Work 3 · Passage 10
Plato
Greek
ΦΑΙΔ. ἀλλὰ προθυμεῖσθαι χρή, ἔφη· τάχα γὰρ ἂν καὶ ἀκούσαις. ἴσως μέντοι θαυμαστόν σοι φανεῖται εἰ τοῦτο μόνον τῶν ἄλλων ἁπάντων ἁπλοῦν ἐστιν, καὶ οὐδέποτε τυγχάνει τῷ ἀνθρώπῳ, ὥσπερ καὶ τἆλλα, ἔστιν ὅτε καὶ οἷς βέλτιον ὂν τεθνάναι ἢ ζῆν, οἷς δὲ βέλτιον τεθνάναι, θαυμαστὸν ἴσως σοι φαίνεται εἰ τούτοις τοῖς ἀνθρώποις μὴ ὅσιον αὐτοὺς ἑαυτοὺς εὖ ποιεῖν, ἀλλὰ ἄλλον δεῖ περιμένειν εὐεργέτην. καὶ ὁ Κέβης ἠρέμα ἐπιγελάσας, Ἴττω Ζεύς , ἔφη, τῇ αὑτοῦ φωνῇ εἰπών. καὶ γὰρ ἂν δόξειεν, ἔφη ὁ Σωκράτης , οὕτω γ’ εἶναι ἄλογον· οὐ μέντοι ἀλλ’ ἴσως γ’ ἔχει τινὰ λόγον. ὁ μὲν οὖν ἐν ἀπορρήτοις λεγόμενος περὶ αὐτῶν λόγος, ὡς ἔν τινι φρουρᾷ ἐσμεν οἱ ἄνθρωποι καὶ οὐ δεῖ δὴ ἑαυτὸν ἐκ ταύτης λύειν οὐδ’ ἀποδιδράσκειν, μέγας τέ τίς μοι φαίνεται καὶ οὐ ῥᾴδιος διιδεῖν· οὐ μέντοι ἀλλὰ τόδε γέ μοι δοκεῖ, ὦ Κέβης , εὖ λέγεσθαι, τὸ θεοὺς εἶναι ἡμῶν τοὺς ἐπιμελουμένους καὶ ἡμᾶς τοὺς ἀνθρώπους ἓν τῶν κτημάτων τοῖς θεοῖς εἶναι. ἢ σοὶ οὐ δοκεῖ οὕτως; ἔμοιγε, φησὶν ὁ Κέβης . οὐκοῦν, ἦ δ’ ὅς, καὶ σὺ ἂν τῶν σαυτοῦ κτημάτων εἴ τι αὐτὸ ἑαυτὸ ἀποκτεινύοι, μὴ σημήναντός σου ὅτι βούλει αὐτὸ τεθνάναι, χαλεπαίνοις ἂν αὐτῷ καί, εἴ τινα ἔχοις τιμωρίαν, τιμωροῖο ἄν; πάνυ γ᾽, ἔφη. ἴσως τοίνυν ταύτῃ οὐκ ἄλογον μὴ πρότερον αὑτὸν ἀποκτεινύναι δεῖν, πρὶν ἀνάγκην τινὰ θεὸς ἐπιπέμψῃ, ὥσπερ καὶ τὴν νῦν ἡμῖν παροῦσαν. ἀλλ’ εἰκός, ἔφη ὁ Κέβης , τοῦτό γε φαίνεται. ὃ μέντοι νυνδὴ ἔλεγες, τὸ τοὺς φιλοσόφους ῥᾳδίως ἂν ἐθέλειν ἀποθνῄσκειν, ἔοικεν τοῦτο, ὦ Σώκρατες , ἀτόπῳ, εἴπερ ὃ νυνδὴ ἐλέγομεν εὐλόγως ἔχει, τὸ θεόν τε εἶναι τὸν ἐπιμελούμενον ἡμῶν καὶ ἡμᾶς ἐκείνου κτήματα εἶναι. τὸ γὰρ μὴ ἀγανακτεῖν τοὺς φρονιμωτάτους ἐκ ταύτης τῆς θεραπείας ἀπιόντας, ἐν ᾗ ἐπιστατοῦσιν αὐτῶν οἵπερ ἄριστοί εἰσιν τῶν ὄντων ἐπιστάται, θεοί, οὐκ ἔχει λόγον
Transliteration
PHAID. alla prothymeisthai chrē, ephē tacha gar an kai akousais. isōs mentoi thaumaston soi phaneitai ei touto monon tōn allōn hapantōn haploun estin, kai oudepote tynchanei tō anthrōpō, hōsper kai talla, estin hote kai hois beltion on tethnanai ē zēn, hois de beltion tethnanai, thaumaston isōs soi phainetai ei toutois tois anthrōpois mē hosion autous heautous eu poiein, alla allon dei perimenein euergetēn. kai ho Kebēs ērema epigelasas, Ittō Zeus , ephē, tē hautou phōnē eipōn. kai gar an doxeien, ephē ho Sōkratēs , houtō g’ einai alogon ou mentoi all’ isōs g’ echei tina logon. ho men oun en aporrhētois legomenos peri autōn logos, hōs en tini phroura esmen hoi anthrōpoi kai ou dei dē heauton ek tautēs lyein oud’ apodidraskein, megas te tis moi phainetai kai ou rhadios diidein ou mentoi alla tode ge moi dokei, ō Kebēs , eu legesthai, to theous einai hēmōn tous epimeloumenoys kai hēmas tous anthrōpous hen tōn ktēmatōn tois theois einai. ē soi ou dokei houtōs; emoige, phēsin ho Kebēs . oukoyn, ē d’ hos, kai sy an tōn sautou ktēmatōn ei ti auto heauto apokteinyoi, mē sēmēnantos sou hoti boulei auto tethnanai, chalepainois an autō kai, ei tina echois timōrian, timōroio an; pany g , ephē. isōs toinyn tautē ouk alogon mē proteron hauton apokteinynai dein, prin anankēn tina theos epipempsē, hōsper kai tēn nyn hēmin parousan. all’ eikos, ephē ho Kebēs , touto ge phainetai. ho mentoi nyndē eleges, to tous philosophous rhadiōs an ethelein apothnēskein, eoiken touto, ō Sōkrates , atopō, eiper ho nyndē elegomen eulogōs echei, to theon te einai ton epimeloumenon hēmōn kai hēmas ekeinou ktēmata einai. to gar mē aganaktein tous phronimōtatous ek tautēs tēs therapeias apiontas, en hē epistatousin autōn hoiper aristoi eisin tōn ontōn epistatai, theoi, ouk echei logon
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 62 part 1; transliteration: greek-transliteration (build)