Work 3 · Passage 120
Plato
Greek
ΦΑΙΔ. καὶ ὁ Σωκράτης , εἰκότως γε, ἔφη, ὦ Κρίτων , ἐκεῖνοί τε ταῦτα ποιοῦσιν, οὓς σὺ λέγεις — οἴονται γὰρ κερδαίνειν ταῦτα ποιήσαντες — καὶ ἔγωγε ταῦτα εἰκότως οὐ ποιήσω· οὐδὲν γὰρ οἶμαι κερδανεῖν ὀλίγον ὕστερον πιὼν ἄλλο γε ἢ γέλωτα ὀφλήσειν παρ᾽ ἐμαυτῷ, γλιχόμενος τοῦ ζῆν καὶ φειδόμενος οὐδενὸς ἔτι ἐνόντος. ἀλλ’ ἴθι, ἔφη, πείθου καὶ μὴ ἄλλως ποίει. καὶ ὁ Κρίτων ἀκούσας ἔνευσε τῷ παιδὶ πλησίον ἑστῶτι. καὶ ὁ παῖς ἐξελθὼν καὶ συχνὸν χρόνον διατρίψας ἧκεν ἄγων τὸν μέλλοντα δώσειν τὸ φάρμακον, ἐν κύλικι φέροντα τετριμμένον. ἰδὼν δὲ ὁ Σωκράτης τὸν ἄνθρωπον, εἶεν, ἔφη, ὦ βέλτιστε, σὺ γὰρ τούτων ἐπιστήμων, τί χρὴ ποιεῖν; οὐδὲν ἄλλο, ἔφη, ἢ πιόντα περιιέναι, ἕως ἄν σου βάρος ἐν τοῖς σκέλεσι γένηται, ἔπειτα κατακεῖσθαι· καὶ οὕτως αὐτὸ ποιήσει. καὶ ἅμα ὤρεξε τὴν κύλικα τῷ Σωκράτει . καὶ ὃς λαβὼν καὶ μάλα ἵλεως, ὦ Ἐχέκρατες , οὐδὲν τρέσας οὐδὲ διαφθείρας οὔτε τοῦ χρώματος οὔτε τοῦ προσώπου, ἀλλ’ ὥσπερ εἰώθει ταυρηδὸν ὑποβλέψας πρὸς τὸν ἄνθρωπον, τί λέγεις, ἔφη, περὶ τοῦδε τοῦ πώματος πρὸς τὸ ἀποσπεῖσαί τινι; ἔξεστιν ἢ οὔ; τοσοῦτον, ἔφη, ὦ Σώκρατες , τρίβομεν ὅσον οἰόμεθα μέτριον εἶναι πιεῖν. μανθάνω, ἦ δ’ ὅς· ἀλλ’ εὔχεσθαί γέ που τοῖς θεοῖς ἔξεστί τε καὶ χρή, τὴν μετοίκησιν τὴν ἐνθένδε ἐκεῖσε εὐτυχῆ γενέσθαι
Transliteration
PHAID. kai ho Sōkratēs , eikotōs ge, ephē, ō Kritōn , ekeinoi te tauta poiousin, hous sy legeis — oiontai gar kerdainein tauta poiēsantes — kai egōge tauta eikotōs ou poiēsō ouden gar oimai kerdanein oligon hysteron piōn allo ge ē gelōta ophlēsein par emautō, glichomenos tou zēn kai pheidomenos oudenos eti enontos. all’ ithi, ephē, peithou kai mē allōs poiei. kai ho Kritōn akousas eneuse tō paidi plēsion hestōti. kai ho pais exelthōn kai sychnon chronon diatripsas hēken agōn ton mellonta dōsein to pharmakon, en kyliki pheronta tetrimmenon. idōn de ho Sōkratēs ton anthrōpon, eien, ephē, ō beltiste, sy gar toutōn epistēmōn, ti chrē poiein; ouden allo, ephē, ē pionta periienai, heōs an sou baros en tois skelesi genētai, epeita katakeisthai kai houtōs auto poiēsei. kai hama ōrexe tēn kylika tō Sōkratei . kai hos labōn kai mala hileōs, ō Echekrates , ouden tresas oude diaphtheiras oute tou chrōmatos oute tou prosōpou, all’ hōsper eiōthei taurēdon hypoblepsas pros ton anthrōpon, ti legeis, ephē, peri toude tou pōmatos pros to apospeisai tini; exestin ē ou; tosouton, ephē, ō Sōkrates , tribomen hoson oiometha metrion einai piein. manthanō, ē d’ hos all’ euchesthai ge pou tois theois exesti te kai chrē, tēn metoikēsin tēn enthende ekeise eutychē genesthai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 117 part 1; transliteration: greek-transliteration (build)