Work 3 · Passage 101
Plato
Greek
· νῦν δ’ ἐπειδὴ ἀθάνατος φαίνεται οὖσα, οὐδεμία ἂν εἴη αὐτῇ ἄλλη ἀποφυγὴ κακῶν οὐδὲ σωτηρία πλὴν τοῦ ὡς βελτίστην τε καὶ φρονιμωτάτην γενέσθαι. οὐδὲν γὰρ ἄλλο ἔχουσα εἰς Ἅιδου ἡ ψυχὴ ἔρχεται πλὴν τῆς παιδείας τε καὶ τροφῆς, ἃ δὴ καὶ μέγιστα λέγεται ὠφελεῖν ἢ βλάπτειν τὸν τελευτήσαντα εὐθὺς ἐν ἀρχῇ τῆς ἐκεῖσε πορείας. λέγεται δὲ οὕτως, ὡς ἄρα τελευτήσαντα ἕκαστον ὁ ἑκάστου δαίμων, ὅσπερ ζῶντα εἰλήχει, οὗτος ἄγειν ἐπιχειρεῖ εἰς δή τινα τόπον, οἷ δεῖ τοὺς συλλεγέντας διαδικασαμένους εἰς Ἅιδου πορεύεσθαι μετὰ ἡγεμόνος ἐκείνου ᾧ δὴ προστέτακται τοὺς ἐνθένδε ἐκεῖσε πορεῦσαι· τυχόντας δὲ ἐκεῖ ὧν δὴ τυχεῖν καὶ μείναντας ὃν χρὴ χρόνον ἄλλος δεῦρο πάλιν ἡγεμὼν κομίζει ἐν πολλαῖς χρόνου καὶ μακραῖς περιόδοις.
Transliteration
nyn d’ epeidē athanatos phainetai ousa, oudemia an eiē autē allē apophygē kakōn oude sōtēria plēn tou hōs beltistēn te kai phronimōtatēn genesthai. ouden gar allo echousa eis hAidou hē psychē erchetai plēn tēs paideias te kai trophēs, ha dē kai megista legetai ōphelein ē blaptein ton teleutēsanta euthys en archē tēs ekeise poreias. legetai de houtōs, hōs ara teleutēsanta hekaston ho hekastou daimōn, hosper zōnta eilēchei, houtos agein epicheirei eis dē tina topon, hoi dei tous syllegentas diadikasamenous eis hAidou poreuesthai meta hēgemonos ekeinou hō dē prostetaktai tous enthende ekeise poreusai tychontas de ekei hōn dē tychein kai meinantas hon chrē chronon allos deuro palin hēgemōn komizei en pollais chronou kai makrais periodois.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 107 part 2; transliteration: greek-transliteration (build)