Work 3 · Passage 11
Plato
Greek
· οὐ γάρ που αὐτός γε αὑτοῦ οἴεται ἄμεινον ἐπιμελήσεσθαι ἐλεύθερος γενόμενος. ἀλλ’ ἀνόητος μὲν ἄνθρωπος τάχ’ ἂν οἰηθείη ταῦτα, φευκτέον εἶναι ἀπὸ τοῦ δεσπότου, καὶ οὐκ ἂν λογίζοιτο ὅτι οὐ δεῖ ἀπό γε τοῦ ἀγαθοῦ φεύγειν ἀλλ’ ὅτι μάλιστα παραμένειν, διὸ ἀλογίστως ἂν φεύγοι· ὁ δὲ νοῦν ἔχων ἐπιθυμοῖ που ἂν ἀεὶ εἶναι παρὰ τῷ αὑτοῦ βελτίονι. καίτοι οὕτως, ὦ Σώκρατες , τοὐναντίον εἶναι εἰκὸς ἢ ὃ νυνδὴ ἐλέγετο· τοὺς μὲν γὰρ φρονίμους ἀγανακτεῖν ἀποθνῄσκοντας πρέπει, τοὺς δὲ ἄφρονας χαίρειν.
Transliteration
ou gar pou autos ge hautou oietai ameinon epimelēsesthai eleutheros genomenos. all’ anoētos men anthrōpos tach’ an oiētheiē tauta, pheukteon einai apo tou despotou, kai ouk an logizoito hoti ou dei apo ge tou agathou pheugein all’ hoti malista paramenein, dio alogistōs an pheugoi ho de noun echōn epithymoi pou an aei einai para tō hautou beltioni. kaitoi houtōs, ō Sōkrates , tounantion einai eikos ē ho nyndē elegeto tous men gar phronimous aganaktein apothnēskontas prepei, tous de aphronas chairein.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 62 part 2; transliteration: greek-transliteration (build)