Languages

Work 3 · Passage 116

Work 3 · Passage 116

Plato

Greek

ΦΑΙΔ. ὑμεῖς μὲν οὖν, ἔφη, ὦ Σιμμία τε καὶ Κέβης καὶ οἱ ἄλλοι, εἰς αὖθις ἔν τινι χρόνῳ ἕκαστοι πορεύσεσθε· ἐμὲ δὲ νῦν ἤδη καλεῖ, φαίη ἂν ἀνὴρ τραγικός, ἡ εἱμαρμένη, καὶ σχεδόν τί μοι ὥρα τραπέσθαι πρὸς τὸ λουτρόν· δοκεῖ γὰρ δὴ βέλτιον εἶναι λουσάμενον πιεῖν τὸ φάρμακον καὶ μὴ πράγματα ταῖς γυναιξὶ παρέχειν νεκρὸν λούειν. ταῦτα δὴ εἰπόντος αὐτοῦ ὁ Κρίτων , εἶεν, ἔφη, ὦ Σώκρατες · τί δὲ τούτοις ἢ ἐμοὶ ἐπιστέλλεις ἢ περὶ τῶν παίδων ἢ περὶ ἄλλου του, ὅτι ἄν σοι ποιοῦντες ἡμεῖς ἐν χάριτι μάλιστα ποιοῖμεν; ἅπερ ἀεὶ λέγω, ἔφη, ὦ Κρίτων , οὐδὲν καινότερον· ὅτι ὑμῶν αὐτῶν ἐπιμελούμενοι ὑμεῖς καὶ ἐμοὶ καὶ τοῖς ἐμοῖς καὶ ὑμῖν αὐτοῖς ἐν χάριτι ποιήσετε ἅττ’ ἂν ποιῆτε, κἂν μὴ νῦν ὁμολογήσητε· ἐὰν δὲ ὑμῶν αὐτῶν ἀμελῆτε καὶ μὴ ᾽θέλητε ὥσπερ κατ’ ἴχνη κατὰ τὰ νῦν τε εἰρημένα καὶ τὰ ἐν τῷ ἔμπροσθεν χρόνῳ ζῆν, οὐδὲ ἐὰν πολλὰ ὁμολογήσητε ἐν τῷ παρόντι καὶ σφόδρα, οὐδὲν πλέον ποιήσετε. ταῦτα μὲν τοίνυν προθυμησόμεθα, ἔφη, οὕτω ποιεῖν· θάπτωμεν δέ σε τίνα τρόπον; ὅπως ἄν, ἔφη, βούλησθε, ἐάνπερ γε λάβητέ με καὶ μὴ ἐκφύγω ὑμᾶς. γελάσας δὲ ἅμα ἡσυχῇ καὶ πρὸς ἡμᾶς ἀποβλέψας εἶπεν· οὐ πείθω, ὦ ἄνδρες, Κρίτωνα , ὡς ἐγώ εἰμι οὗτος Σωκράτης , ὁ νυνὶ διαλεγόμενος καὶ διατάττων ἕκαστον τῶν λεγομένων, ἀλλ’ οἴεταί με ἐκεῖνον εἶναι ὃν ὄψεται ὀλίγον ὕστερον νεκρόν, καὶ ἐρωτᾷ δὴ πῶς με θάπτῃ. ὅτι δὲ ἐγὼ πάλαι πολὺν λόγον πεποίημαι, ὡς, ἐπειδὰν πίω τὸ φάρμακον, οὐκέτι ὑμῖν παραμενῶ, ἀλλ’ οἰχήσομαι ἀπιὼν εἰς μακάρων δή τινας εὐδαιμονίας, ταῦτά μοι δοκῶ αὐτῷ ἄλλως λέγειν, παραμυθούμενος ἅμα μὲν ὑμᾶς, ἅμα δ’ ἐμαυτόν. ἐγγυήσασθε οὖν με πρὸς Κρίτωνα , ἔφη, τὴν ἐναντίαν ἐγγύην ἢ ἣν οὗτος πρὸς τοὺς δικαστὰς ἠγγυᾶτο. οὗτος μὲν γὰρ ἦ μὴν παραμενεῖν

Transliteration

PHAID. hymeis men oun, ephē, ō Simmia te kai Kebēs kai hoi alloi, eis authis en tini chronō hekastoi poreusesthe eme de nyn ēdē kalei, phaiē an anēr tragikos, hē heimarmenē, kai schedon ti moi hōra trapesthai pros to loutron dokei gar dē beltion einai lousamenon piein to pharmakon kai mē pragmata tais gynaixi parechein nekron louein. tauta dē eipontos autou ho Kritōn , eien, ephē, ō Sōkrates ti de toutois ē emoi epistelleis ē peri tōn paidōn ē peri allou tou, hoti an soi poiountes hēmeis en chariti malista poioimen; haper aei legō, ephē, ō Kritōn , ouden kainoteron hoti hymōn autōn epimeloumenoi hymeis kai emoi kai tois emois kai hymin autois en chariti poiēsete hatt’ an poiēte, kan mē nyn homologēsēte ean de hymōn autōn amelēte kai mē thelēte hōsper kat’ ichnē kata ta nyn te eirēmena kai ta en tō emprosthen chronō zēn, oude ean polla homologēsēte en tō paronti kai sphodra, ouden pleon poiēsete. tauta men toinyn prothymēsometha, ephē, houtō poiein thaptōmen de se tina tropon; hopōs an, ephē, boulēsthe, eanper ge labēte me kai mē ekphygō hymas. gelasas de hama hēsychē kai pros hēmas apoblepsas eipen ou peithō, ō andres, Kritōna , hōs egō eimi houtos Sōkratēs , ho nyni dialegomenos kai diatattōn hekaston tōn legomenōn, all’ oietai me ekeinon einai hon opsetai oligon hysteron nekron, kai erōta dē pōs me thaptē. hoti de egō palai polyn logon pepoiēmai, hōs, epeidan piō to pharmakon, ouketi hymin paramenō, all’ oichēsomai apiōn eis makarōn dē tinas eudaimonias, tauta moi dokō autō allōs legein, paramythoumenos hama men hymas, hama d’ emauton. engyēsasthe oun me pros Kritōna , ephē, tēn enantian engyēn ē hēn houtos pros tous dikastas ēngyato. houtos men gar ē mēn paramenein

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 115 part 1; transliteration: greek-transliteration (build)

Share X Facebook