Languages

Work 3 · Passage 110

Work 3 · Passage 110

Plato

Greek

ΦΑΙΔ. ἕν τι τῶν χασμάτων τῆς γῆς ἄλλως τε μέγιστον τυγχάνει ὂν καὶ διαμπερὲς τετρημένον δι’ ὅλης τῆς γῆς, τοῦτο ὅπερ Ὅμηρος εἶπε, λέγων αὐτό τῆλε μάλ᾽, ᾗχι βάθιστον ὑπὸ χθονός ἐστι βέρεθρον· Hom. Il. 8.14 ὃ καὶ ἄλλοθι καὶ ἐκεῖνος καὶ ἄλλοι πολλοὶ τῶν ποιητῶν Τάρταρον κεκλήκασιν. εἰς γὰρ τοῦτο τὸ χάσμα συρρέουσί τε πάντες οἱ ποταμοὶ καὶ ἐκ τούτου πάλιν ἐκρέουσιν· γίγνονται δὲ ἕκαστοι τοιοῦτοι δι’ οἵας ἂν καὶ τῆς γῆς ῥέωσιν. ἡ δὲ αἰτία ἐστὶν τοῦ ἐκρεῖν τε ἐντεῦθεν καὶ εἰσρεῖν πάντα τὰ ῥεύματα, ὅτι πυθμένα οὐκ ἔχει οὐδὲ βάσιν τὸ ὑγρὸν τοῦτο. αἰωρεῖται δὴ καὶ κυμαίνει ἄνω καὶ κάτω, καὶ ὁ ἀὴρ καὶ τὸ πνεῦμα τὸ περὶ αὐτὸ ταὐτὸν ποιεῖ· συνέπεται γὰρ αὐτῷ καὶ ὅταν εἰς τὸ ἐπ’ ἐκεῖνα τῆς γῆς ὁρμήσῃ καὶ ὅταν εἰς τὸ ἐπὶ τάδε, καὶ ὥσπερ τῶν ἀναπνεόντων ἀεὶ ἐκπνεῖ τε καὶ ἀναπνεῖ ῥέον τὸ πνεῦμα, οὕτω καὶ ἐκεῖ συναιωρούμενον τῷ ὑγρῷ τὸ πνεῦμα δεινούς τινας ἀνέμους καὶ ἀμηχάνους παρέχεται καὶ εἰσιὸν καὶ ἐξιόν. ὅταν τε οὖν ὑποχωρήσῃ τὸ ὕδωρ εἰς τὸν τόπον τὸν δὴ κάτω καλούμενον, τοῖς κατ’ ἐκεῖνα τὰ ῥεύματα τῆς γῆς εἰσρεῖ τε καὶ πληροῖ αὐτὰ ὥσπερ οἱ ἐπαντλοῦντες· ὅταν τε αὖ ἐκεῖθεν μὲν ἀπολίπῃ, δεῦρο δὲ ὁρμήσῃ, τὰ ἐνθάδε πληροῖ αὖθις, τὰ δὲ πληρωθέντα ῥεῖ διὰ τῶν ὀχετῶν καὶ διὰ τῆς γῆς, καὶ εἰς τοὺς τόπους ἕκαστα ἀφικνούμενα, εἰς οὓς ἑκάστοις ὡδοποίηται, θαλάττας τε καὶ λίμνας καὶ ποταμοὺς καὶ κρήνας ποιεῖ· ἐντεῦθεν δὲ πάλιν δυόμενα κατὰ τῆς γῆς, τὰ μὲν μακροτέρους τόπους περιελθόντα καὶ πλείους, τὰ δὲ ἐλάττους καὶ βραχυτέρους, πάλιν εἰς τὸν Τάρταρον ἐμβάλλει, τὰ μὲν πολὺ κατωτέρω ἢ ᾗ ἐπηντλεῖτο, τὰ δὲ ὀλίγον· πάντα δὲ ὑποκάτω εἰσρεῖ τῆς ἐκροῆς, καὶ ἔνια μὲν καταντικρὺ ἢ ᾗ ἐξέπεσεν, ἔνια δὲ κατὰ τὸ αὐτὸ μέρος

Transliteration

PHAID. hen ti tōn chasmatōn tēs gēs allōs te megiston tynchanei on kai diamperes tetrēmenon di’ holēs tēs gēs, touto hoper hOmēros eipe, legōn auto tēle mal , hēchi bathiston hypo chthonos esti berethron Hom. Il. 8.14 ho kai allothi kai ekeinos kai alloi polloi tōn poiētōn Tartaron keklēkasin. eis gar touto to chasma syrrheousi te pantes hoi potamoi kai ek toutoy palin ekreousin gignontai de hekastoi toioutoi di’ hoias an kai tēs gēs rheōsin. hē de aitia estin tou ekrein te enteuthen kai eisrein panta ta rheumata, hoti pythmena ouk echei oude basin to hygron touto. aiōreitai dē kai kymainei anō kai katō, kai ho aēr kai to pneuma to peri auto tauton poiei synepetai gar autō kai hotan eis to ep’ ekeina tēs gēs hormēsē kai hotan eis to epi tade, kai hōsper tōn anapneontōn aei ekpnei te kai anapnei rheon to pneuma, houtō kai ekei synaiōroumenon tō hygrō to pneuma deinous tinas anemous kai amēchanous parechetai kai eision kai exion. hotan te oun hypochōrēsē to hydōr eis ton topon ton dē katō kaloumenon, tois kat’ ekeina ta rheumata tēs gēs eisrei te kai plēroi auta hōsper hoi epantlountes hotan te au ekeithen men apolipē, deuro de hormēsē, ta enthade plēroi authis, ta de plērōthenta rhei dia tōn ochetōn kai dia tēs gēs, kai eis tous topous hekasta aphiknoumena, eis hous hekastois hōdopoiētai, thalattas te kai limnas kai potamous kai krēnas poiei enteuthen de palin dyomena kata tēs gēs, ta men makroterous topous perielthonta kai pleious, ta de elattous kai brachyterous, palin eis ton Tartaron emballei, ta men poly katōterō ē hē epēntleito, ta de oligon panta de hypokatō eisrei tēs ekroēs, kai enia men katantikry ē hē exepesen, enia de kata to auto meros

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 112 part 1; transliteration: greek-transliteration (build)

Share X Facebook