Work 3 · Passage 115
Plato
Greek
· ὅτι μέντοι ἢ ταῦτ᾽ ἐστὶν ἢ τοιαῦτ’ ἄττα περὶ τὰς ψυχὰς ἡμῶν καὶ τὰς οἰκήσεις, ἐπείπερ ἀθάνατόν γε ἡ ψυχὴ φαίνεται οὖσα, τοῦτο καὶ πρέπειν μοι δοκεῖ καὶ ἄξιον κινδυνεῦσαι οἰομένῳ οὕτως ἔχειν — καλὸς γὰρ ὁ κίνδυνος — καὶ χρὴ τὰ τοιαῦτα ὥσπερ ἐπᾴδειν ἑαυτῷ, διὸ δὴ ἔγωγε καὶ πάλαι μηκύνω τὸν μῦθον. ἀλλὰ τούτων δὴ ἕνεκα θαρρεῖν χρὴ περὶ τῇ ἑαυτοῦ ψυχῇ ἄνδρα ὅστις ἐν τῷ βίῳ τὰς μὲν ἄλλας ἡδονὰς τὰς περὶ τὸ σῶμα καὶ τοὺς κόσμους εἴασε χαίρειν, ὡς ἀλλοτρίους τε ὄντας, καὶ πλέον θάτερον ἡγησάμενος ἀπεργάζεσθαι, τὰς δὲ περὶ τὸ μανθάνειν ἐσπούδασέ τε καὶ κοσμήσας τὴν ψυχὴν οὐκ ἀλλοτρίῳ ἀλλὰ τῷ αὐτῆς κόσμῳ, σωφροσύνῃ τε καὶ δικαιοσύνῃ καὶ ἀνδρείᾳ καὶ ἐλευθερίᾳ καὶ ἀληθείᾳ, οὕτω περιμένει τὴν εἰς Ἅιδου πορείαν .
Transliteration
hoti mentoi ē taut estin ē toiaut’ atta peri tas psychas hēmōn kai tas oikēseis, epeiper athanaton ge hē psychē phainetai ousa, touto kai prepein moi dokei kai axion kindyneusai oiomenō houtōs echein — kalos gar ho kindynos — kai chrē ta toiauta hōsper epadein heautō, dio dē egōge kai palai mēkynō ton mython. alla toutōn dē heneka tharrhein chrē peri tē heautou psychē andra hostis en tō biō tas men allas hēdonas tas peri to sōma kai tous kosmous eiase chairein, hōs allotrious te ontas, kai pleon thateron hēgēsamenos apergazesthai, tas de peri to manthanein espoudase te kai kosmēsas tēn psychēn ouk allotriō alla tō autēs kosmō, sōphrosynē te kai dikaiosynē kai andreia kai eleutheria kai alētheia, houtō perimenei tēn eis hAidou poreian .
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 114 part 2; transliteration: greek-transliteration (build)