 · Passage 95

Plato

Greek

ἐὰν οὖν ὑπὸ σοὶ κατακλινῇ Ἀγάθων, οὐ δήπου ἐμὲ πάλιν ἐπαινέσεται, πρὶν ὑπʼ ἐμοῦ μᾶλλον ἐπαινεθῆναι; ἀλλʼ ἔασον, ὦ δαιμόνιε, καὶ μὴ φθονήσῃς τῷ μειρακίῳ ὑπʼ ἐμοῦ ἐπαινεθῆναι· καὶ γὰρ πάνυ ἐπιθυμῶ αὐτὸν ἐγκωμιάσαι. ἰοῦ ἰοῦ, φάναι τὸν Ἀγάθωνα, Ἀλκιβιάδη, οὐκ ἔσθʼ ὅπως ἂν ἐνθάδε μείναιμι, ἀλλὰ παντὸς μᾶλλον μεταναστήσομαι, ἵνα ὑπὸ Σωκράτους ἐπαινεθῶ. ταῦτα ἐκεῖνα, φάναι τὸν Ἀλκιβιάδην, τὰ εἰωθότα· Σωκράτους παρόντος τῶν καλῶν μεταλαβεῖν ἀδύνατον ἄλλῳ. καὶ νῦν ὡς εὐπόρως καὶ πιθανὸν λόγον ηὗρεν, ὥστε παρʼ ἑαυτῷ τουτονὶ κατακεῖσθαι. τὸν μὲν οὖν Ἀγάθωνα ὡς κατακεισόμενον παρὰ τῷ Σωκράτει ἀνίστασθαι· ἐξαίφνης δὲ κωμαστὰς ἥκειν παμπόλλους ἐπὶ τὰς θύρας, καὶ ἐπιτυχόντας ἀνεῳγμέναις ἐξιόντος τινὸς εἰς τὸ ἄντικρυς πορεύεσθαι παρὰ σφᾶς καὶ κατακλίνεσθαι, καὶ θορύβου μεστὰ πάντα εἶναι, καὶ οὐκέτι ἐν κόσμῳ οὐδενὶ ἀναγκάζεσθαι πίνειν πάμπολυν οἶνον. τὸν μὲν οὖν Ἐρυξίμαχον καὶ τὸν Φαῖδρον καὶ ἄλλους τινὰς ἔφη ὁ Ἀριστόδημος οἴχεσθαι ἀπιόντας, ἓ δὲ ὕπνον λαβεῖν, καὶ καταδαρθεῖν πάνυ πολύ, ἅτε μακρῶν τῶν νυκτῶν οὐσῶν, ἐξεγρέσθαι δὲ πρὸς ἡμέραν ἤδη ἀλεκτρυόνων ᾀδόντων, ἐξεγρόμενος δὲ ἰδεῖν τοὺς μὲν ἄλλους καθεύδοντας καὶ οἰχομένους, Ἀγάθωνα δὲ καὶ Ἀριστοφάνη καὶ Σωκράτη ἔτι μόνους ἐγρηγορέναι καὶ πίνειν ἐκ φιάλης μεγάλης ἐπὶ δεξιά. τὸν οὖν Σωκράτη αὐτοῖς διαλέγεσθαι

Transliteration

ean oun hypo soi kataklinē Agathōn, ou dēpou eme palin epainesetai, prin hypʼ emou mallon epainethēnai; allʼ eason, ō daimonie, kai mē phthonēsēs tō meirakiō hypʼ emou epainethēnai kai gar pany epithymō auton enkōmiasai. iou iou, phanai ton Agathōna, Alkibiadē, ouk esthʼ hopōs an enthade meinaimi, alla pantos mallon metanastēsomai, hina hypo Sōkratous epainethō. tauta ekeina, phanai ton Alkibiadēn, ta eiōthota Sōkratous parontos tōn kalōn metalabein adynaton allō. kai nyn hōs euporōs kai pithanon logon hēuren, hōste parʼ heautō toutoni katakeisthai. ton men oun Agathōna hōs katakeisomenon para tō Sōkratei anistasthai exaiphnēs de kōmastas hēkein pampollous epi tas thyras, kai epitychontas aneōgmenais exiontos tinos eis to antikrys poreuesthai para sphas kai kataklinesthai, kai thorybou mesta panta einai, kai ouketi en kosmō oudeni anankazesthai pinein pampolyn oinon. ton men oun Eryximachon kai ton PHaidron kai allous tinas ephē ho Aristodēmos oichesthai apiontas, he de hypnon labein, kai katadarthein pany poly, hate makrōn tōn nyktōn ousōn, exegresthai de pros hēmeran ēdē alektryonōn adontōn, exegromenos de idein tous men allous katheudontas kai oichomenous, Agathōna de kai Aristophanē kai Sōkratē eti monous egrēgorenai kai pinein ek phialēs megalēs epi dexia. ton oun Sōkratē autois dialegesthai

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 223 part 1; transliteration: greek-transliteration (build)

Share X Facebook