Work 3 · Passage 105
Plato
Greek
· οἰκοῦντας γὰρ ἔν τινι κοίλῳ τῆς γῆς οἴεσθαι ἐπάνω αὐτῆς οἰκεῖν, καὶ τὸν ἀέρα οὐρανὸν καλεῖν, ὡς διὰ τούτου οὐρανοῦ ὄντος τὰ ἄστρα χωροῦντα· τὸ δὲ εἶναι ταὐτόν, ὑπ’ ἀσθενείας καὶ βραδυτῆτος οὐχ οἵους τε εἶναι ἡμᾶς διεξελθεῖν ἐπ᾽ ἔσχατον τὸν ἀέρα· ἐπεί, εἴ τις αὐτοῦ ἐπ’ ἄκρα ἔλθοι ἢ πτηνὸς γενόμενος ἀνάπτοιτο, κατιδεῖν ἂν ἀνακύψαντα, ὥσπερ ἐνθάδε οἱ ἐκ τῆς θαλάττης ἰχθύες ἀνακύπτοντες ὁρῶσι τὰ ἐνθάδε, οὕτως ἄν τινα καὶ τὰ ἐκεῖ κατιδεῖν, καὶ εἰ ἡ φύσις ἱκανὴ εἴη ἀνασχέσθαι θεωροῦσα, γνῶναι ἂν ὅτι ἐκεῖνός ἐστιν ὁ ἀληθῶς οὐρανὸς καὶ τὸ ἀληθινὸν φῶς καὶ ἡ ὡς ἀληθῶς γῆ.
Transliteration
oikountas gar en tini koilō tēs gēs oiesthai epanō autēs oikein, kai ton aera ouranon kalein, hōs dia toutoy ouranoy ontos ta astra chōrounta to de einai tauton, hyp’ astheneias kai bradytētos ouch hoious te einai hēmas diexelthein ep eschaton ton aera epei, ei tis autou ep’ akra elthoi ē ptēnos genomenos anaptoito, katidein an anakypsanta, hōsper enthade hoi ek tēs thalattēs ichthyes anakyptontes horōsi ta enthade, houtōs an tina kai ta ekei katidein, kai ei hē physis hikanē eiē anaschesthai theōrousa, gnōnai an hoti ekeinos estin ho alēthōs ouranos kai to alēthinon phōs kai hē hōs alēthōs gē.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 109 part 2; transliteration: greek-transliteration (build)