Languages

Work 2 · Passage 96

Work 2 · Passage 96

Plato

Greek

· καὶ τὰ μὲν ἄλλα ὁ Ἀριστόδημος οὐκ ἔφη μεμνῆσθαι τῶν λόγων—οὔτε γὰρ ἐξ ἀρχῆς παραγενέσθαι ὑπονυστάζειν τε—τὸ μέντοι κεφάλαιον, ἔφη, προσαναγκάζειν τὸν Σωκράτη ὁμολογεῖν αὐτοὺς τοῦ αὐτοῦ ἀνδρὸς εἶναι κωμῳδίαν καὶ τραγῳδίαν ἐπίστασθαι ποιεῖν, καὶ τὸν τέχνῃ τραγῳδοποιὸν ὄντα καὶ κωμῳδοποιὸν εἶναι. ταῦτα δὴ ἀναγκαζομένους αὐτοὺς καὶ οὐ σφόδρα ἑπομένους νυστάζειν, καὶ πρότερον μὲν καταδαρθεῖν τὸν Ἀριστοφάνη, ἤδη δὲ ἡμέρας γιγνομένης τὸν Ἀγάθωνα. τὸν οὖν Σωκράτη, κατακοιμίσαντʼ ἐκείνους, ἀναστάντα ἀπιέναι, καὶ ἓ ὥσπερ εἰώθει ἕπεσθαι, καὶ ἐλθόντα εἰς Λύκειον, ἀπονιψάμενον, ὥσπερ ἄλλοτε τὴν ἄλλην ἡμέραν διατρίβειν, καὶ οὕτω διατρίψαντα εἰς ἑσπέραν οἴκοι ἀναπαύεσθαι.

Transliteration

kai ta men alla ho Aristodēmos ouk ephē memnēsthai tōn logōn—oute gar ex archēs paragenesthai hyponystazein te—to mentoi kephalaion, ephē, prosanankazein ton Sōkratē homologein autous tou autou andros einai kōmōdian kai tragōdian epistasthai poiein, kai ton technē tragōdopoion onta kai kōmōdopoion einai. tauta dē anankazomenous autous kai ou sphodra hepomenous nystazein, kai proteron men katadarthein ton Aristophanē, ēdē de hēmeras gignomenēs ton Agathōna. ton oun Sōkratē, katakoimisantʼ ekeinous, anastanta apienai, kai he hōsper eiōthei hepesthai, kai elthonta eis Lykeion, aponipsamenon, hōsper allote tēn allēn hēmeran diatribein, kai houtō diatripsanta eis hesperan oikoi anapauesthai.

Translation coming soon for this language.

Source edition (provenance)

perseus:tlg0059.tlg011.perseus-grc2; plato:symposium; section 223 part 2; transliteration: greek-transliteration (build)

Share X Facebook