Work 3 · Passage 121
Plato
Greek
· ἃ δὴ καὶ ἐγὼ εὔχομαί τε καὶ γένοιτο ταύτῃ. καὶ ἅμ’ εἰπὼν ταῦτα ἐπισχόμενος καὶ μάλα εὐχερῶς καὶ εὐκόλως ἐξέπιεν. καὶ ἡμῶν οἱ πολλοὶ τέως μὲν ἐπιεικῶς οἷοί τε ἦσαν κατέχειν τὸ μὴ δακρύειν, ὡς δὲ εἴδομεν πίνοντά τε καὶ πεπωκότα, οὐκέτι, ἀλλ’ ἐμοῦ γε βίᾳ καὶ αὐτοῦ ἀστακτὶ ἐχώρει τὰ δάκρυα, ὥστε ἐγκαλυψάμενος ἀπέκλαον ἐμαυτόν — οὐ γὰρ δὴ ἐκεῖνόν γε, ἀλλὰ τὴν ἐμαυτοῦ τύχην, οἵου ἀνδρὸς ἑταίρου ἐστερημένος εἴην. ὁ δὲ Κρίτων ἔτι πρότερος ἐμοῦ, ἐπειδὴ οὐχ οἷός τ’ ἦν κατέχειν τὰ δάκρυα, ἐξανέστη. Ἀπολλόδωρος δὲ καὶ ἐν τῷ ἔμπροσθεν χρόνῳ οὐδὲν ἐπαύετο δακρύων, καὶ δὴ καὶ τότε ἀναβρυχησάμενος κλάων καὶ ἀγανακτῶν οὐδένα ὅντινα οὐ κατέκλασε τῶν παρόντων πλήν γε αὐτοῦ Σωκράτους . ἐκεῖνος δέ, οἷα, ἔφη, ποιεῖτε, ὦ θαυμάσιοι. ἐγὼ μέντοι οὐχ ἥκιστα τούτου ἕνεκα τὰς γυναῖκας ἀπέπεμψα, ἵνα μὴ τοιαῦτα πλημμελοῖεν· καὶ γὰρ ἀκήκοα ὅτι ἐν εὐφημίᾳ χρὴ τελευτᾶν. ἀλλ’ ἡσυχίαν τε ἄγετε καὶ καρτερεῖτε. καὶ ἡμεῖς ἀκούσαντες ᾐσχύνθημέν τε καὶ ἐπέσχομεν τοῦ δακρύειν. ὁ δὲ περιελθών, ἐπειδή οἱ βαρύνεσθαι ἔφη τὰ σκέλη, κατεκλίνη ὕπτιος — οὕτω γὰρ ἐκέλευεν ὁ ἄνθρωπος — καὶ ἅμα ἐφαπτόμενος αὐτοῦ οὗτος ὁ δοὺς τὸ φάρμακον, διαλιπὼν χρόνον ἐπεσκόπει τοὺς πόδας καὶ τὰ σκέλη, κἄπειτα σφόδρα πιέσας αὐτοῦ τὸν πόδα ἤρετο εἰ αἰσθάνοιτο, ὁ δ’ οὐκ ἔφη.
Transliteration
ha dē kai egō euchomai te kai genoito tautē. kai ham’ eipōn tauta epischomenos kai mala eucherōs kai eukolōs exepien. kai hēmōn hoi polloi teōs men epieikōs hoioi te ēsan katechein to mē dakryein, hōs de eidomen pinonta te kai pepōkota, ouketi, all’ emou ge bia kai autou astakti echōrei ta dakrya, hōste enkalypsamenos apeklaon emauton — ou gar dē ekeinon ge, alla tēn emautou tychēn, hoiou andros hetairou esterēmenos eiēn. ho de Kritōn eti proteros emou, epeidē ouch hoios t’ ēn katechein ta dakrya, exanestē. Apollodōros de kai en tō emprosthen chronō ouden epaueto dakryōn, kai dē kai tote anabrychēsamenos klaōn kai aganaktōn oudena hontina ou kateklase tōn parontōn plēn ge autou Sōkratous . ekeinos de, hoia, ephē, poieite, ō thaumasioi. egō mentoi ouch hēkista toutoy heneka tas gynaikas apepempsa, hina mē toiauta plēmmeloien kai gar akēkoa hoti en euphēmia chrē teleutan. all’ hēsychian te agete kai kartereite. kai hēmeis akousantes ēschynthēmen te kai epeschomen tou dakryein. ho de perielthōn, epeidē hoi barynesthai ephē ta skelē, kateklinē hyptios — houtō gar ekeleuen ho anthrōpos — kai hama ephaptomenos autou houtos ho dous to pharmakon, dialipōn chronon epeskopei tous podas kai ta skelē, kapeita sphodra piesas autou ton poda ēreto ei aisthanoito, ho d’ ouk ephē.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 117 part 2; transliteration: greek-transliteration (build)