Languages

Work 3 · Passage 109

Work 3 · Passage 109

Plato

Greek

· τόπους δ’ ἐν αὐτῇ εἶναι κατὰ τὰ ἔγκοιλα αὐτῆς κύκλῳ περὶ ὅλην πολλούς, τοὺς μὲν βαθυτέρους καὶ ἀναπεπταμένους μᾶλλον ἢ ἐν ᾧ ἡμεῖς οἰκοῦμεν, τοὺς δὲ βαθυτέρους ὄντας τὸ χάσμα αὐτοὺς ἔλαττον ἔχειν τοῦ παρ’ ἡμῖν τόπου, ἔστι δ’ οὓς καὶ βραχυτέρους τῷ βάθει τοῦ ἐνθάδε εἶναι καὶ πλατυτέρους. τούτους δὲ πάντας ὑπὸ γῆν εἰς ἀλλήλους συντετρῆσθαί τε πολλαχῇ καὶ κατὰ στενότερα καὶ εὐρύτερα καὶ διεξόδους ἔχειν, ᾗ πολὺ μὲν ὕδωρ ῥεῖν ἐξ ἀλλήλων εἰς ἀλλήλους ὥσπερ εἰς κρατῆρας, καὶ ἀενάων ποταμῶν ἀμήχανα μεγέθη ὑπὸ τὴν γῆν καὶ θερμῶν ὑδάτων καὶ ψυχρῶν, πολὺ δὲ πῦρ καὶ πυρὸς μεγάλους ποταμούς, πολλοὺς δὲ ὑγροῦ πηλοῦ καὶ καθαρωτέρου καὶ βορβορωδεστέρου, ὥσπερ ἐν Σικελίᾳ οἱ πρὸ τοῦ ῥύακος πηλοῦ ῥέοντες ποταμοὶ καὶ αὐτὸς ὁ ῥύαξ· ὧν δὴ καὶ ἑκάστους τοὺς τόπους πληροῦσθαι, ὡς ἂν ἑκάστοις τύχῃ ἑκάστοτε ἡ περιρροὴ γιγνομένη. ταῦτα δὲ πάντα κινεῖν ἄνω καὶ κάτω ὥσπερ αἰώραν τινὰ ἐνοῦσαν ἐν τῇ γῇ· ἔστι δὲ ἄρα αὕτη ἡ αἰώρα διὰ φύσιν τοιάνδε τινά.

Transliteration

topous d’ en autē einai kata ta enkoila autēs kyklō peri holēn pollous, tous men bathyterous kai anapeptamenous mallon ē en hō hēmeis oikoumen, tous de bathyterous ontas to chasma autous elatton echein tou par’ hēmin topou, esti d’ hous kai brachyterous tō bathei tou enthade einai kai platyterous. toutoys de pantas hypo gēn eis allēlous syntetrēsthai te pollachē kai kata stenotera kai eurytera kai diexodous echein, hē poly men hydōr rhein ex allēlōn eis allēlous hōsper eis kratēras, kai aenaōn potamōn amēchana megethē hypo tēn gēn kai thermōn hydatōn kai psychrōn, poly de pyr kai pyros megalous potamous, pollous de hygrou pēlou kai katharōterou kai borborōdesterou, hōsper en Sikelia hoi pro tou rhyakos pēlou rheontes potamoi kai autos ho rhyax hōn dē kai hekastous tous topous plērousthai, hōs an hekastois tychē hekastote hē perirrhoē gignomenē. tauta de panta kinein anō kai katō hōsper aiōran tina enousan en tē gē esti de ara hautē hē aiōra dia physin toiande tina.

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 111 part 2; transliteration: greek-transliteration (build)

Share X Facebook