Work 3 · Passage 122
Plato
Greek
ΦΑΙΔ. καὶ μετὰ τοῦτο αὖθις τὰς κνήμας· καὶ ἐπανιὼν οὕτως ἡμῖν ἐπεδείκνυτο ὅτι ψύχοιτό τε καὶ πήγνυτο. καὶ αὐτὸς ἥπτετο καὶ εἶπεν ὅτι, ἐπειδὰν πρὸς τῇ καρδίᾳ γένηται αὐτῷ, τότε οἰχήσεται. ἤδη οὖν σχεδόν τι αὐτοῦ ἦν τὰ περὶ τὸ ἦτρον ψυχόμενα, καὶ ἐκκαλυψάμενος — ἐνεκεκάλυπτο γάρ — εἶπεν — ὃ δὴ τελευταῖον ἐφθέγξατο — ὦ Κρίτων , ἔφη, τῷ Ἀσκληπιῷ ὀφείλομεν ἀλεκτρυόνα· ἀλλὰ ἀπόδοτε καὶ μὴ ἀμελήσητε. ἀλλὰ ταῦτα, ἔφη, ἔσται, ὁ Κρίτων · ἀλλ᾽ ὅρα εἴ τι ἄλλο λέγεις. ταῦτα ἐρομένου αὐτοῦ οὐδὲν ἔτι ἀπεκρίνατο, ἀλλ’ ὀλίγον χρόνον διαλιπὼν ἐκινήθη τε καὶ ὁ ἄνθρωπος ἐξεκάλυψεν αὐτόν, καὶ ὃς τὰ ὄμματα ἔστησεν· ἰδὼν δὲ ὁ Κρίτων συνέλαβε τὸ στόμα καὶ τοὺς ὀφθαλμούς. ἥδε ἡ τελευτή, ὦ Ἐχέκρατες , τοῦ ἑταίρου ἡμῖν ἐγένετο, ἀνδρός, ὡς ἡμεῖς φαῖμεν ἄν, τῶν τότε ὧν ἐπειράθημεν ἀρίστου καὶ ἄλλως φρονιμωτάτου καὶ δικαιοτάτου.
Transliteration
PHAID. kai meta touto authis tas knēmas kai epaniōn houtōs hēmin epedeiknyto hoti psychoito te kai pēgnyto. kai autos hēpteto kai eipen hoti, epeidan pros tē kardia genētai autō, tote oichēsetai. ēdē oun schedon ti autou ēn ta peri to ētron psychomena, kai ekkalypsamenos — enekekalypto gar — eipen — ho dē teleutaion ephthenxato — ō Kritōn , ephē, tō Asklēpiō opheilomen alektryona alla apodote kai mē amelēsēte. alla tauta, ephē, estai, ho Kritōn all hora ei ti allo legeis. tauta eromenou autou ouden eti apekrinato, all’ oligon chronon dialipōn ekinēthē te kai ho anthrōpos exekalypsen auton, kai hos ta ommata estēsen idōn de ho Kritōn synelabe to stoma kai tous ophthalmous. hēde hē teleutē, ō Echekrates , tou hetairou hēmin egeneto, andros, hōs hēmeis phaimen an, tōn tote hōn epeirathēmen aristou kai allōs phronimōtatou kai dikaiotatou.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 118; transliteration: greek-transliteration (build)