Work 3 · Passage 100
Plato
Greek
ΦΑΙΔ. παντὸς μᾶλλον ἄρα, ἔφη, ὦ Κέβης , ψυχὴ ἀθάνατον καὶ ἀνώλεθρον, καὶ τῷ ὄντι ἔσονται ἡμῶν αἱ ψυχαὶ ἐν Ἅιδου . οὔκουν ἔγωγε, ὦ Σώκρατες , ἔφη, ἔχω παρὰ ταῦτα ἄλλο τι λέγειν οὐδέ πῃ ἀπιστεῖν τοῖς λόγοις. ἀλλ’ εἰ δή τι Σιμμίας ὅδε ἤ τις ἄλλος ἔχει λέγειν, εὖ ἔχει μὴ κατασιγῆσαι· ὡς οὐκ οἶδα εἰς ὅντινά τις ἄλλον καιρὸν ἀναβάλλοιτο ἢ τὸν νῦν παρόντα, περὶ τῶν τοιούτων βουλόμενος ἤ τι εἰπεῖν ἢ ἀκοῦσαι. ἀλλὰ μήν, ἦ δ’ ὃς ὁ Σιμμίας , οὐδ’ αὐτὸς ἔχω ἔτι ὅπῃ ἀπιστῶ ἔκ γε τῶν λεγομένων· ὑπὸ μέντοι τοῦ μεγέθους περὶ ὧν οἱ λόγοι εἰσίν, καὶ τὴν ἀνθρωπίνην ἀσθένειαν ἀτιμάζων, ἀναγκάζομαι ἀπιστίαν ἔτι ἔχειν παρ’ ἐμαυτῷ περὶ τῶν εἰρημένων. οὐ μόνον γ᾽, ἔφη, ὦ Σιμμία , ὁ Σωκράτης , ἀλλὰ ταῦτά τε εὖ λέγεις καὶ τάς γε ὑποθέσεις τὰς πρώτας, καὶ εἰ πισταὶ ὑμῖν εἰσιν, ὅμως ἐπισκεπτέαι σαφέστερον· καὶ ἐὰν αὐτὰς ἱκανῶς διέλητε, ὡς ἐγᾦμαι, ἀκολουθήσετε τῷ λόγῳ, καθ’ ὅσον δυνατὸν μάλιστ’ ἀνθρώπῳ ἐπακολουθῆσαι· κἂν τοῦτο αὐτὸ σαφὲς γένηται, οὐδὲν ζητήσετε περαιτέρω. ἀληθῆ, ἔφη, λέγεις. ἀλλὰ τόδε γ᾽, ἔφη, ὦ ἄνδρες, δίκαιον διανοηθῆναι, ὅτι, εἴπερ ἡ ψυχὴ ἀθάνατος, ἐπιμελείας δὴ δεῖται οὐχ ὑπὲρ τοῦ χρόνου τούτου μόνον ἐν ᾧ καλοῦμεν τὸ ζῆν, ἀλλ’ ὑπὲρ τοῦ παντός, καὶ ὁ κίνδυνος νῦν δὴ καὶ δόξειεν ἂν δεινὸς εἶναι, εἴ τις αὐτῆς ἀμελήσει. εἰ μὲν γὰρ ἦν ὁ θάνατος τοῦ παντὸς ἀπαλλαγή, ἕρμαιον ἂν ἦν τοῖς κακοῖς ἀποθανοῦσι τοῦ τε σώματος ἅμ’ ἀπηλλάχθαι καὶ τῆς αὑτῶν κακίας μετὰ τῆς ψυχῆς
Transliteration
PHAID. pantos mallon ara, ephē, ō Kebēs , psychē athanaton kai anōlethron, kai tō onti esontai hēmōn hai psychai en hAidou . oukoyn egōge, ō Sōkrates , ephē, echō para tauta allo ti legein oude pē apistein tois logois. all’ ei dē ti Simmias hode ē tis allos echei legein, eu echei mē katasigēsai hōs ouk oida eis hontina tis allon kairon anaballoito ē ton nyn paronta, peri tōn toioutōn boulomenos ē ti eipein ē akousai. alla mēn, ē d’ hos ho Simmias , oud’ autos echō eti hopē apistō ek ge tōn legomenōn hypo mentoi tou megethous peri hōn hoi logoi eisin, kai tēn anthrōpinēn astheneian atimazōn, anankazomai apistian eti echein par’ emautō peri tōn eirēmenōn. ou monon g , ephē, ō Simmia , ho Sōkratēs , alla tauta te eu legeis kai tas ge hypotheseis tas prōtas, kai ei pistai hymin eisin, homōs episkepteai saphesteron kai ean autas hikanōs dielēte, hōs egōmai, akolouthēsete tō logō, kath’ hoson dynaton malist’ anthrōpō epakolouthēsai kan touto auto saphes genētai, ouden zētēsete peraiterō. alēthē, ephē, legeis. alla tode g , ephē, ō andres, dikaion dianoēthēnai, hoti, eiper hē psychē athanatos, epimeleias dē deitai ouch hyper tou chronou toutoy monon en hō kaloumen to zēn, all’ hyper tou pantos, kai ho kindynos nyn dē kai doxeien an deinos einai, ei tis autēs amelēsei. ei men gar ēn ho thanatos tou pantos apallagē, hermaion an ēn tois kakois apothanousi tou te sōmatos ham’ apēllachthai kai tēs hautōn kakias meta tēs psychēs
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 107 part 1; transliteration: greek-transliteration (build)