Work 3 · Passage 108
Plato
Greek
ΦΑΙΔ. τὴν δὲ γῆν αὐτὴν κεκοσμῆσθαι τούτοις τε ἅπασι καὶ ἔτι χρυσῷ τε καὶ ἀργύρῳ καὶ τοῖς ἄλλοις αὖ τοῖς τοιούτοις. ἐκφανῆ γὰρ αὐτὰ πεφυκέναι, ὄντα πολλὰ πλήθει καὶ μεγάλα καὶ πανταχοῦ τῆς γῆς, ὥστε αὐτὴν ἰδεῖν εἶναι θέαμα εὐδαιμόνων θεατῶν. ζῷα δ’ ἐπ’ αὐτῇ εἶναι ἄλλα τε πολλὰ καὶ ἀνθρώπους, τοὺς μὲν ἐν μεσογαίᾳ οἰκοῦντας, τοὺς δὲ περὶ τὸν ἀέρα ὥσπερ ἡμεῖς περὶ τὴν θάλατταν, τοὺς δ’ ἐν νήσοις ἃς περιρρεῖν τὸν ἀέρα πρὸς τῇ ἠπείρῳ οὔσας· καὶ ἑνὶ λόγῳ, ὅπερ ἡμῖν τὸ ὕδωρ τε καὶ ἡ θάλαττά ἐστι πρὸς τὴν ἡμετέραν χρείαν, τοῦτο ἐκεῖ τὸν ἀέρα, ὃ δὲ ἡμῖν ἀήρ, ἐκείνοις τὸν αἰθέρα. τὰς δὲ ὥρας αὐτοῖς κρᾶσιν ἔχειν τοιαύτην ὥστε ἐκείνους ἀνόσους εἶναι καὶ χρόνον τε ζῆν πολὺ πλείω τῶν ἐνθάδε, καὶ ὄψει καὶ ἀκοῇ καὶ φρονήσει καὶ πᾶσι τοῖς τοιούτοις ἡμῶν ἀφεστάναι τῇ αὐτῇ ἀποστάσει ᾗπερ ἀήρ τε ὕδατος ἀφέστηκεν καὶ αἰθὴρ ἀέρος πρὸς καθαρότητα. καὶ δὴ καὶ θεῶν ἄλση τε καὶ ἱερὰ αὐτοῖς εἶναι, ἐν οἷς τῷ ὄντι οἰκητὰς θεοὺς εἶναι, καὶ φήμας τε καὶ μαντείας καὶ αἰσθήσεις τῶν θεῶν καὶ τοιαύτας συνουσίας γίγνεσθαι αὐτοῖς πρὸς αὐτούς· καὶ τόν γε ἥλιον καὶ σελήνην καὶ ἄστρα ὁρᾶσθαι ὑπ’ αὐτῶν οἷα τυγχάνει ὄντα, καὶ τὴν ἄλλην εὐδαιμονίαν τούτων ἀκόλουθον εἶναι. καὶ ὅλην μὲν δὴ τὴν γῆν οὕτω πεφυκέναι καὶ τὰ περὶ τὴν γῆν
Transliteration
PHAID. tēn de gēn autēn kekosmēsthai toutois te hapasi kai eti chrysō te kai argyrō kai tois allois au tois toioutois. ekphanē gar auta pephykenai, onta polla plēthei kai megala kai pantachou tēs gēs, hōste autēn idein einai theama eudaimonōn theatōn. zōa d’ ep’ autē einai alla te polla kai anthrōpous, tous men en mesogaia oikountas, tous de peri ton aera hōsper hēmeis peri tēn thalattan, tous d’ en nēsois has perirrhein ton aera pros tē ēpeirō ousas kai heni logō, hoper hēmin to hydōr te kai hē thalatta esti pros tēn hēmeteran chreian, touto ekei ton aera, ho de hēmin aēr, ekeinois ton aithera. tas de hōras autois krasin echein toiautēn hōste ekeinous anosous einai kai chronon te zēn poly pleiō tōn enthade, kai opsei kai akoē kai phronēsei kai pasi tois toioutois hēmōn aphestanai tē autē apostasei hēper aēr te hydatos aphestēken kai aithēr aeros pros katharotēta. kai dē kai theōn alsē te kai hiera autois einai, en hois tō onti oikētas theous einai, kai phēmas te kai manteias kai aisthēseis tōn theōn kai toiautas synousias gignesthai autois pros autous kai ton ge hēlion kai selēnēn kai astra horasthai hyp’ autōn hoia tynchanei onta, kai tēn allēn eudaimonian toutōn akolouthon einai. kai holēn men dē tēn gēn houtō pephykenai kai ta peri tēn gēn
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 111 part 1; transliteration: greek-transliteration (build)