Work 3 · Passage 102
Plato
Greek
ΦΑΙΔ. ἔστι δὲ ἄρα ἡ πορεία οὐχ ὡς ὁ Αἰσχύλου Τήλεφος λέγει· ἐκεῖνος μὲν γὰρ ἁπλῆν οἶμόν φησιν εἰς Ἅιδου φέρειν, ἡ δ᾽ οὔτε ἁπλῆ οὔτε μία φαίνεταί μοι εἶναι. οὐδὲ γὰρ ἂν ἡγεμόνων ἔδει· οὐ γάρ πού τις ἂν διαμάρτοι οὐδαμόσε μιᾶς ὁδοῦ οὔσης. νῦν δὲ ἔοικε σχίσεις τε καὶ τριόδους πολλὰς ἔχειν· ἀπὸ τῶν θυσιῶν τε καὶ νομίμων τῶν ἐνθάδε τεκμαιρόμενος λέγω. ἡ μὲν οὖν κοσμία τε καὶ φρόνιμος ψυχὴ ἕπεταί τε καὶ οὐκ ἀγνοεῖ τὰ παρόντα· ἡ δ’ ἐπιθυμητικῶς τοῦ σώματος ἔχουσα, ὅπερ ἐν τῷ ἔμπροσθεν εἶπον, περὶ ἐκεῖνο πολὺν χρόνον ἐπτοημένη καὶ περὶ τὸν ὁρατὸν τόπον, πολλὰ ἀντιτείνασα καὶ πολλὰ παθοῦσα, βίᾳ καὶ μόγις ὑπὸ τοῦ προστεταγμένου δαίμονος οἴχεται ἀγομένη. ἀφικομένην δὲ ὅθιπερ αἱ ἄλλαι, τὴν μὲν ἀκάθαρτον καί τι πεποιηκυῖαν τοιοῦτον, ἢ φόνων ἀδίκων ἡμμένην ἢ ἄλλ’ ἄττα τοιαῦτα εἰργασμένην, ἃ τούτων ἀδελφά τε καὶ ἀδελφῶν ψυχῶν ἔργα τυγχάνει ὄντα, ταύτην μὲν ἅπας φεύγει τε καὶ ὑπεκτρέπεται καὶ οὔτε συνέμπορος οὔτε ἡγεμὼν ἐθέλει γίγνεσθαι, αὐτὴ δὲ πλανᾶται ἐν πάσῃ ἐχομένη ἀπορίᾳ ἕως ἂν δή τινες χρόνοι γένωνται, ὧν ἐλθόντων ὑπ’ ἀνάγκης φέρεται εἰς τὴν αὐτῇ πρέπουσαν οἴκησιν· ἡ δὲ καθαρῶς τε καὶ μετρίως τὸν βίον διεξελθοῦσα, καὶ συνεμπόρων καὶ ἡγεμόνων θεῶν τυχοῦσα, ᾤκησεν τὸν αὐτῇ ἑκάστη τόπον προσήκοντα. εἰσὶν δὲ πολλοὶ καὶ θαυμαστοὶ τῆς γῆς τόποι, καὶ αὐτὴ οὔτε οἵα οὔτε ὅση δοξάζεται ὑπὸ τῶν περὶ γῆς εἰωθότων λέγειν, ὡς ἐγὼ ὑπό τινος πέπεισμαι. καὶ ὁ Σιμμίας , πῶς ταῦτα, ἔφη, λέγεις, ὦ Σώκρατες ; περὶ γάρ τοι γῆς καὶ αὐτὸς πολλὰ δὴ ἀκήκοα, οὐ μέντοι ταῦτα ἃ σὲ πείθει· ἡδέως οὖν ἂν ἀκούσαιμι. ἀλλὰ μέντοι, ὦ Σιμμία , οὐχ ἡ Γλαύκου τέχνη γέ μοι δοκεῖ εἶναι διηγήσασθαι ἅ γ’ ἐστίν
Transliteration
PHAID. esti de ara hē poreia ouch hōs ho Aischylou Tēlephos legei ekeinos men gar haplēn oimon phēsin eis hAidou pherein, hē d oute haplē oute mia phainetai moi einai. oude gar an hēgemonōn edei ou gar pou tis an diamartoi oudamose mias hodou ousēs. nyn de eoike schiseis te kai triodous pollas echein apo tōn thysiōn te kai nomimōn tōn enthade tekmairomenos legō. hē men oun kosmia te kai phronimos psychē hepetai te kai ouk agnoei ta paronta hē d’ epithymētikōs tou sōmatos echousa, hoper en tō emprosthen eipon, peri ekeino polyn chronon eptoēmenē kai peri ton horaton topon, polla antiteinasa kai polla pathousa, bia kai mogis hypo tou prostetagmenou daimonos oichetai agomenē. aphikomenēn de hothiper hai allai, tēn men akatharton kai ti pepoiēkuian toiouton, ē phonōn adikōn hēmmenēn ē all’ atta toiauta eirgasmenēn, ha toutōn adelpha te kai adelphōn psychōn erga tynchanei onta, tautēn men hapas pheugei te kai hypektrepetai kai oute synemporos oute hēgemōn ethelei gignesthai, autē de planatai en pasē echomenē aporia heōs an dē tines chronoi genōntai, hōn elthontōn hyp’ anankēs pheretai eis tēn autē prepousan oikēsin hē de katharōs te kai metriōs ton bion diexelthousa, kai synemporōn kai hēgemonōn theōn tychousa, ōkēsen ton autē hekastē topon prosēkonta. eisin de polloi kai thaumastoi tēs gēs topoi, kai autē oute hoia oute hosē doxazetai hypo tōn peri gēs eiōthotōn legein, hōs egō hypo tinos pepeismai. kai ho Simmias , pōs tauta, ephē, legeis, ō Sōkrates ; peri gar toi gēs kai autos polla dē akēkoa, ou mentoi tauta ha se peithei hēdeōs oun an akousaimi. alla mentoi, ō Simmia , ouch hē Glaukou technē ge moi dokei einai diēgēsasthai ha g’ estin
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 108 part 1; transliteration: greek-transliteration (build)