Languages

Work 3 · Passage 104

Work 3 · Passage 104

Plato

Greek

ΦΑΙΔ. ἀλλ᾽, ἔφη ὁ Σιμμίας , καὶ ταῦτα ἀρκεῖ. πέπεισμαι τοίνυν, ἦ δ’ ὅς, ἐγὼ ὡς πρῶτον μέν, εἰ ἔστιν ἐν μέσῳ τῷ οὐρανῷ περιφερὴς οὖσα, μηδὲν αὐτῇ δεῖν μήτε ἀέρος πρὸς τὸ μὴ πεσεῖν μήτε ἄλλης ἀνάγκης μηδεμιᾶς τοιαύτης, ἀλλὰ ἱκανὴν εἶναι αὐτὴν ἴσχειν τὴν ὁμοιότητα τοῦ οὐρανοῦ αὐτοῦ ἑαυτῷ πάντῃ καὶ τῆς γῆς αὐτῆς τὴν ἰσορροπίαν· ἰσόρροπον γὰρ πρᾶγμα ὁμοίου τινὸς ἐν μέσῳ τεθὲν οὐχ ἕξει μᾶλλον οὐδ’ ἧττον οὐδαμόσε κλιθῆναι, ὁμοίως δ’ ἔχον ἀκλινὲς μενεῖ. πρῶτον μὲν τοίνυν, ἦ δ’ ὅς, τοῦτο πέπεισμαι. καὶ ὀρθῶς γε, ἔφη ὁ Σιμμίας . ἔτι τοίνυν, ἔφη, πάμμεγά τι εἶναι αὐτό, καὶ ἡμᾶς οἰκεῖν τοὺς μέχρι Ἡρακλείων στηλῶν ἀπὸ Φάσιδος ἐν σμικρῷ τινι μορίῳ, ὥσπερ περὶ τέλμα μύρμηκας ἢ βατράχους περὶ τὴν θάλατταν οἰκοῦντας, καὶ ἄλλους ἄλλοθι πολλοὺς ἐν πολλοῖσι τοιούτοις τόποις οἰκεῖν. εἶναι γὰρ πανταχῇ περὶ τὴν γῆν πολλὰ κοῖλα καὶ παντοδαπὰ καὶ τὰς ἰδέας καὶ τὰ μεγέθη, εἰς ἃ συνερρυηκέναι τό τε ὕδωρ καὶ τὴν ὁμίχλην καὶ τὸν ἀέρα· αὐτὴν δὲ τὴν γῆν καθαρὰν ἐν καθαρῷ κεῖσθαι τῷ οὐρανῷ ἐν ᾧπέρ ἐστι τὰ ἄστρα, ὃν δὴ αἰθέρα ὀνομάζειν τοὺς πολλοὺς τῶν περὶ τὰ τοιαῦτα εἰωθότων λέγειν· οὗ δὴ ὑποστάθμην ταῦτα εἶναι καὶ συρρεῖν ἀεὶ εἰς τὰ κοῖλα τῆς γῆς. ἡμᾶς οὖν οἰκοῦντας ἐν τοῖς κοίλοις αὐτῆς λεληθέναι καὶ οἴεσθαι ἄνω ἐπὶ τῆς γῆς οἰκεῖν, ὥσπερ ἂν εἴ τις ἐν μέσῳ τῷ πυθμένι τοῦ πελάγους οἰκῶν οἴοιτό τε ἐπὶ τῆς θαλάττης οἰκεῖν καὶ διὰ τοῦ ὕδατος ὁρῶν τὸν ἥλιον καὶ τὰ ἄλλα ἄστρα τὴν θάλατταν ἡγοῖτο οὐρανὸν εἶναι, διὰ δὲ βραδυτῆτά τε καὶ ἀσθένειαν μηδεπώποτε ἐπὶ τὰ ἄκρα τῆς θαλάττης ἀφιγμένος μηδὲ ἑωρακὼς εἴη, ἐκδὺς καὶ ἀνακύψας ἐκ τῆς θαλάττης εἰς τὸν ἐνθάδε τόπον, ὅσῳ καθαρώτερος καὶ καλλίων τυγχάνει ὢν τοῦ παρὰ σφίσι, μηδὲ ἄλλου ἀκηκοὼς εἴη τοῦ ἑωρακότος. ταὐτὸν δὴ τοῦτο καὶ ἡμᾶς πεπονθέναι

Transliteration

PHAID. all , ephē ho Simmias , kai tauta arkei. pepeismai toinyn, ē d’ hos, egō hōs prōton men, ei estin en mesō tō ouranō peripherēs ousa, mēden autē dein mēte aeros pros to mē pesein mēte allēs anankēs mēdemias toiautēs, alla hikanēn einai autēn ischein tēn homoiotēta tou ouranoy autou heautō pantē kai tēs gēs autēs tēn isorrhopian isorrhopon gar pragma homoiou tinos en mesō tethen ouch hexei mallon oud’ hētton oudamose klithēnai, homoiōs d’ echon aklines menei. prōton men toinyn, ē d’ hos, touto pepeismai. kai orthōs ge, ephē ho Simmias . eti toinyn, ephē, pammega ti einai auto, kai hēmas oikein tous mechri hĒrakleiōn stēlōn apo PHasidos en smikrō tini moriō, hōsper peri telma myrmēkas ē batrachous peri tēn thalattan oikountas, kai allous allothi pollous en polloisi toioutois topois oikein. einai gar pantachē peri tēn gēn polla koila kai pantodapa kai tas ideas kai ta megethē, eis ha synerrhyēkenai to te hydōr kai tēn homichlēn kai ton aera autēn de tēn gēn katharan en katharō keisthai tō ouranō en hōper esti ta astra, hon dē aithera onomazein tous pollous tōn peri ta toiauta eiōthotōn legein hou dē hypostathmēn tauta einai kai syrrhein aei eis ta koila tēs gēs. hēmas oun oikountas en tois koilois autēs lelēthenai kai oiesthai anō epi tēs gēs oikein, hōsper an ei tis en mesō tō pythmeni tou pelagous oikōn oioito te epi tēs thalattēs oikein kai dia tou hydatos horōn ton hēlion kai ta alla astra tēn thalattan hēgoito ouranon einai, dia de bradytēta te kai astheneian mēdepōpote epi ta akra tēs thalattēs aphigmenos mēde heōrakōs eiē, ekdys kai anakypsas ek tēs thalattēs eis ton enthade topon, hosō katharōteros kai kalliōn tynchanei ōn tou para sphisi, mēde allou akēkoōs eiē tou heōrakotos. tauton dē touto kai hēmas peponthenai

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 109 part 1; transliteration: greek-transliteration (build)

Share X Facebook