Work 3 · Passage 13
Plato
Greek
· νῦν δὲ εὖ ἴστε ὅτι παρ’ ἄνδρας τε ἐλπίζω ἀφίξεσθαι ἀγαθούς — καὶ τοῦτο μὲν οὐκ ἂν πάνυ διισχυρισαίμην — ὅτι μέντοι παρὰ θεοὺς δεσπότας πάνυ ἀγαθοὺς ἥξειν, εὖ ἴστε ὅτι εἴπερ τι ἄλλο τῶν τοιούτων διισχυρισαίμην ἂν καὶ τοῦτο. ὥστε διὰ ταῦτα οὐχ ὁμοίως ἀγανακτῶ, ἀλλ’ εὔελπίς εἰμι εἶναί τι τοῖς τετελευτηκόσι καί, ὥσπερ γε καὶ πάλαι λέγεται, πολὺ ἄμεινον τοῖς ἀγαθοῖς ἢ τοῖς κακοῖς. τί οὖν, ἔφη ὁ Σιμμίας , ὦ Σώκρατες ; αὐτὸς ἔχων τὴν διάνοιαν ταύτην ἐν νῷ ἔχεις ἀπιέναι, ἢ κἂν ἡμῖν μεταδοίης; κοινὸν γὰρ δὴ ἔμοιγε δοκεῖ καὶ ἡμῖν εἶναι ἀγαθὸν τοῦτο, καὶ ἅμα σοι ἡ ἀπολογία ἔσται, ἐὰν ἅπερ λέγεις ἡμᾶς πείσῃς. ἀλλὰ πειράσομαι, ἔφη. πρῶτον δὲ Κρίτωνα τόνδε σκεψώμεθα τί ἐστιν ὃ βούλεσθαί μοι δοκεῖ πάλαι εἰπεῖν. τί δέ, ὦ Σώκρατες , ἔφη ὁ Κρίτων , ἄλλο γε ἢ πάλαι μοι λέγει ὁ μέλλων σοι δώσειν τὸ φάρμακον ὅτι χρή σοι φράζειν ὡς ἐλάχιστα διαλέγεσθαι; φησὶ γὰρ θερμαίνεσθαι μᾶλλον διαλεγομένους, δεῖν δὲ οὐδὲν τοιοῦτον προσφέρειν τῷ φαρμάκῳ· εἰ δὲ μή, ἐνίοτε ἀναγκάζεσθαι καὶ δὶς καὶ τρὶς πίνειν τούς τι τοιοῦτον ποιοῦντας. καὶ ὁ Σωκράτης , ἔα, ἔφη, χαίρειν αὐτόν· ἀλλὰ μόνον τὸ ἑαυτοῦ παρασκευαζέτω ὡς καὶ δὶς δώσων, ἐὰν δὲ δέῃ, καὶ τρίς. ἀλλὰ σχεδὸν μέν τι ᾔδη, ἔφη ὁ Κρίτων · ἀλλά μοι πάλαι πράγματα παρέχει. ἔα αὐτόν, ἔφη.
Transliteration
nyn de eu iste hoti par’ andras te elpizō aphixesthai agathous — kai touto men ouk an pany diischyrisaimēn — hoti mentoi para theous despotas pany agathous hēxein, eu iste hoti eiper ti allo tōn toioutōn diischyrisaimēn an kai touto. hōste dia tauta ouch homoiōs aganaktō, all’ euelpis eimi einai ti tois teteleutēkosi kai, hōsper ge kai palai legetai, poly ameinon tois agathois ē tois kakois. ti oun, ephē ho Simmias , ō Sōkrates ; autos echōn tēn dianoian tautēn en nō echeis apienai, ē kan hēmin metadoiēs; koinon gar dē emoige dokei kai hēmin einai agathon touto, kai hama soi hē apologia estai, ean haper legeis hēmas peisēs. alla peirasomai, ephē. prōton de Kritōna tonde skepsōmetha ti estin ho boulesthai moi dokei palai eipein. ti de, ō Sōkrates , ephē ho Kritōn , allo ge ē palai moi legei ho mellōn soi dōsein to pharmakon hoti chrē soi phrazein hōs elachista dialegesthai; phēsi gar thermainesthai mallon dialegomenous, dein de ouden toiouton prospherein tō pharmakō ei de mē, eniote anankazesthai kai dis kai tris pinein tous ti toiouton poiountas. kai ho Sōkratēs , ea, ephē, chairein auton alla monon to heautou paraskeuazetō hōs kai dis dōsōn, ean de deē, kai tris. alla schedon men ti ēdē, ephē ho Kritōn alla moi palai pragmata parechei. ea auton, ephē.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 63 part 2; transliteration: greek-transliteration (build)